بصراحة المشكلة الأكبر في البنزين
عرض للطباعة
بصراحة المشكلة الأكبر في البنزين
هو الفرق فعلا كبير بين 2.60 جنيه و 6 جنيه وربع . و فعلا الاستهلاك مش هيعوض الفرق . ممكن احط 92 و معاه محفز اوكتان أو مره 92 و مره 95 . انا عارف ان الكلام ده مش عملى بس كل اللي راكبين جيتا و باسات و بيجو 508 و 3008 و اوبل انسجنيا. بيعملوا كده . لاحظ يا باشا أن الكماليات اللي في الفئة التانيه ب 215000 مش موجوده في الاوكتافيا و البيجو 508 غير في الهاي لاين. انا بتكلم عن تكييف تاتش و جنوط أسبور و البصمة و زرار ستارت انجين و سقف بانوراما و نور أمامي زينون و ليدات . دي برضه فلوس .
اللى عاجبنى في القاشقاى الجديده طبعا الشكل ، وكماليات الفئه التانيه لو فعلا ب 215 الف زى ماقريت المواصفات والسعر على المنتدى تبقى أكتر من ممتازه
اللى مش عاجبنى
الموتور حتى لو إشتغل مع بنزين 92 بدون مشاكل ، وحتى لو طلع كل قدرة الموتور ودى أشك فيها ، أداء العربيه مازال يعتبر ضعيف شويه ، زى أداء القديمه بالموتور ال 1600 ، في ناس كانت قابله بيه وشايفاه عادى وناس كانت بتشوفه ضعيف وتتجه للسبورتاج وال ix35 لانهم أفضل في النقطه دى
غير الموتور في حاجه كمان مهمه جدا وهى العفشه ، تغيير التعليق الخلفى من Multi-Link ل Twist-Beam اكيد نقطه مش في صالحها ، كدا كأنها جوك بس أكبر شويه
الفرق في نوع الجنط
لو high profile مفيش مشكله
الموتور فعلا ضعيف .. بس بغض النظر عن انه ١٢٠٠ cc هو بيطلع 118 حصان و دول اكتر من اللي في موتور الاوكتافيا الجديده و الاوبل استرا و بيوصل لل ١٠٠ كم / س في 10.9 ثانيه و ده اسرع من الاوكتافيا و الاسترا . بالنسبه للعفشه فده طبعا عيب فيها و خصوصا انها عربية suv يعني المفروض ان اهم حاجه فيها هي العفشه
بالنسبة للعفشة فطبقا للمواصفات اللي في زميل في المنتدي نشرها من يومين كان مكتوب ان فيها vehicle dynamic control نظام التحكم في الثبات كتجهيز أساسي
رأيي وممكن أكون خاطئ في الراي ده ان التورشن بيم كعفشة أريح من المالتي لينك خصوصا في الطرق المكسرة والمطبات
علي فكرة العزم بتاع العربية مش ضعيف ، التربو بيذود الباورهورس بتاع العربية ممكن لاضعاف ، المشكلة الاساسية فالبنزين اللي هينفع ليها ، وعلي فكرة في عربيات كتيرة تربو بتمشي ببنزين 92 ، القصة كلها حسب الموتور نسبة ضغطه كام ، ولو الوكيل قال تمشي ببنزين 92 والضمان بقي عليه ، العربية هتكتسح بالاوبشن ده
115 مش 118
هما فعلا أكتر من الأوكتافيا بس في فرق وزن ، وحاجات تانيه زى الفتيس والايروداينمكس
وال 10.9 دا تسارع القاشقاى المانيوال مش الاوتوماتيك
تسارع القاشقاى 0-100 في 12.9 ث
تسارع الاوكتافيا A7 من 0-100 في 12.0 ث ، موتورها 110 حصان 155 نيوتن
تسارع الأسترا 0-100 في 13.3 ث ، موتورها 115 حصان 155 نيوتن
هي بتفرق حسب ال Setup بتاع العفشه من حيث التصميم ونوع المساعدين والسوست ، يعنى ممكن يبقى الملتى ناعم او ناشف ، والبيم نفس الكلام ، لكن الأكيد ان الملتى أفضل في الثبات والتماسك
اما VDC طبعا تجهيز مهم بس مش هايشتغل غير في حالات معينه
التربو بيزود العزم أكتر من الهورس باور والعزم فعلا أهم
اما البنزين في التربو مش بنسبة الإنضغاط لأن معظم المواتير التربو نسبة إنضغاطها قليله ، الأهم هل متظبطه تمشى ب 92 ولا لأ