مميزات و عيوب بريليانس frv

**Rafraf** · 13-11-2008 11:12 AM

muslem
عضو فعال

f crach test el galena a5d 3 ngom f tani e5tbar

w now hia btba3 f europe

**CryptonX** · 13-11-2008 12:01 PM

المشاركة الأصلية كتبت بواسطة muslem

اظن العربية دى نزلوهامصر علشان يجربوهافينا تقريبا طالما مجهولة كده و ملهاش تست كراش و كلناعارفيين التست كراش بتاع اختها الكبيرة اظن اخد نجمة تحت الصفر

معرفش ايه سر هجوم حضرتك الضاري علي سيارة مجهولة زي منت بتقول خصوصا انك راكب سيارة مجهولة اكتر و اكتر !! و مصنعة من شركة بتاعة " بطاريات جافة " علي الاقل بريليانس بتجمع سيارات BMW في الصين و لها خبرة فوق ال 50 سنة .

وال BYD f3 لم تختبر في كراش تست و لم تدخل اي بلد اوروبي بعكس الجالينا و السبلندور الي موجودين في اوروبا حاليا .

و بالمناسبة BYD مش حتطرح ال F3 ( لا السيدان الي هي كرولا مسروقة و لا الهاشتباك الي هي اوبترا علي كورولا مسروقة ) .

كل تصميمات BYD عبارة عن سرقة علنية لسيارات يابانية مثل ال الكورولا و السيتي و التويوتا ايجو ( BYD F0 ) حتى السيارات الغالية ال F6 هي مزيج اكورد علي كامري قديم و الBYD F8 كفاية اوي المرسيدي SLK المسروقة ..

يعني بمعنى اصح لو حنتكلنم على شركات مجهولة و شركات محترمة مع احترامي الكامل لك - BYD ماهي الا شركة بطاريات بتحاول تدخل السوق بتكنولوجيا قديمة و سيارات مقلدة و علي فكرة في قضية مرفوعة من تويوتا لمنع تصدير ال F0 و ال F3 في اوروبا او امريكا .

علي الاقل بريليانس بتسخدم مزيج من التكنولوجيا قديمة علي حديثة و تصميماتها كلها اصلية 100% من استوديهات ايطالية .

و انا اضمن روحي في سيارة من شركة بتجمع BMW و توكيلها في مصر BMW برده عن شركة بتجمع بطاريات و فجاءة لقوا سيارة " سوزوكي قديمة " و خدوا حق تجميعها و عملوا الفلاير ! من 6-7 سنوات ..

ارجوا انك متزلعش مني بس دي " حقائق "

تعديل #1 :
الشيء الوحيد الي يشفع ل BYD حاليا هي انها عملت و بتعمل نظام جديد للسيارات الهجين و طورت نسخة منه لل F3 و ال F6 وحتنزل " تجاريا " قريبا جدا و ده طبعا بحكم خبرتهم في الكهرباء و البطاريات و الي اعتقد انهم كانوا كملوا فيه احسن .

( ملاحظة انا مبقولش ان ال F3 سيئة او جيدة انا بتكلم علي الشركة و الشهرة و المجهول )

**karemkimo** · 18-11-2008 02:42 PM

السلا م عليكم و رحمته الله و بركاته
فى سؤال مهم ماذا عن استهلاك البنزين عادى و لا لأ؟

**silver505180** · 20-11-2008 01:42 AM

السلام عليكم.....الجميع هنا فى اسكندرية ذهبوا لاسترداد المقدم بعد الزيادة فى السعر وكذلك لما تأكدوا ان المحرك مش يابانى...رضينا بالهم والهم مش راضى بينا....!!!

**silver505180** · 20-11-2008 02:09 AM

أعزائى ..معظم الاسكندرانية اتفقوا - وانا منهم -على ان نشترى موديل اخر من عند المعرض او يوفرها لنا من اى توكيل آخر..من اى ماركة أخرى..لان الايصال به خصم الف جنيه فى حالة الغاء الحجز..وغالبا لن يطبق هذا لان الناس هنا عاملين دوشة جامدة جدا والمعرض فى حالة غليان منذ ان عرفت الناس بالزيادة...واتمنى ان تحاولوا عدم خصم شىء لانهم هم الذين لم يوفوا بالتعاقد ...تحياتى

**drhaytham** · 20-11-2008 02:16 AM

مصر اعلى معدل حوادث سير في العالم يبقى ازاي مانهتمش بالامان جرب كده يا باشا تمشي الساعة واحدة بالليل على الطريق الدائري وشف النقل وهو ماشي بسرعة 100-120

**drhaytham** · 20-11-2008 02:16 AM

المشاركة الأصلية كتبت بواسطة ezzatfox

ظاهرة جديدة مش عارف اية حكاية الامان اللى الناس مركزة عليها اوى كدة ، مش قصدى انها مش مهمة ، بس احنا فى مصر 90% من العربيات مفيهاش امان اصلا يعنى مبنشفش فى شوارع المحروسة الا 128 و ماروتى و اكسنت و فيرنا و دايو و كارو و الباقى انتو عارفينة ، و بعدين من الاخر انت بتشترى عربية ب 70000 الف عايز امان بقة خمس نجوم ممكن تزود شوية و تجيب حاجة اعلى يعنى السيراتو اللى ب حاجة و تسعين واخدة 3 نجوم

مصر اعلى معدل حوادث سير في العالم يبقى ازاي مانهتمش بالامان - جرب كده يا باشا تمشي الساعة واحدة بالليل على الطريق الدائري وشوف النقل وهو ماشي بسرعة 100-120 والله ببقى مرعوب برغم اني باسوق كويس جدا ومن اكتر من 18 سنة

**ezzatfox** · 22-12-2008 07:17 PM

انا معاك ان الامان عامل مهم و ميزة كبيرة فى اى سيارة و دة كان واضح من كلامى بس قصدى ان لكى تطاع اامر بالمستطاع يعنى يكون فى نسبة و تناسب بين السعر و الامكانيات مينفعش تطلب كل حاجة و متدفعش المقابل ، و بالنسبة لسعر العربية حتى بعد الحركة الغبية اللى عملوها برفع السعر الا انها تظل اكثر سيارة امنة فى فئتها - نظريا الى ان تثبت نفسها فى السوق- و ذلك بفضل abs - ebd