عضوة جديده لسه بتتعلم السواقه

**shiko85** · 23-12-2014 02:57 PM

المشاركة الأصلية كتبت بواسطة أم نون

شكرا ياشيكو خبرة ماشاء الله عليك.

شكلها حلو أوى الجيلى فروته
بس إيه الفرق بين موديل 2005و 2006 عن موديل 2004 ؟
قطع غيار منتشره اكتر - شكلها اظرف - و العربيه منتشره اكتر من 2004
وممكن أستئذنك توضحلى اكتر حالة التكييف عامة مع 1000 سى سى ؟
اى عربيه بتتأثر بالتكيف لكن التأثير ده بيكون ملموس فالـ 1000 او 1100 و اوقات الـ 1200 سى سى كمان
التأثير ده بيكون واضح جدا فحاله السكون او مع اول الحركه بعد اشاره مثلا لكن فالطريق العادى التأثير اقل
بشكل عام اداء تكييف الفروته مقبول جدا
وبالنسبة للجيلى فروته الدريكسيون بتاعها أخباره إيه ؟ يعنى ناعم ولا محتاج عضلات ؟
لا مش محتاج عضلات و مش ناعم اوى يعنى متوسط
والضمان والتوكيل والصيانه وقطع الغيار كويسين ؟
العربيه موديل قديم يعنى خارج الضمان طبعا و التوكيل كان توب جير و الصيانه سهله لان الفروته هى الديهاتسو شاريد
قطع الغيار اسعارها مقبوله جدا

**أم نون** · 24-12-2014 01:16 PM

شكرا شيكو.

ياجماعة أنا فى حاجة عايزة أسألكم عليها

هو لما بينزل موديل جديد من عربية موديلات الأقدم مش بتتباع فى التوكيل أو المعرض ؟

يعنى فى رأيى كيا بيكانتو وهيونداى i10 الأشكال القديمة أحلى
فلو حد عايز يشترى الشكل القديم زيرو بيعمل إيه ؟!

**shiko85** · 24-12-2014 01:31 PM

المشاركة الأصلية كتبت بواسطة أم نون

شكرا شيكو.
العفو, الشكر لله وحده
ياجماعة أنا فى حاجة عايزة أسألكم عليها
هو لما بينزل موديل جديد من عربية موديلات الأقدم مش بتتباع فى التوكيل أو المعرض ؟
يعنى فى رأيى كيا بيكانتو وهيونداى i10 الأشكال القديمة أحلى
فلو حد عايز يشترى الشكل القديم زيرو بيعمل إيه ؟!
تسألى لو التوكيل او المعرض عنده لسه الشكل القديم و لو موجوده هتشتريها عادى جدا بس خلى بالك سعرها مش بيقل كتير و فيه نقطه مهمه ان العربيه هتبقى موديل قديم او شكل قديم يعنى بمجرد ما العربيه تترخص التعامل معاها فسوق السيارات انها موديل اقدم (سنه الصنع)
غير ان فيه بعض العربيات بتتخزن فظروف غير مناسبه و ده بيأثر على الدهان و سوائل المحرك و الأجزاء البلاستيك الداخليه و هكذا
لكن لوشكل قديم بس نفس موديل السنه مفيش مشكله

**أم نون** · 24-12-2014 01:52 PM

ايه ده يعنى ممكن ينزلوا كيا بيكانتو شكل قديم وشكل جديد موديل سنة 2015 مثلا ؟!

**shiko85** · 24-12-2014 02:16 PM

المشاركة الأصلية كتبت بواسطة أم نون

ايه ده يعنى ممكن ينزلوا كيا بيكانتو شكل قديم وشكل جديد موديل سنة 2015 مثلا ؟!

ممكن, يعنى نفرض ان الشكل الحالى هيكون موجود فـ 2015 و فيه شكل تانى جديد هينزل شهر 6 مثلا كده الـ 2 موديل 2015
و بتحصل كتير جدا لان الوكلاء بيأخروا نزول الشكل الجديد علشان يبيع القديم اللى عنده فالمخازن لكن تجار الخليجى بينزلوا الشكل الجديد
و كان قبل كده اكسنت الشكل بتاع 98 بينزل 2006 و الفيرنا كانت موجوده من 2004 و شيفوليه سبارك اللى لما نزل منها شكل جديد اتغير القديم لـ سبارك لايت و فضلت موجوده فالسوق
السيراتو الشكل بتاع 2006 كان الوكيل بينزل الشكل ده و الخليجى بينزل الشكل الجديد فالوقت ده

**عصير قصب** · 26-12-2014 11:59 AM

انا بتغاظ من كيا بيكانتو دى اوى
من سعرها المبالغ فيه جدا وشكلها

وايلى يغيظ اكتر لما تلاقى راجل راكبها
طب ياعم انت ما كنت توفر تمنها ايلى على مفيش ده
وتركب لانو س او فيرنا
بصراحه حاجه تفقع