صدقني وحتى الـbmw كمان ليها مزايا وعيوب..
المهم إيه اللي يناسب المستخدم.
...
عرض للطباعة
من وجهة نظري المسألة نسبية بحتة.. ولا علاقة لها بعلوم الرياضيات... لإن علوم التسويق هنا هي المتحكمة في الموضوع.
وإلا فإديني سبب منطقي لارتفاع أسعار ماركات سيارات عن الأخرى !!!
وزي ما حضرتك قلت من شوية... أنا هقوللك بردو
طب خد دي
هل تعلم حضرتك إنك لما تشتري عربية نص نقل مجمعة في مصر ماركة إيسوزو بتشتريها بسعر أرخص حوالي 5000 جنيه من أختها الشيفروليه اللي متجمعة في نفس المصنع؟؟؟
هل تعلم إن بعض سيارات دايهاتسو بتتباع في بعض مناطق اليابان وعليها علامة تويوتا وبفارق سعر أيضا ؟
طب سؤال تاني...
إيه اللي يخلي عربية واحدة بنفس تجهيزات الأوبشنز.. مرة يركب عليها موتور 1300 مثلا ومرة يركب عليها موتور 1600 ... وسعر الـ1600 أغلى!!!
مع العلم بأن تكلفة تصنيع وتركيب الموتورين واحدة.
المنطق هنا هو منطق تسويقي...
كل ما كانت العربية فيها إمكانيات تستفيد بيها.. يبقى سعرها أعلى
ومن ضمن أهم الإمكانيات في العربيات هي سمعتها... لإن السمعة تقدر تترجمها لأشياء تانية كتير حسب المعروف عن الماركة دي..
وهنا كل واحد بيشوف الأنسب له..
وأهم نقطة هنا إن مفيش حد غلط
لو حضرتك شايف الناس غلطانة علشان بتفضل تشتري نوع معين من العربيات لأسباب معينة... فحضرتك أكيد ليك وجهة نظر تانية لإن اهتماماتك وأولوياتك تختلف عن الناس دي
ده مش معناه إنهم صح بردو... ولا معناه إن حضرتك غلط... إنما اللي يمشي معاك حاجة تانية غيرهم.
وهو ده اللي بيقولوا عليه "أذواق" اللي من غيرها "تبور السلع".
...
انا مش مختلف معاك اطلاقا..كل كلمة صح
بس مالهاش اي علاقة باللي انا بأقوله
انا مش بأتكلم عن سياسات تسعير البيع ولا اعادة البيع
انا بأتكلم عن حساب قيمة مكافئة للخسارة عند اعادة بيع اي سلعة
ﻷخر مرة يمكن الناس تفهم :
*عربيتين سعرهم 100 الف..واحدة بعد 5 سنين تتباع ب60 الف و التانية "بنسبة بيع اعلي " 70 الف
= القيمة المهدرة عند اعادة بيع الاولي أكبر
* نفس ال100 الف جنيه السابقين .. اشترينا بيهم سيارة بنفس نسبة اعادة بيع اﻻولي و لكن ب 80 الف
و تم حفظ باقي المبلغ ( 20 الف ) في حساب توفير "تثبيت واقعي لتسوية للقيمة المكافئة للشراء "
بعد 5 سنين معانا ايه ؟؟؟؟؟:
60% من سعر السيارة الاولي ذات نسبة اعادة بيع منخفضة = 48 الف
+ 30 الف جنيه "قيمة واقعية للمتبقي من الشراء المكافئ الاول في حساب توفير"
يبقي معانا كااااام ؟؟؟ ..78 الف !!!
حد فاهم حاجة ؟
نسبة الخسارة من السعر الاصلي يعتد بها عند تساوي السعر المقارن
اما اذا كانت احدي السلعتين بسعر مختلف..فالحسبة تختلف
ارجو قراءة ما سبق بنية الفهم.. و ليس بنية الرد و ستجدو الكلام سهل و بسيط
تحياتي
احسبهالك ﻵخر مرة بالطريقة اللي اغلب المصريين بيشتروا بيها ؟..بالقسط ؟ :
* العربية 100 الف بنسبة اعادة بيع 70%
قسطها 2500 فالشهر لمدة 60 شهر..يعني دفعت 150 الف
بعد 5 سنين بعتها ب 70 الف .. خسرت كام === 80 الف جنيه
* العربية ب 80 الف و نسبة اعادة بيع منخفضة 60%
قسطها 2000 جنيه فالشهر لمدة 60 شهر..يعني دفعت 120 الف
بعد 5 سنين بعتها ب 48 الف.. خسرت كام === 72 الف جنيه !!!
الخلاصة :
لو العربية اللي عاجباك و نسبة اعادة بيعها منخفضة .. اقل في سعر الزيرو من الغالية ام نسبة اعادة بيع عالية... ففرق السعر الزيرو يعوض لك فرق النسب "كقيمة فعلية " .. و يصل لقيمة اعلي او خسارة اقل
و اشوف وشكم بخير
اخوكم..د.تامر حجازي
مدير مبيعات و تسويق "ماجستير ادارة اعمال كامبريدج"
مش كل الناس بتفكر بالطريقة دى و العكس هو اللى غالب
و مثال للى حضرتك بتقوله عربيتين توأم...نسخة واحدة تماما
بيجو301 و ستروين سى اليزيه
الستروين تمنها اقل 8 آلاف و الناس مصرة على البيجو علشان اعادة البيع للستروين ضعيفة
طيب ما فرق الخسارة 8 أجيب ام سعر اقل !!!
مع كامل احترامي لحضرتك يا استاذ حجازي و واضح ان حضرتك فعلا بتفهم كويس في الحسابات ديه،،، بس انا عمري ما فكرت احسبها بالطريقة ديه ولا شوفت بني ادم واحد حسبها كدة، انا عن نفسي بحسبها زي ما قولت، و انظمة الحسابات متعددة، انا شايف انك لو اشتريت عربية ب200 الف و بعتها بعد ب180 احسن ما اجيب عربية ب160 الف و ابيعها ب130 طالما ان العربيتين في متناول الفلوس اللي معايا و كل واحد و ليه حسبته بس اللي انا بقوله لحضرتك ده زتونة السوق المصري، عشان الاغلبية بيفكروا انهم ميخسروش اكبر قدر ممكن من رأس المال اللي اتحط في العربية بغض النظر العربية ديه ب200 ولا 100 ولا كام طالما سعر العربية في مقدرتهم و الاولوية بتكون للعربية الافضل في الامكانيات،، و انا من الناس ديه و في الاول و الآخر كل واحد بيشتري علي مزاجه.
م.احمد .. احمد عبد السلام
عندكم حق.. اغلب الناس راكبه دماغها في معتقدات غلط
اعتقد ممكن تعترفو ان برضه الناس دي راكب في دماغها حسبة غلط
الموضوع ده
من احلي واقيم المواضيع اللي انا تابعتها علي المنتدي
ياريت فعلا الناس متقراش بعنيها فقط
شكرا لاني استفدت كتير
Sent from my SM-N900 using Forum Runner
ماشي.. كلامك مضبوط نظريا..
بس علشان تحسب مبلغ الخسارة الفعلية .. فتكلفتك مهياش مجرد تكلفة الشراء..
حضرتك أغفلت في الحسبة دي مصاريف التشغيل..
وبما إنك بتحسبها كإنك داخل مشروع استثماري.. يبقى لازم تحسبها من جميع النواحي.
أبسط تكاليف التشغيل هي استهلاك البنزين والزيوت.. ومصاريف الصيانة وقطع الغيار..
ده غير حسابات "الإتاحة Availability" وقد إيه استفدت من العربية أو الآلة وإنتاجيتها وصلت كام.
دخل المتغيرات دي في المعادلة ﻹن هو ده الواقع.. وهيخلي نتائج المعادلة تتغير.
لصالح مين؟؟؟؟ مقدرش أقوللك دلوقتي
...