الموضوع: مميزات و عيوب بريليانس frv

اهلا ايمن باشا

مرحبا بك فى الصين :)

الرد دا كان قبل ما الوالد يقرر القرار النهائى

و كنت بقول لسه هنفكر لقيته مره واحده قال لى هى البريلياس وبس!

تعرف طبعا انا مش متحكم فى شئ و كمان انا شايف انها مش وحشه ابدا و طبعا انا لا احتكم على الف جنيه حتى عشان اشترى عربية لذا اللى يقوله هو اللى يمشى و انا فعلا مقتنع بيه

رغم حبى للجين تو و البريليانس و الاتنين واحد بالنسبة لى الا ان الوالد كلامه صح عفشة بورش و موتور متسوبيشى على حجمها الصغير و امكانيتها الممتازة اظنها تستحق المبلغ

الجين تو روعة هى الاخرى الا ان اللى جربها كتير ما شكرش فيها و دا اللى خوفنى لذا الله يوفقنا مع البرليانس و خلاص :)

السلام عليكم
بصراحة انا شفت العربيه و عجبتنى جدا بس هناك عيوب فى التقفيل واضحة جدا أيضا الموتور مكتوب عليه ميتسوبيشى لكن ليس عليه العلامه فيبدوا انه تحت اشراف الشركه فقط .
اتمنى للسيارة النجاح لأنى أريد ان اشتريها و لكنى متخوف من قطع الغيار و الكفائة و خدمة ما بعد البيع و صمود السيارة امام المنافسين لها من نفس الفئة فهى متفوقة عن فئتها من السيارات حتى الأن بالشكل بنسبة 100% وفى بعض الأضافات التى أرى انها ليس لها اهمية كبرى فى تلك الفئة لأن تكلفتها عالية فى حالة استخدامها و هى على سبيل المثال (الوسائد الهوائية) و هل هناك أمكانية فصلها و تشغيلها أم لا ؟
أيضا لا نعرف حتى الأن ثمن قطع الغيار هل هو مناسب أم لا
على العموم أتمنى لها التوفيق لانى اريد ان اشتريها :k4:

samir_smsm

لو كان الموتور مش متسوبيشى ماكانوش عاملو الهالوما دى كلها

يعنى اول ما بسأل فى التوكيل هيقوللك دا موتور يابانى و عفشة بورش! يعنى مش معقول الشئ اللى بيفتخروا بيه يطلع اى كلام!!

يا ريت بس اى حد يذكر معلومة يوثقها علشان دى امانة

الموتور فعلا مكتوب علية "Mitsubishi Technology"

فى اواخر التسعينات تعرضت متسوبيشى لضغط مالى كاد يؤدى الى افلاسها و لكن الشركة قررت الدخول فى تحالفات مع الشركات الكبرى فى الصين لصناعة مواتير عالية التكنولوجيا مع تخفيض تمنها بفكرة جهنمية و هى بيع هذة المواتير لشركات كثيرة مما يؤدى الى خفض تكلفة الانتاج

فى سنة 2000 قامت متسوبيشى بانشاء مصنع Shenyang فى الصين (ارجع للرابط ده) ... و من بين المشاركين فى المصنع شركة بريليانس

http://media.mitsubishi-motors.com/p...detail828.html

و المصنع ده قام بانتاج جميع المواتير فئة 4G6 و كمان ال MIVEC

http://www.chinaauto.net/english/up/6_1.pdf

فى سنة 2006 انشات متسوبيشى شركة بحث و تطوير فى الصين اسمها Lingfa علشان تطوير مواتير متسوبيشى ...
http://media.mitsubishi-motors.com/p...etail1440.html


فى نفس السنة قامت بعمل اتفاق مع شركة بروتون الماليزية

http://media.mitsubishi-motors.com/p...etail1413.html

سنة 2005 دخلت بريليانس فى تحالف جديد مع FEV الالمانية لتطوير المحركات و قامت بانتاج محرك 1.8 تيربو يتم تركيبة فى جميع موديلات بريلينس (لسه ما نزلش مصر) و فيه تكنولوجيا CVVT

http://findarticles.com/p/articles/m..._/ai_n22718791

الناس دى مش بتهرج... و كمان اصحابى فى توكيل البافارية بيشكرو جدا فى العربية ... نصيحة لوجه الله لاى حد ... اسمع لجميع و جهات النظر بدون تحيز... اعمل Test Drive بنفسك او من حد بيفهم فى العربيات مش بيهمه بس اللى مكتوب على وش الموتور او ان الكاست فيه mp3 وللا لا... ما تنساش انك بتشترى عربية ب 70 الف ... لو فى حاجة مش عاجباك فى التقفيل ما تستلمش

ربنا يبارك للجميع فى عربياتهم