شكررررا
عرض للطباعة
مع اني كنت منتظرها بفارغ الصبر
بس قرار نهائي ان شاء الله هصبر لـ ٢٠١٦ ان كان لنا عمر آملاً انهم ينزلوا
متور ١٦٠٠
شكرا لصاحب الموضوع
انهاردة انا بصيت على قشقاي الجديدة في اوتو إيجيبت ، انا اتصدمت لنا فتحت الكبوت ، الموتور ملعبك وملخفن وسلوك مرمية في كل حتة بدون ترتيب تحس ان الموتور متركب في الحرفيين ، يعني ما كنش هاين عليهم يحطو غطاء للموتور يداري الهم ده كله والله تحس ان منظر الموتور يسد النفس ، ده الكوري اللي هو يعتبر عربيات على قدها والكبوت بيكون رايق عن كده ومترتب وعارف كل سلك وخرطوم بتاع إيه وجاي منين ورايح على فين ، والله دي بيتهيألي لو باظت على الطريق والله ما هتعرف انت ماسك إيه في إيديك ولا إيه اللي بايظ ، عامله زي صنية الكنافة كله على بعضة ، بس لو قفلت الكبوت وحاولت تنسي المنظر المريع اللي تحت الكبوت بجد هتنبهر ، العربية من جوة منظمة ، الشنطة بقت اوسع من اللي قبلها ، السقف واطي زي اللي فاتت ، الصالون مش واسع اوي ، يمكن عشان مش زي صالون الكارينز فحسيت انه ضيق ، الكراسي مريحة ـ وملمس التابلوه جيد والتقفيل جيد جداً العزل بنسبة 80 % كويس لأاني كنت سامع اللي بيتكلم بره بعكس تويوتا كورولا ، لما تقفل الباب تحس انك دخلت الصحرا ، ترتيب التابلوه كويس ، مساحات التخزين مش بطالة بس مش زي الكارينز ولا بيجو 3008 ، هي زي السبورتاج او الاي اكس 35 كده ، الشكل من المقدمه رائع ، الجنط ال19 شكله كويس ، بس حاول تدخل جمعية عشان تشتري كل شوية كاوتش عشان البلالين ، لان البروفايل بتاعه قليل أوي ، لانه 215على 45 على 19 ، مينفعش في شوراعنا خالصصصصص ، الشكل من الخلف بالنسبة للفوانيس حسيته مقتبس من الفورد فوكس ، شكله من الخارج والداخل طفرةكبيرة جداً بالنسبة للشكل السابق اللي كان من جوه عامل زي النص نقل ، بس نصيحة متفتحش الكبوت عشن متقفلش منها
قالولى فى التوكيل فرع المهندسين انها نازلة بنزين 92 و عندهم عربية فى المعرض مسئول البيع بيحلفلى انها بنزين 92 وبيقول انه جربها ومشى بيها والعزم متظبط واحلى من القديمة وده كلامة واناحجزت و مستنى التيست درايف انشاء الله اشوفها مناسبة ليا ولا لأ انشاءالله
نسبة الانضغاط اللي بتتكتب في بورشور العربيات التيربو
هي نسبة الانضغاط بدون حساب ضغط التيربو نفسه, يعني بعد المعامل ده الرقم هيزيد
والعربيات اللي سعتها اللتريه عاليه شويه وفيها تيربو بتكون سبة انضغاط الموتور مثلا 1:9 بس ده طبعا مش معناه انها هتمشي ب 80 !!
فخللوا بالكو بس قبل الشراء
معلومه على جنب:
اتجاه المصانع دلوقتي لرفع نسبة الانضغاط وتقليل السعه اللتريه للحصول على باور اعلى (في السيارات العاديه منغير تيربو)
يعني بنزين 95 ده مايعتبرش رفاهيه
وحسبنا الله ونعم الوكيل :)
مش شرط تربو تبقي محتاجه 95 الموضوع كما وضح الاعضاء نسبة الانضغات يعني المرسيدس ال e200 من سنة 2000 لليوم تربو ومفيش اي مشاكل فيها حتي من الموديلات اللي عدي هليها 14 سنه شغاله 92 عادي جدآ