مش عارفه اختار .. عربيه من 180 _220 الف

**ahmzd** · 01-12-2014 09:49 AM

صوتي ذهب للقاشقاي.. وبالتوفيق بإذن الله تعالى.

**AhmedNaeem** · 01-12-2014 11:38 AM

المشاركة الأصلية كتبت بواسطة esraa ahmed

اه انا من سوهاج وكنت محتاجه فعلا اعرف موضوع الصيانه وقطع الغيار وحد من سوهاج يساعدنى .. بالنسبه للعربيات اللى حضرتك رشحتهالى ix لسه جايبنها فى العيله عندنا ومش حابه اكرر.. كيا سبورتاج مش عارفه بس سيراتو هى للى شغاله عندنا وكل ناس بتجيبها وفلاخر هى كورى ..كمان حوار بنزين 95 ده مين قال انه مش موجود منا بشوف قشقاى كتير عندنا يعنى اكيد متوفر.. اوبل بقى انا مش برتحلها يعنى اللى يجيب المانى يجيب اسكودا متهيالى حتى فيكترا عندنا مش مرغوبه خالص ... الحقيقه انا مياله اكتر للالمانى يعنى سيات ليون مثلا عجبتنى جدا دلوقتى بفكر فى اسكودا بس عاوزه اتاكد من حوار الصيانه ده يا ريت تساعدنى

القشقاي 2015 الجديدة نازلة بموتور تربو ودي هي اللي غالبا هتحتاج بنزين 95 ودي غير اللي منتشرة حاليا
اما بالنسبة للاسكودا والسيات فللاسف مفيش وكيل ليهم في الصعيد لكن لو حضرتك بتسافري القاهرة كتير يبقي مفيش مشكلة
و مادام مفيش مشكلة في السفر يبقي ياريت تبصي علي البيجو 508 فعلا عربية تحفة

**esraa ahmed** · 01-12-2014 02:22 PM

المشاركة الأصلية كتبت بواسطة J A G U A R

سبورتاج او ix35

Ix. مش من ضمن اختياراتى سبورتاج 2015 مش لاقيه مناقشات كتير فى المنتدى عليها عشان اقدر احدد يعنى مش زى a7 مثلا لقيت مناقشات بتفاصيل كتير عليها

**esraa ahmed** · 01-12-2014 02:26 PM

المشاركة الأصلية كتبت بواسطة ahmednaeem

القشقاي 2015 الجديدة نازلة بموتور تربو ودي هي اللي غالبا هتحتاج بنزين 95 ودي غير اللي منتشرة حاليا
اما بالنسبة للاسكودا والسيات فللاسف مفيش وكيل ليهم في الصعيد لكن لو حضرتك بتسافري القاهرة كتير يبقي مفيش مشكلة
و مادام مفيش مشكلة في السفر يبقي ياريت تبصي علي البيجو 508 فعلا عربية تحفة :s_thum1[1]:

طيب شكرا جدا لحضرتك بس ممكن تنصحنى بمعرض معين فى سوهاج يكون مضمون انا رحت اغلب المعارض بس مش عارفه اشترى من مين ولا مش هتفرق

**AhmedNaeem** · 01-12-2014 02:45 PM

المشاركة الأصلية كتبت بواسطة esraa ahmed

طيب شكرا جدا لحضرتك بس ممكن تنصحنى بمعرض معين فى سوهاج يكون مضمون انا رحت اغلب المعارض بس مش عارفه اشترى من مين ولا مش هتفرق

معرض الرايه اللي في طريق اخميم بعد فندق كازانوفا كويس

اخويا اشتري عربية قريب من عندهم معملتهم كويسة وملتزمين

بس حضرتك نويتي علي ايه ؟

**esraa ahmed** · 01-12-2014 10:11 PM

المشاركة الأصلية كتبت بواسطة ahmednaeem

معرض الرايه اللي في طريق اخميم بعد فندق كازانوفا كويس

اخويا اشتري عربية قريب من عندهم معملتهم كويسة وملتزمين

بس حضرتك نويتي علي ايه ؟

لا انا الحقيقه لسه مش نويت بس دلوقتى مياله خالص لاسكودا لانه نفسى قوى فى الالمانى .. انا بحثت فى جوجل على مراكز الصيانه لقيت انه ليهم مركز صيانه فى البحر الاحمر ونا بنزل الغردقه عادى واحسن بكتير بنسبالى من القاهره بس مش عارفه اعتمد على المعلومه من جوجل ولا احاول اتصل باى خط ساخن مثلا وعرف اقرب فرع ليا لو مش هقدر اجيب المانى هيبقى مش قدامى غير كيا سيراتو بقى او سبورتاج مع انى بفضل سيدان