الراجل مات ... وأحنا بنتفرج عليه

**سمير يونس** · 31-10-2008 03:40 PM

الله يرحمه و يرحم موتى المسلمين

و هو عمره إنتهى لحد كده و لو الناس كلها إجتمعت عشان تساعده مش هيقدروا يغيروا ما كتبه الله له

بصراحة الواحد مش عارف يلوم مين في الموضوع ده ؟؟؟

اولاً: الناس غلطوا إنهم ما غطوهوش و هو في هذا الوضع _ و لكنهم مش غلطانين لأنهم لم ينقلوه من مكانه لأن ده خطر جداً عليه لأنه ممكن يكون مصاب بكسر في الرقبة أو في العمود الفقري و لازم اللي يحركه من مكانه يكون واحد متخصص و فاهم و إلا سيحدث له ما لا يحمد عقباه

ثانياً: ممكن نقول الإسعاف هي الغلطانة لأنها ما جتش بسرعة - بس من ناحية تانية الإسعاف هتيجي بسرعة إزاي في ظل الزحام و الفوضى المرورية و الأنانية المنتشرة بيننا ؟؟ كام واحد فينا بيفتح طريق للإسعاف ؟؟؟؟ و إذا واحد فتح لها طريق فيه ألف واحد ما بيفتحلهاش

بصراحة مدينة مزدحمة زي القاهرة ما تنفعش فيها سيارات الإسعاف لازم يستخدموا الإسعاف الطائر ( للشعب كله مش لعلية القوم أو السياح فقط )

و لا حول و لا قوة إلا بالله

**mahamedaraby** · 31-10-2008 04:14 PM

ربنا يرحمه يارب ويجعله من اهل الجنه يارب

بس فعلا زى الاخوه ماقالوا يعنى تساعد الراجل ده وبعدين تلقى القانون الغبى بتاعنا يقولك انت المسئول ادامى طيب ازاى !!

طبعا ده غير دلوقتى الناس بتقولك يلا نفسى وانا مالى والكلام ده كله المشكله المنظومه لازم تتصلح من بدايه القانون حتى الناس

**bassam nagy** · 31-10-2008 04:47 PM

لا حول ولا قوة الا بالله

**Miss_Pharma** · 31-10-2008 06:55 PM

لا اله الا الله ..
ربنا يرحمه ويصبر اهله ..
فعلا المشكلة في القانون الغبي .. زي اللي خبط واحدة ونزل يبعدها عن الطريق لبسته قضية تحرش ..
هي الحكومة هتنبسط اوي لما كله يقول " وانا مالي " ..

**mada121977** · 31-10-2008 11:36 PM

ربنا يرحمه ويتولانا برحمته
الحادثه دى اتكتب عنها فى جريده الاهرام من كام يوم والمتوفى كان عنده 31 سنه ويعمل طبيب بشرى وتقريبا كان لسه بيتعلم السواقه

**badblood** · 31-10-2008 11:49 PM

لا حول ولا قوة الا بالله

**D . a .\ AYMAN** · 01-11-2008 12:22 AM

المشاركة الأصلية كتبت بواسطة fiatto

فيه حاجة غلط وبلاش نظلم نفسنا , المسئولية متشعبة جدا تطول الناس والقوانين والظروف الاجتماعية والاقتصادية وحتى المتوفى نفسه الله يرحمه يمكن يكون مسئول

أنا ماليش دعوة بالبلد وظروفها ولا القوانين العقيمة
أنا بتكلم عن مسئولية كل فرد على حده ومسئولية الجماعة أمام أنفسهم وأمام الله

يعنى الناس خايفة من المسئولية فى الدنيا ومش خايفة من المسئولية فى الآخرة

بتهيئلى لو حد فكر فى كدة نظرته للموقف هتختلف

Mrs.NYSMA

**gade2** · 01-11-2008 12:42 PM

اى واحد مكن يحصلو كده انا مره كت فى العتبه فى محطه الاتوبيس وكانت الساعه 9 بليل وواحدكان مستنى اتوبيس وفجأه اترمى على الدكه والناس تيحى وتبص وتمشى بس الراجل كان نبضه شغال وانا مكنش معايا موبايل فضلت احاول اعمله اسعافات اوليه بسيطه على قد معرفتى علشان يفوق بس مفقش وفى الاخر فى حد اتصل بالاسعاف ومشيت وانا لا اعرف مصيره ولربما مصير احد منا

**Mohd_Adel_Amin** · 01-11-2008 09:21 PM

الموضوع صعب جدا و محير في الحقيقة ..
بس لأني ممرتش بموقف زي كده مش قادر اتخيل هتصرف ازاي ساعتها هل العاطفة والإنسانية هتغلب علي و اروح اساعد وتيجي زي ما تيجي والا العقل هو اللي هيغلب ؟؟؟
انا فعلا محتار .. ربنا يبعد عنا البلاء