الموضوع: متردد جدا ومحتاج مساعدتكم في f30 ٢٠١٥

المشاركة الأصلية كتبت بواسطة Hosam_Optrawy

وهكذا بحد اقصى 50 % مش 30 % يعنى هاتنزل كل سنه 8 الاف تقريبا من الجمرك لحد مايوصل 84 الف جنيه بعد 1/10/2023 ان شاء الله :)

يا مين يعيش

المشاركة الأصلية كتبت بواسطة horas3000

هو طبعا المواصفات بقت مغريه جدا
بس العربيه كده غاليه بصراحه
و بالمناسبه حسبتك دي مش دقيقه
في عضو زميل هنا و معانا في جروب ال f30 جايب العربيه من السعوديه برضه
و حسب كلامه كان جايبها ب 118 الف ريال و حسبوا عليه جمارك 170 الف و بالواسطه و المحايله نزلها ل 140 الف
فاشك ان بالمواصفات الجديده دي و العربيه يبقي جمركها 160 الف
لان البهوات هنا بيجمركوا كل اوبشن لوحده و يضيفوه علي الحسبه بتاعه سعر العربيه

ففي النهايه العربيه هتقف عليك اغلي من ال 320 اللي هنا
و كده شايفها متستاهلش بصراحه

النهاردة سألت مسئول المبيعات اللي في الوكالة ... هو مصري برضه قالي هو منزل واحدة ب 125 الف موديل 2014 .. بيقولي هو الموضوع في الاخر بيتحسب تقديري علي حسب موظف الجمارك والمكتب اللي هيشحنلك العربية فلو ظبطته هينزلك في العربية ومتهيقلي انا قريب مشاركة العضو اللي نزل العربية .. هو نزلها في نفس السنة اللي اشتراها فيه يعني مفيش خصم علي الجمارك .. وفي حالتي انا مش هنزل دلوقتي الله أعلم امتي .. بس برضه مقلق من موضوع الكماليات والجمرك .. فتحة السقف لوحدها ب 4000 في الجمرك

لو حد يقدر يجيبلي البوست بتاع العضو ده اتواصل معاه واسأله يبقي كتر خيره

كل حاجة ليها مميزات وعيوب ، بس اللي يخليك تعمل كل ده ، عيش حياتك هناك واركب ومتع نفسك واما تيجي هنا تبقي تفكر هتجيب ايه ، او متجيش خالص والله احسنلك ، مفيش حد بيجي هنا تاني ويرتاح

وبرضوا اللي هتنزل بيها من السعودية اكيد احسن من المواصفات اللي بتيجي مصر

المشاركة الأصلية كتبت بواسطة a7med ezz 20

كل حاجة ليها مميزات وعيوب ، بس اللي يخليك تعمل كل ده ، عيش حياتك هناك واركب ومتع نفسك واما تيجي هنا تبقي تفكر هتجيب ايه ، او متجيش خالص والله احسنلك ، مفيش حد بيجي هنا تاني ويرتاح

عن تجدبة .. المستعمل هنا فيه غش ونصب كتيير جدا ومش هتتمتع بالعربية لما كل شوية تخرب وتعوز تتصلح .. الواحد يريح دماغه ويجيب جديد احسنله .. الضمير هنا معدووووم اكتر من مصر واللله في موضوع المستعمل