رائعة مازدا 3 2015 الجديدة كلياً كافة التفاصيل والأسعار

**Mohamed.Ramah** · 07-12-2014 12:47 AM

المشاركة الأصلية كتبت بواسطة tamer refat

يعنى انا المفروض اروح ادفع فرق عشرين تلاتين الف فرق عشان اركب مازدا بدل فلوينس؟!!
واستغنى عن عربية وتوكيل محترمين زى رينو عشان خاطر عيون اليابانى
واسيب فورد فوكس اللى تقريبا بنفس السعر
واسيب اوبل استرا برضه؟!!!
ايوه عايز أفهم ايه اللى يخلينى اعمل كده؟!!

هو اختيار العربية على حسب متطلبات حضرتك يعنى ممكن تلاقى الانتريور الداخلى والتجهيزات افضل فى المازدا من سيارات فى نفس الفئة وتتساوى فى اشياء تانية مقابل موتور اقلهم فى الفئة دة وفى الافضل منها طبعاً كأداء ومساوى ليها فى التجهيزات والجودة زى الفوكاس- السيفيك أعلى فئة .

المشاركة الأصلية كتبت بواسطة a7med ezz 20

ومين قالك ان الفلوانس او الفورد او الاسترا افضل من ماذدا 3 ؟؟؟

هما أفضل فى مميزات ثانية زى المحرك أعلى فى hp والعزم ولاكن التصميم والجودة أعلى فى المازدا وتتساوى مع الفوكاس

المشاركة الأصلية كتبت بواسطة raedegypt

تحفه تستاهل ثمنها ... كفايه تشطيب الفرش الداخلى حكايه لوحدة

دة الورقة الرابحة الاستغلها غبور وزود ثمنها بس أنا شايف ان ثمنها مبالغ فية وفى بدايل ثانية أفضل من المازدا كأداء وتجهيزاتهم جيدة جداً بالنسبة لأعلى فئة زى /

هوندا سيفيك A/T VTI High Line

او فورد فوكاس A/T Sport Plus .

**ahmzd** · 10-12-2014 04:21 PM

بس فعلا كان المفروض تنزل بالفتيس الجديد!

**Fawzy.Abdelnour** · 29-12-2014 09:19 AM

فرق سعر الفلوراىس بقى كده عشان تخفيض الجمارك على الاوروبى, %24 على الاوروبى و %40 على اى منشأ تانى, و اول يناير هيبقى %20 على الاوروبى
بالنسبه للمقارنه: اليابنى اعطاله اقل بكتير عن اى اوروبى.
المحركات متاقربه جدآ, فرق الكام حصان دول مش هيفرق كتير, و ممكن لو الفتيس احسن متفرقش اصلآ.
الحاجه الوحيده اللى مش عجبانى: ضيقه شويه, غير كده مفيش

**haithamelhagar** · 30-12-2014 11:57 AM

المازدا اغلي لانها في كماليات اعلي في الفءة دي .. زي الزينون وال اي درايف والشاشة ... ودول لوحدهم ممكن يزودوا سعر العربية ٢٠ الف جنيه .... ولوكانت نزلت من غيرهم كنا هنقعد نشتم ف الوكيل ونقول بينزلولنا عربيات فاضية من غير كماليات ... عايز كماليات ... ادفع