الموضوع: يعنى ايه زيت مصنع بتكنولجيا الجيل الخامس؟

المشاركة الأصلية كتبت بواسطة borio1704

غالبا والله أعلم حضرتك دخلت على صفحة الفيسبوك بتاعة زيوت موتول.


يا سيدي اللي كاتب الكلام ده واضح إنه مالوش في الزيوت من قريب أو من بعيد..

المسألة باختصار إن زيوت الأساس متقسمة إلى 5 مجموعات حسب تصنيف الapi

مجموعة 1: زيوت معدنية ضعيفة نسبيا في ثبات اللزوجة ونسبة الشوائب فيها عالية.
مجموعة 2: زيوت معدنية أكثر ثباتا في اللزوجة ونسبة الشوائب فيها منخفضة.
مجموعة 3: زيوت معدنية الأكثر في الثبات من ناحية اللزوجة والشوائب فيها منخفضة.. ودي أغلب الزيوت التخليقية حاليا.
مجموعة 4: زيوت تخليقية أساسها مركبات البولي-ألفا-أولفين pao
مجموعة 5: أي زيوت أساس غير ال4 اللي فوق... وفي زيوت المحركات .. بتبقى غالبا من مركبات الإستر.

لو دخلت على زيوت موتول بالانجليزي هتلاقيهم كاتبين بكل وضوح إن الزيوت بتاعتهم زيت الأساس فيها هو الإستر (مجموعة 5).

طبعا.. المكتوب ده دليل إن اللي فاهمين في الزيوت في السوق المصري يكادوا يكونوا مش موجودين

حتى بتوع التوكيلات .. الشركة الأم ما كلفوش نفسهم يعملوا توعية للي شغالين في التوكيل على يبيعوا وهما فاهمين بيقولوا إيه.

للأسف الشركات الفرنسية بشكل عام ما عندهمش اهتمام كافي بتوكيلاتهم.. وده بينعكس بالتالي على أداء وسمعة منتجاتهم بشكل عام.



...

بمعنى ايه زيوت اساس ؟؟

دى حاجه فى قمة الهرم التقنى فى التصنيع ولا اشتغاله ؟؟

والاستر ده ايه ؟؟ معلش طول بالك معايا اخوك فى الجزئيه دى معلوماته بسيطه جدا