متردد جدا ومحتاج مساعدتكم في f30 ٢٠١٥

**MoodyMooner** · 10-12-2014 04:22 PM

المشاركة الأصلية كتبت بواسطة ayman_saad

أستاذ / مودي
مساء الخير يافندم ، بقالك فتره مش باين ياباشا لعل المانع خير ،
ضمان ياباشا شغال في مصر والباقارية بيعملوا صيانتها وفيه ناس كتير نزلت العربيه دي ،
ونفس الماتور وبرضو بنزين عادي وطبعا الكماليات كالتالي : زنون عالي وواطي وليدات وفوجات ورا وقدام ، ستارة كهربا خلفيه ، فرش جلد ، حساسات ، فتحة سقف ، جنوط ١٧ شكل جديد ، نيجي بقي للأكسسوارات ألي جايه مع العربيه طبعا دواسات وشنطة حماية لجسم السيارة وملمع جنوط والشنطة مبطنه ومفصلات الشنطة متغطيه فبر وطبعا النواكل اساسي في العربيه ، واكيد حاجات تانيه كتير ، والحمدلله انا حجزت النهارده اللون الأسود ويوم الأحد هخلص باقي الأجراءات وأقدر أستلم في الوقت ألب أنا بحدده ،
شكرا علي نصيحتك أستاذ مودي

كدة يبقى تمام أوي ... وألف مبروك مقدماً ... وأن شاء الله أجراءات الشحن والتخليص تنقضي على خير وتستمتع بالعربية وعن تجربة أن شاء الله العربية هتعجبك وتريحك ... وشكراً على سؤالك ...

**swimmer25** · 10-12-2014 04:30 PM

ممكن يا رجالة تسألوا على ال 20% خصم على الأوروبي
أنا سألت عليها في بيجو قالولي بتتعمل للعربيات البيجو في الإمارات...تقريبا بيطلعوا شهادة أوروبية حاجة زي كدا عشان تبقى توثيق إن العربية من اوروبا
شوفوا الموضوع ده بيتعمل لل bmw ؟

**Ayman_saad** · 10-12-2014 12:05 AM

المشاركة الأصلية كتبت بواسطة madooomad

استاذ ايمن الف شكر علي المعلومات القيمة دي انا في السعودية وبفكر جدا اني اجيبها من هنا طالما هاتكون بالسعر دة بصراحة صفقة رائعة بالكماليات اللي هاتبقي فيها

يبقي حضرتك تلحق العرض ،
عفوا يافندم وياريت أكتر الناس تقدر تستفيد من العرض ده ،
ربنا يوفقك

**a7med ezz 20** · 10-12-2014 01:21 AM

كل الاوبشن ده ميفرقش ، اللي يفرق بجد ان المواصفات الخليجي افضل بكتير من اللي بتيجي مصر ، والوكيل هناك افضل بكتير من مصر . ثفقة رابحة بكل المقايس

**than387** · 10-12-2014 04:28 AM

السلام عليكم
والله لي رأي مختلف شوية ... وهو حضرتك لو جبت عربية زي دية من السعودية ، بالفعل هتحافظ على عفشتها
لكن هتعمل كيلو متر كتير جدا لا يتناسب مع سعة المحرك... ولو حضرتك رجعت بعد كام سنة ان شاء الله ... طالما مستعمل بمستعمل
تجيب عربية من مصر مستعملة وبعد الكشف عليها في التوكيل ممكن تحصل على سيارة متازة محتاجة شوية شغل في العفشة
الخليج مع احترامي ﻻي حد ..... الياباني وبعده الامريكي فقط
البي ام والمرسيدس بيكح تراب في الخليج ومحدش حريف في تصليحه ... في كام واحد شغال في البي ام !
ولكم الرأي النهائي ... هذا مجرد رأي ولكن يستاهل التفكير

**islam_gamal50** · 10-12-2014 07:54 PM

شكرا على رقم المبيعات ...وياريت كمان رقم حضرتك للنواصل بما ان حضرتك حجزتها ... حضرتك كنت سالت على فتحات التكييف الخلفية وقلت هتراجع عليها النهاردة ...

**Ayman_saad** · 10-12-2014 09:09 PM

المشاركة الأصلية كتبت بواسطة islam_gamal50

شكرا على رقم المبيعات ...وياريت كمان رقم حضرتك للنواصل بما ان حضرتك حجزتها ... حضرتك كنت سالت على فتحات التكييف الخلفية وقلت هتراجع عليها النهاردة ...

مساء الخير أستاذ أسلام
لا مفيش فتحات تكييف خلفية ولكن أنا شغلت المكيف بتاعها وماشاء الله مسمع في كل العربيه من جوه .

**Abou Marwan** · 10-12-2014 08:18 PM

انا سألت فى الرياض مكانش فيه 316 سؤال هل حجم 316 هو حجم 320 اصل انا معرفش حاجة غن البى ام

**Ayman_saad** · 10-12-2014 09:15 PM

المشاركة الأصلية كتبت بواسطة abou marwan

انا سألت فى الرياض مكانش فيه 316 سؤال هل حجم 316 هو حجم 320 اصل انا معرفش حاجة غن البى ام

اه نفسها في كل حاجة ماعدا حجم الماكينه في القوة يعني
وعلي فكره مع كل شحنة عربيات bm بييجي 3 عربيات 316 بس وطبعا بيخلصوا بسرعة وبتكون ألوانهم ٢ أبيض وواحدة أسود ولو عايز لون تاني بيكون طلبيه من ألمانيا