مش عارفه اختار .. عربيه من 180 _220 الف

**esraa ahmed** · 30-11-2014 12:09 AM

المشاركة الأصلية كتبت بواسطة borio1704

أنصحك تدخلي على الموضوع ده علشان يساعدك تحددي انتي عايزة إيه
http://www.nilemotors.net/nile/329150-a.html

ونبقى نتكلم صح بعد كده

...

طيب انا ممكن احدد انا عاوزه عربيه عائليه ماركه محترمه طبعا مش لازم تستحمل بهدله لانه مشاويرى قصيره واستهلاكى مش هيكون تقيل وسفرياتى البعيده قليله يعنى نقول كل كام شهر الحمد لله مستريحه ماديا بس طبعا مش عاوزه قطع غيار نار الطرق عندنا مش كويسه خالص ... هندخل بقى فى امكانيات العربيه فانا بصراحه مش قادره احدد لانى مش بفهم فلحوار ده بس اكيد انا عاوزه عربيه يكون موتورها قوى فيها ثبات سرعه تكيف جنوط سبور اوتو مش منيوال .. لو هنتكلم على الشكل هفضل الشكل البناتى لكن طبعا مش هفضل الشكل او اى كماليات فى العربيه على حساب الامكانيات الاساسيه يعنى الاهم عندى نبقى العربيه كويسه بعدين القشقاى مثلا شكلها شغال معايا عادى السيراتو كمان ..

**ali ashraf** · 30-11-2014 12:47 AM

السلام عليكم انا ملاحظ ان حضرتكم ركزتم فقط على انواع السيارات فقط وده مش مضبوط قوى نصيحتى لحضرتك عند شراء السيارة انك تراعى عدة امور مع بعض:

دواعى استخدام السيارة هل تذهبى بها الى العمل بشكل يومى ام لا, سعة السيارة على حسب عدد الافراد يعنى لما اجيب سيارة لفرد او اثنين مش زى اسرة مثلا 7 افراد.
مراكز الصيانة المتوفرة بالنسبة لحضرتك ( الصعيد)
تأكدى من نوع البنزيين المستخدم لان 95 اصبح غير اقتصادى تماما.
جوابى مع نفسك على الاسئلة دى , أما بالنسبة لنوع السيارة فى رأى ( راى مجرد لم يخضع للعوامل السابق ذكرها) تنازليا فهى اللى هيخلينى ادفع 220 اقسط الباقى و اجيب بيجو 508 لان دى فئة اعلى بكثير ثم سكودا ثم قشقاى و بالتوفيق ان شاء الله

**S O P H O S** · 30-11-2014 02:42 AM

المشاركة الأصلية كتبت بواسطة esraa ahmed

سيفيك الناس بتشكى من انها واطيه وبتخبط كتير فى المطبات ونا عاوزه عربيه عاليه متعملش مشاكل فى السواقه خصوصا انه عندنا فى الصعيد مطبات كتير والطرق مش مريحه

السيفيك الجديدة مش واطية بالعكس ارتفاع العربية كويس

**esraa ahmed** · 30-11-2014 10:33 AM

المشاركة الأصلية كتبت بواسطة ali ashraf

السلام عليكم انا ملاحظ ان حضرتكم ركزتم فقط على انواع السيارات فقط وده مش مضبوط قوى نصيحتى لحضرتك عند شراء السيارة انك تراعى عدة امور مع بعض:

دواعى استخدام السيارة هل تذهبى بها الى العمل بشكل يومى ام لا, سعة السيارة على حسب عدد الافراد يعنى لما اجيب سيارة لفرد او اثنين مش زى اسرة مثلا 7 افراد.
مراكز الصيانة المتوفرة بالنسبة لحضرتك ( الصعيد)
تأكدى من نوع البنزيين المستخدم لان 95 اصبح غير اقتصادى تماما.
جوابى مع نفسك على الاسئلة دى , أما بالنسبة لنوع السيارة فى رأى ( راى مجرد لم يخضع للعوامل السابق ذكرها) تنازليا فهى اللى هيخلينى ادفع 220 اقسط الباقى و اجيب بيجو 508 لان دى فئة اعلى بكثير ثم سكودا ثم قشقاى و بالتوفيق ان شاء الله

شكرا لحضرتك نبهتنى لحاجه مهمه جدا بخصوص الصيانه هحاول اعرف الاول التوكيلات اللى هتبقى قريبه عليا. وده اكيد هيستبعد عربيات
بس بنسبه لبنزين 90 فى مشاركين كتير بيقولوا انه العربيه مش بتستهلك منه اد ال 92 وده بيعوض فرق الفلوس
القسط بقى انا اصلا حطيت رينج عالى للعربيه عشان اجيب عربيه حلوه وتكون كاش مضطرش اقسط ودفع ضعف المبلغ اللى هقسطه

**esraa ahmed** · 30-11-2014 10:52 AM

المشاركة الأصلية كتبت بواسطة eng.mark

-القاشقاي الجديدة حلوة جدا بس لسة محدش جربها ف ممكن يكون ليها مشاكل تظهر بعدين و كمان أول دفعة هتتسلم بعد 5 شهور و ديه فترة مش قليلة !!!
-السيراتو مايتدفعش فيها المبلغ ده
-الفئة ديه مليانة عمالقة ... اللي جاي مش بالترتيب (أسترا - كورولا - سيفيك -أوكتافيا a7 - فلوانس - امبريزا - سنترا - xv - سبورتاج - ix35 )
-ملحوظة : السيفيك مش واطية ... الجيل الجديد أعلي بكتير من القديم و ديه إشاعة منتشرة و الناس عمالة تلت و تعجن فيها ... أنا جربتها و ماحكتش مني في مطبات
-تصحيحا لمعلومات حضرتك القاشقاي أوتو مش مانيوال !!!

انا كنت فاكره انها منيوال يمكن العربيه الجديده اوتو بس فكل الاحوال مش هستنى خمس شهور بعدين كل الموديلات 2015 نزلت مش فاهمه ليه قاشقاى مش نزلت لغايت دلوقتى
شكرا طبعا على التصحيح
باقى الماركات انا ببحث فيهم وربنا يسهل

**swimmer25** · 30-11-2014 11:31 AM

حاسس إنك بتفكري في رينج
كيا سبورتاج أو ix35 أو بيجو 3008 لو تقدري توصلي ل 230 وده لو عايزة عربية عالية وتستحمل تحميل أفراد كتير وشنط
ولو سيدان وإرتفاعها كويس يبقى كورولا أو سيفيك أو أوكتافيا بس الأوكتافيا موتورها أضعف فلو مش هيفرق معاكي التسارع ومش بتحبي الجري فبالتالي هي كويسة

**م أحمد** · 30-11-2014 11:47 AM

كل اللى انتى قلتيه متوفر فى السوبارو xv خاصة ان اعادة البيع مش فى بالك ووفرى فرق فلوس القاشقاى

عربية عالية و شكل اشيك من الكيا و الهيونداى و القاشاقاى كمان

**ali ashraf** · 30-11-2014 05:28 PM

أسعار سوبارو 2015 في مصر

سوبارو مصر
الموديل الخصائص سعة الماتور السعر سوبارو امبريزا 2015 جميع الكماليات / ناقل اوتماتيك 1600 175,000 ج
سوبارو امبريزا 2015 جميع الكماليات / ناقل اوتماتيك / هاى لاين 1600 195,000 ج
سوبارو XV 2015 جميع الكماليات / ناقل اوتماتيك 1600 199,900 ج
سوبارو XV 2015 جميع الكماليات / ناقل اوتماتيك / هاى لاين 1600 224,900 ج

**esraa ahmed** · 30-11-2014 09:20 PM

المشاركة الأصلية كتبت بواسطة AhmedNaeem

حضرتك مفيش قدامك خيارات كتير للاسف
لان تقريبا حضرتك من سوهاج نفس مشكلتي ومفيش توكيلات صيانة في سوهاج واقرب حاجة بتكون في اسيوط
ومفيش في اسيوط غير نيسان ورينو و كيا ومنصور وطبعا هيونداي
القشقاي حلوة جدا وعالية بس اعتقد الموتور الجديد تربو وهيكون عايز بنزين 95 وده طبعا مش موجود عندنا
وطبعا حضرتك عايزة عربية عالية يبقي مش فاضل غير كيا اسبوتاج او هيونداي ix35
مجرد راي انا برشح اويل استرا او رينو فلوانس

اه انا من سوهاج وكنت محتاجه فعلا اعرف موضوع الصيانه وقطع الغيار وحد من سوهاج يساعدنى .. بالنسبه للعربيات اللى حضرتك رشحتهالى ix لسه جايبنها فى العيله عندنا ومش حابه اكرر.. كيا سبورتاج مش عارفه بس سيراتو هى للى شغاله عندنا وكل ناس بتجيبها وفلاخر هى كورى ..كمان حوار بنزين 95 ده مين قال انه مش موجود منا بشوف قشقاى كتير عندنا يعنى اكيد متوفر.. اوبل بقى انا مش برتحلها يعنى اللى يجيب المانى يجيب اسكودا متهيالى حتى فيكترا عندنا مش مرغوبه خالص ... الحقيقه انا مياله اكتر للالمانى يعنى سيات ليون مثلا عجبتنى جدا دلوقتى بفكر فى اسكودا بس عاوزه اتاكد من حوار الصيانه ده يا ريت تساعدنى