سألت النهارده توكيل نيسان فرع شارع النزهه عن القشقاي و هي واقفه في المعرض فعلاً و السعر 205 / 215 / 235 ..فقال ان الحجز دلوقتي و تستلم بعد 6 شهور و مقدم الحجز 50000 جنيه . ايوه خمسين الف مش خمسه و انتظار 6 شهور اسيب فيهم خمسين الف جنيه متعلقين عند الوكيل . معرض السبع بيبيع باوفر 20 الف عن السعر الرسمي من اول عربيه في السوق !!
المشكله كمان ان ممكن بعد ما تشتريها النهارده بالاوفر و يخلصوا الكام عربيه اللي في مصر تيجي بعد 6 شهور بموتور مختلف و كماليات مختلفه و يبقى معاك عربيه مفيش منها غير 100 تقريبا في البلد . و هنكون في شهر 6 يعني ممكن كمان اللي هتيجي تبقى موديل 2016 . خلصت الليله .