مقارنة كورولا 2015 او فوكاس 2015 محتاار جدا ارجو المشوره

السلام عليكم
الموضوع زي ما هو باين في العنوان
انا محتار جدا جدا :helpsmilie:

عقلي بيقولي كورولا :S_thum1[1]:
وقلبي بيقلي فوكاس :beat4:

عايز عربيه اداء واعتمادية واستخدام يومي بدون اعطال مفاجاه ولا مشاكل ولا مصاريف تشغيل مكلفه

وحقول وجهة نظري بس استحملوني حطول شوية
ويا ريت حد يدلني عالصح
لو مكاني تعمل ايه او تفكر ازاي


1_اولا نيجي ل كورولا 2015 عربيه لا يعلي عليها لكن
انا معايا كورولا 2011 وقبلها 2012 وياريس 2011 2009 و2008 مرورا بسيفيك 2002
سياراتي الشخصيه وليست لاخوتي او والدي ببدل ياباني بياباني علطول
يعني عارف الكورولا والتويوتا ظهرا عن قلب ومريحاني جدا جدا جدا
ومصاريف علي قد الجيب

وعقلي بيقلي هات كورولا
سحب وثبات واعتمادية وقلة اعطال وتكييف واعادة بيع وكل حاجه
ووضع السواقه في كرسي السائق مريحني اوي والدريكسيون قريب منك مش لازم تفرد دراعك للاخر زي الالنترا يعني هي تمااااام
بس عندي مشكله
ان الشكل الجديد مش عاجبني من بره ولا من جوه خااااااالص :T_thum1[1]: عكس الشكل القديم اللي معايا (كلها ازواق طبعا عشان محدش يتضايق )

يعني كل ما ابص للعربيه من بره اتضايق اوي احس ان فيها حاجه غلط في شكلها خصوصا من الخلف
وتحس انها صغيره كده او كومباكت كنزة شويه من بره
ومفهاش الفخامه المطلوبه علي قد فلوسها مثلا

http://store2.up-00.com/2014-12/141753648162.jpg

اقول مش مشكله اقعد جواها
الاقي التابلوه كانك قاعد في مكروباص او العربيات الشيفروليه الكابريس القديمه
وتحس ان التابلوه اعلي من مستواك وشكل عصاية الفتيس عره اوي الصراحه
حتي مش حاطين علي العصاية الجلد زي اللي في السيراتو مثلا
والكونسول اللي في النص مش اوي عكس كونسول الالنترا مثلا او حتي الشكل القديم كان نازل انسيابي كده
وتحس انه قاسم التابلوه حتي درج التابلوه وفتحات التكييف شكلهم مش حلو
حتي الطاره بالمالتي اللي فيهم شكلهم شعبي اوي
طبعا كلها ازواق عشان محدش يزعل من ملاك الشكل الجديد

http://store2.up-00.com/2014-12/1417536481521.jpg

صورة عصاية الفتيس
http://store2.up-00.com/2014-12/1417536481733.jpg

العصايه مش متغطية بجلد زي السيراتو الفئه الاقل مثلا

http://store2.up-00.com/2014-12/1417537100541.jpeg

http://store2.up-00.com/2014-12/1417537100652.jpg

تابلوه وفتيس الفوكاس

http://store2.up-00.com/2014-12/1417537568991.jpg

دي صوره للفول اوبشن كورولا بس شكلها مش قد كده برده
وتقريبا مش دي اللي في مصر بس برده عشان تكون الصوره كامله
http://store1.up-00.com/2014-12/1417537780031.jpg




يعني بعيدا عن اسم العربيه وتاريخها وكل شئ بس الشكل بس اللي مش مالي عيني لا من بره ولا من جوه لكن انا عارف انها عربيه كاداء واقتصاديه لا يعلي عليها

2_ نيجي للفورد فوكس
العربيه تصميمها رااااائع بالنسبالي اول ما بشفها بتشدني جدا جميييله جداا :tumb:
http://store1.up-00.com/2014-12/1417538227821.jpg
http://store1.up-00.com/2014-12/141753940411.jpg
http://store1.up-00.com/2014-12/1417539404162.jpg

والتابلوه بتاعها رهييييب اول ما تقعد فيها تحس ان العربيه بتحتويك
http://store2.up-00.com/2014-12/1417539210561.jpg
http://store2.up-00.com/2014-12/141753682641.jpg
http://store2.up-00.com/2014-12/1417539210673.jpg
http://store2.up-00.com/2014-12/1417539210622.jpg


تصميمها مرتب وبسيط من الخارج


بس المشكله ان كل الناس بتخوفني من الفورد فوكاس بالزات واعطالها وكده مش عارف ليه
والصراحه عمري ما جربتها لمدة طويله ومش مع حد من اصحابي عشان اقيم اداءها او اخد الخبره عن تجربه من الواقع مش ريفيوهات اليوتيوب بس
بس شكلها عاجبني جدا

لو مكاني تنصحني بايه مع المعطيات دي
معلومه علي السريع
1_انا دماغي عملية جدا في العربيات
يعني انا كائن مش توكيلاوي خاااالص يعني عمري ما حروح احجز موعد واضرب مشواار واقعد كم ساعه عشان اغير زيت في التوكيل وميهمنيش موضوع الضمان اوي
محدش بياخد حقه في مصر اصلا :pffft: وانا بالي مش طويل للمشاكل
يعني موضوع التوكيل وخدمة ما بعد البيع والحاجات دي مش اوي
بس اللي يهمني ان قطع الغيار تكون في اي مكان مش لازم الف عليها كتير
واي مركز خدمه ممكن يادي الغرض
علما اني من مدينة اقليمية يعني مش عايز اضرب مشوار القاهره عشان الاقي اي حاجه
ودي ميزة الكورولا اللي معايا قطعها موجوده في بلدي واي ميكانيكي بيشتغل فيها الي حد ما
بس مش عارف ايه نظام الفورد فوكاس ولا الكورولا الجديده
لان انتوا عارفين في مصر ممكن تنزل من بيتك تلاقي وكتوك تاكسي تروسيكل خابطلك الرفرف ولا االفانوس :fun_36_3_4[1]:
وربنا يعوض عليك يا بيه دي عربية اكل عيش والكلام ده

2_الصراحه مش كل الكماليات بتهمني
يعني الاوتو بارك حتي حساسات الركن وتسخين المقاعد والحاجات دي مش بتهمني اوي
بس اللي يهمني الثبات رقم واحد ووسائل الامان والفرامل وكده
abs والحاجت بتاعة الثبات دي
والتسارع والسحب
لاني بشد شويه وبحب الجري الي حد ما

معرفش الفورد ولا التويوتا اي واحده احسن فيهم الصراحه

3_ سعر اعادة البيع
الصراحه النقطه دي مش هي الاساس برده
لان العربيه اللي حجيبها حتكون عربية للعمر الي حد ما او حتقعد فترة طويله فمش لازم النقطه دي اوي
بس الصراحه برده مش عايز حاجه تكون واقعه عالاخر يعني
برده عشان اكون ماسك العصايه من النص لان انتوا عارفين في مصر العربيات غاليه وتعتبر جزء من راس المال وممكن لا قدر الله تتضطر تبيعها في اي وقت

4_رابعا وده الاهم بالنسبالي الصراحه مش مهم اسعار قطع الغيار اوي
لان معظم الجديد قطعه الاصليه نااار
بس اللي يهمني اوي اوي اوي
مصاريف العربيه زات نفسها يعني running cost زي ما بيقولوا
يعني تدور وتمشي مش كل يوم اعطال ولا كمبيوتر ولا حساسات ولا الحاجات دي اقتصادية في البنزين
وكده يعني
ودي ميزة الكورلا اللي معايا بتتخبط كل شوية بس بقضيها بفانوس مش اصلي لحد ما ربنا يسهل وكده واي كهربائي بيركبه عادي مش قضيه
بس معرفش برده الجديده والفوكاس ايه نظامهم

يعني من الاخر 1_العقل مع الكورولا بس الفل اوبشن بتاعها معدي 200 الف
تعليقا عالسعر ((برده سعرها اووفر الصراحه حاسس انها نطت في فئه اعلي منها الي حد ما ))
او اغلي من قيمتها الفعليه
وخايف ادفع مبلغ جامد في حاجه بس كل ما تبصلها متبقاش ماليه عنيك

و25_القلب مع الفوكاس بس مش عارف ايه ظروفها غير الشكل الحلو



معلش طولت عليكم
بس محتار جدا
لو مكاني ونفس تفكيري تعمل ايه
تستغني عن الشكل شوية مقابل الاداء والمميزات
ولا حرام تدفع 200 الف في حاجه حاسس انها اقل من تمنها
انا عارف محدش بياخد كل حاجه بس الافضل ايه


انا ممكن احط حاجه تانيه في الاختيار عادي
1_فنتازيا
http://store2.up-00.com/2014-12/1417537991171.jpg
http://store1.up-00.com/2014-12/141753807261.jpg


انا الفانتازيا ركبتها مع صاحبي رغم ان شكلها متغيرش اوي ومش شبابي شويه وشكلها solid كده من الخارج يعني مفهاش حاجه جامده في التصميم بس مالية مركزها ولها هيبه عن الكورولا الي حد ما
وقعدتها من جوها كانت عجباني شوية وتحس بفرق التقفيل من الداخل عن الكورولا


بس المشكله مصاريفها كتير علي زميلي ومره خبط في الاكصدام الامامي دفع 12 الف جنيه علي شوية حاجات
ايه التعليق علي النقطه دي ومصاريف تشغيل العربيه
غير برده موضوع الفتيس ال dsg اللي ماشي اليويمن دول بس محدش اشتكي قدامي بقرا علي النت بس الصراحه

2_الفلوانس
http://store1.up-00.com/2014-12/1417538227882.jpg

بقرا كتير عن مميزاتها هنا في المنتدي
بس سقتها ولقتها مش وهم زي ما هو مكتوب هنا الصراحه من ناحية العزل والثبات
حلوه بس مش وهم يعني
غير ان شكلها من بره مش للدرجه يعني

3_كروز
http://store2.up-00.com/2014-12/1417538493821.jpg

http://store2.up-00.com/2014-12/1417538493892.jpg

عربيه شكلها جميل جدا من بره والتابلوه بتاعها جامد وشكله مرتب في التصميم
بس مش عارف ايه ظروفها كاداء واعتماديه وثبات وكده

4_استرا
http://store2.up-00.com/2014-12/1417538626042.jpg
http://store2.up-00.com/2014-12/1417538625961.jpg

شكلها حلو من الخارج مشفتهاش عالحقيقه بس ممكن كنزة شوية
والداخل تابلوه جميل جدا انا بحب التصميم ده
بس مش عارف ايه ظروفها برده كاداء واعتمادية واستخدام يومي

والسلام ختام
ولا خاب من استشار
شكرا

الردود بقي يا رجاله :S_thum1[1]:
والله اكتر من ساعه ساعتين بكتب وبحط الصور
متضيعوش تعبي عالفاضي :help1::Bravo:

مبدئيا سيبك من الكروز ...
الكورولا شركتها ومش عجبه حضرتك لا من بره ولا من جوه وبالتالي مش هاترتاح نفسيا وانت ركبها ...
الفلوانس حضرتك سوقتها ومش مقتنع بيها ... مع انها معايا 2015
كده باقي فوكاس واسترا ... الفوكاس مع والدي موديل 2007 وسوقتها كتير وعربيه ممتازه ... بالنسبه ليا عيبها الوحيد انها ضيقه من جوه وده خلاني ما اجيبهاش ... بالنسبه لحضرتك انك مش بتاع توكيل والفوكاس محتاجه التوكيل لانها مش منتشره واي عربيه جديده محتاجه توكيل على الاقل اول سنتين
باقي الاسترا ... مش هاقدر افيد حضرتك كاداء وان شاء الله حد راكبها يفيدك

عموما كلام حضرتك يحير ويخلي الاختيار صعب

راى بردة الاسترا
ربنا يوفقك

فين الناس

مش عارف اللي قالك سيبك من الكروز قال علي اي اساس بس مش مهم طالما ربنا كارمك بفئة سعرية اعلي يبقي توكل عالله في حاجة اشيك

انا شايفك ركييب يعني مش كماليات و لعب اللي يزغلل عنيك

بس لو حتجيب حاجة ركوبة فوكاس او استرا حتحتاج التوكيل عشان الضمان و اسعار قطع غيار الالماني عالية و طبيعي تستفيد من الضمان

لو حتاخدها عملي وتوفير و تريح دماغك بس حتركب عربية مش حاببها ذي ما بتقول يبقي كورولا

انا ذيك تمام بس كان معايا 160 فاخدت عربية ركوبة و ثبات عن الكماليات

لو كان معايا فلوس اعلي كنت حدور عالاسترا او الفوكاس

عموما انا شايف ان تحصر اختيارك بين الفوكاس و الاسترا

الاختيار في الحته دي صعب اوي الواضح من كلام حضرتك انك بتتكلم في حوالي 190 الف

انا رايي لو فيك صحة تدور في المستعمل وتوفر فلوسك الفنتازيا ممتازة جدا
وسيبك من 12 الف والكلام ده اي عربيه هتصلحها في التوكيل هتدفع ارقام مماثلة..

غير كده في مقارنتك الفوكاس ممتازة جدا ثبات لايعلى عليه وركوبه محترمة...
التسارع بتاعها مش قد كده خالص عشان تبقه عارف عملتلها test drive...

الكورولا هيا اوقع اختيار كماليات ممتازه ثبات كويس وتسارع محترم...
بس طالما مش حاببها خلاص

انا رايي الشخصي ولا حاجه من دول...

سيات ليون هاي لاين ارشحها بقوة للاسباب الاتيه
تسارع رائع جدا
توفير بنزين ممتاز جدا
كماليات محترمه
بلوتوث وشاشه تاتش
اضواء ليد مش موجوده غير في حاجات عاليه اوي e-class و a8 شغل فاخر كده
فتحه بانوراما....
ثبات كويس جدا + esp
6 ايرباج و abs ebd ba..

وممكن ايضا القشقاي الفئه ال ب 215 الف ممتازة جداا
بانوراما وزيون وسمارت كي وموتور كويس و esp وعاليه عن الارض وعمليه...

فرأي الكورولا يا اما الفورد

حرام عليك بجد السؤال الطويييل اللي حضرتك بتسأله لان الاجابة المعقولة بتاعته لازم حتكون طويييلة زية و ده اللي مخلي ناس كتيرة مش قادرة ترد لان الواحد ما بقاش فية صحة للمشاركات الطويييلة دي
عموما شوية ردود على السريع
مبدأيا ما فيش عربية في الدنيا حتحقق اللي حضرتك عايزة بنسبة ١٠٠٪ و انما هناك الاختيار الانسب اللي برضه حيبقى في حاجة مش عاجبه حضرتك و تضطر تبلعها
بين كل العربيات اللي حضرتك قولتها ( الكورولا-الفوكس-الاسترا-الفلوانس-الفانتازيا) حتلاقي التسارع و الثبات و الامان و مصاريف التشغيل و قطع الغيار متقاربة لحد كبير و هي دي السمات العامة لكل الC Segment الي تجي تحتها كل العربيات دي، بس في نقط بسيطة اللي بتفرق كل عربية عن التانية و اللي على اساسها كل واحد بيختار عربيته و حنحاول نجملها ( الحلو و الوحش) في الاتي
الكورولا ( الوسع_اعادة البيع-نظريا الاعتمادية العالية لان العربية لسة جديدة- الوكيل- الاوبشن في الهاي لاين قصاد الشكل السئ داخليا و خارجيا من وجهة نظري برضة- الخامات الاقل و التقفيل الاسوأ ضمن المجموعة كلها باستثناء الكروز اللي انا مش حاططها في المقارنة اصلا
الفوكس (التسارع الرهيب- الثبات الاعلى ضمن المجموعة -الشكل الخارجي و لو ان الاسترا اجمل- جودة التقفيل الالماني بس قصاد ضيق الكنبة الخلفية و الشنطة و دي نقطة العيب الابرز- اعادة البيع- التوكيل-بنزين ٩٥- الفتيس الباور شيفت- ضعف الخامات الداخية لانها من ضمن الاسوا في المجموعة دي بعد الكورولا)
طبعا الكلام اللي اتقال على الفوكس في العيوب يخلي اي حد يستبعدها على طول و لكن اللي انا قلته له تفسير هذا بيانه
بنزين ٩٥ ودي للاسف مش حتلاقيها في الفوكس بس و انما ايضا في كل الاوروبي الجديد حتى الفانتازيا اللي هي بماتور اقل في التكنولوجي من كل الاوروبي اللي في مستوى سعرها
الحكاية ببساطه ان المواتير الاوروبي من فترة مش بسيطة (اوائل ٢٠٠٥) بدات كل المواتير الاوروبي يبقى ليها مميزات خاصة و هي ان التورك بتاعها بيجي على RPM قليل و ده فارق في التسارع بس على حساب ان الCompression ratio بتاع المواتير دي بقى كبير و بالتالي اصبحت تتطلب استخدام بنزين اكثر جودة ( بنزين ٩٥ اللي هو اقل بنزين في اوروبا) و كمان علشان تتوافق مع المعايير الاوروبية الصارمة في تقليل انبعاثات ثاني اكسيد الكربون بس لان التوكيلات عندنا حرامية و نصابين محترفين و لغياب المتابعة من حماية المستهلك فالتوكيل يقولك لا يا بيه العربية تمشي ببنزين ٩٢ وده مش غلط اوي يعني العربية مش حتقف لما تحط ٩٢ بس اولا الاداء حيتاثر بشكل كبير ( تفسير التسارع السئ للفوكس من وجهة نظر corolla destroyer لانه اكيد جربها ببنزين ٩٢ انما لو جربها بال٩٥ كان حيلاقي عربية تانية ايضا ده يخلي العربية تكركر ( الاسترا و اختها الانسينجينا) و المواتير عمرها يتقصف ( الانسنجينا خصوصا في وجود التيربو) طبعا باستثناء الفلوانس لان ماتورها دلوقتي ياباني من نيسان
الاغرب في الموضوع ده ان الكوري قريب حيخبط في موضوع البنزين ٩٥ ده لانه في اثناء سعي الكوري الحثيث لزيادة تسارع العربيات و زيادة الهورس باور مع الحفاظ على حجم المكنة و استهلاك بنزين معقول بدؤا في استخدام مواتير GDI او الضخ المباشر للبنزين و دي برضة محتاجة بنزين ٩٥ علشان تاخد الاداء بتاعها و استهلاك البنزين القليل ( نسيت اقول فوق ان استخدام بنزين ٩٢ بدل ٩٥ بيؤدي الى زيادة مرعبة في استهلاك البنزين) و السوق دلوقتي فيه عربيتين GDI هما الكارينز الجديدة و الكيا سيراتو كوبيه الجديدة بس برضة التوكيل ما قالش لملاكهم على قصة البنزين كسائر توكيلات مصر المحروسة و المتوقع في خلال السنين الجاية ان كل الكوري الاحدث حيبقى بنفس تقنية الGDI و ساعتها حنبتدي نلبس في الحيط ( ده على اعتبار ان احنا ما لبسناش في الحيط اصلا)
كلمة صغيرة لملاك الياباني ان كل المواتير الVVT-I زي بتاعه الكورولا و i-vtec بتاعه الهوندا برضه علشان تاخد ادائها الكامل لازم تستخدم ال٩٥ و لو انها اقل تضررا في حالة اتسخدام البنزين ٩٢ ( بالمناسبة الكورولا الجديدة برضة بتسقف شوية مع ال٩٢ و عايز اثبات شوف العربية حتعد تتكتك اد ايه بعد ما تبطلها بعد مشوار كبير)

بص يا جميل شوفت الهرك اللي انا قلته كله فوق انساه بص الخلاصة ان الفوكس و الاسترا و الفانتازيا و طبعا معاهم كل الاوروبي الجديد زي الليون وغيره محتاجين بنزين ٩٥ علشان يدوك اداء معقول
فتيس الفوكس حسيبه لمشاركه تانيه علشان انا نفسي اتقطع

الحمد لله الواخد خد نفسه شويه
بما اننا لسه بنشرك في الفوكس اخر مشكله هي مشكلة الفتيس هي صحيح مش مشكله كبيره يعني لكن لازم تذكر و هي ان الفتيس الباور شيفت زي كل الفتايس الDCT بيبقى ليها تسارع مرعب بس مشكلتها في التردد في نقل السرعات في الزحمة بتحس بنتشته مع كل نقله انما اطمن هو مش بيبوظ زي الDSG بتاع الفولكس ( اللي بالمناسبة موجود في الليون و ما بقاش موجود في الاوكتافيا) لان الباور شيفت wet type مش dry type زي الDSG
الاسترا ( اخيرا وصلنا للاسترا) ( الشكل الجميل و في رايي المتواضع هل اجمل عربية في المجموعة- جودة الخامات الداخلية و التقفيل و شياكة التابلوه قصاد الضيق الداخلي- توكيل منصور الحرامي- بنزين ٩٥ - الاداء اللي اقل من الكورولا و الفوكس بس اعلى من الفلوانس و الفانتازيا في التسارع و في الثبات تيجي بعد الفوكس و الفانتازيا متفوقة على الكورولا و الفلوانس)
الفلوانس ( السسسسسسسسسسسعر وده لوحده ميزه مرعبة لانك مش حتاخد كمية الاوبشن ده و الراحة دي بسعر يقل عن اقرانها في المقارنة بحوالي ٤٥ الف جنية و بالنسبة للفئة السعرية المتواجدة فيها الفلوانس ما فيش حد جنبها اصلا- جودة الخامات الداخلية- الاعتمادية المتوقعة لان الماتور و الفتيس من نيسان- التوكيل- كمية الاوبشن - حجم الشنطه قصاد تسارع و ثبات ضمن الاقل في المجموعة-اعادة البيع و ثقافة الخوف من الفرنساوي- شكلها مش عاطفي و خصوصا من الخلف)
بالمناسبة قصة الماتور بتاعة الفلوانس الفيس ليفت خلصت في التوكيل خلاص
الفانتازيا معرفش في منها جديد و لا لأ و لو ان اعتقادي لأ اما الA7 الجديدة مش حتكلم عنها لانها برغم انها عمليا فئة c segment بس التوكيل بيستهبل و بنزلها بسعر يخليها بره المقارنة دي فعليا

نيجي بقى للنقتطين الاهم و هما الهدف من المشاركة اصلا
١ تختار ايه لان واضح ان حضرتك زهقت من ركوب اليباني و عايز تجرب الاوروبي اللي هو ركوبة مختلفة باحاسيس سواقة تانية بس ده قصاد انك حتخوض تجربة مش مريحة زي اليباني اللي حضرتك متعود عليه و علشان ما ترجعش تندم ( اللي راكبين عربيات فرنساوي و الماني بيقدر تماما اختلاف العربية و تميزها و بيستحمل علشانه قرفها البسيط و لو ان الجديد كله لو حضرتك بتاخد بالك من العربية حيقعد معال من غير مشاكل لفترات طويلة لانها عربيات حمالة قسية بجد) و القصة دي لها حلين
الاول انك تجرب تركب العربيات دي ( الفوكس- الاسترا- الليون- الفلوانس- الفانتازيا) لمده شهر مثلا اذا كانت مع صديق او عن طريق الايجار و تجرب نفسك حتستريح و لا لأ
التاني اذا كنت مستريح في اليباني بس شكل الكورولا هو بس اللي مش عاجبك فعندك حلول كتييير زي المازدا ٣ الجديدة ( شكل حلو جدا من بره مع انتريور رهيييب في الشكل و الخامات و التقفيل من جوه- اوبشن محترم في الهاي لاين- اعتمادية عالية- ثبات محترم جدا قصاد تسارع هو الاسؤا على الاطلاق في كل ما ذكرنا- توكيل غبور اللي ما يفرقش عن منصور- سعر مبالغ فيه جدا و خصوصا في الهاي لاين)
بص كمان في طريقك علي السيفيك ( مع كل تحفظاتي) و النيسان سنترا و السوبارو امبريزا و اخيرا الشارك اذا كان الاوبشن مش فارق مع حضرتك كتير
في الاوروبي بص مرة كده علي الاسكودا Yeti ( عربية اوبشنها قليل بس رهيييبة في كل حاجة تانية) و كمان على البيجو ٢٠٠٨ ( هي صحيح فئة اصغر مما سبق بس اديها نظرة و خصوصا ان ماتورها ١٥٦ حصان)
و مبروك مقدما

مش عارف اقول ايه
انا منشكح ومبسوط اوي اوي عالصح من مشاركات الاعضاء والله
وحرد علي كل مشاركه في مشاركة منفصله
وحخلي تعديل عالسؤال في اخر مشاركه حتكون طويله اتمني تقروها باستفاضه
لانها حتحدد انا عايز ايه بصفه كبيره

اقتباس:

---

المشاركة الأصلية كتبت بواسطة ashouhdy

مش عارف اللي قالك سيبك من الكروز قال علي اي اساس بس مش مهم طالما ربنا كارمك بفئة سعرية اعلي يبقي توكل عالله في حاجة اشيك

انا شايفك ركييب يعني مش كماليات و لعب اللي يزغلل عنيك

بس لو حتجيب حاجة ركوبة فوكاس او استرا حتحتاج التوكيل عشان الضمان و اسعار قطع غيار الالماني عالية و طبيعي تستفيد من الضمان

لو حتاخدها عملي وتوفير و تريح دماغك بس حتركب عربية مش حاببها ذي ما بتقول يبقي كورولا

انا ذيك تمام بس كان معايا 160 فاخدت عربية ركوبة و ثبات عن الكماليات

لو كان معايا فلوس اعلي كنت حدور عالاسترا او الفوكاس

عموما انا شايف ان تحصر اختيارك بين الفوكاس و الاسترا

---

الكروز
انا والله عمري ما سقتها بس ركبتها من جوه وقعدت علي كرسي السواق كانت في معرض
وكانت عجباني جدا جدا
بس كاداء معرفش الصراحه
فانا كنت بتكلم عن الشكل بس
علي فكره انا ممكن اجيب مستعمل عادي
بس حقول الفكره ازاي انتظر اخر مشاركه
ومشكور لمشاركتك

اقتباس:

---

المشاركة الأصلية كتبت بواسطة corolladestroyer

الاختيار في الحته دي صعب اوي الواضح من كلام حضرتك انك بتتكلم في حوالي 190 الف

انا رايي لو فيك صحة تدور في المستعمل وتوفر فلوسك الفنتازيا ممتازة جدا
وسيبك من 12 الف والكلام ده اي عربيه هتصلحها في التوكيل هتدفع ارقام مماثلة..

غير كده في مقارنتك الفوكاس ممتازة جدا ثبات لايعلى عليه وركوبه محترمة...
التسارع بتاعها مش قد كده خالص عشان تبقه عارف عملتلها test drive...

الكورولا هيا اوقع اختيار كماليات ممتازه ثبات كويس وتسارع محترم...
بس طالما مش حاببها خلاص

انا رايي الشخصي ولا حاجه من دول...

سيات ليون هاي لاين ارشحها بقوة للاسباب الاتيه
تسارع رائع جدا
توفير بنزين ممتاز جدا
كماليات محترمه
بلوتوث وشاشه تاتش
اضواء ليد مش موجوده غير في حاجات عاليه اوي e-class و a8 شغل فاخر كده
فتحه بانوراما....
ثبات كويس جدا + esp
6 ايرباج و abs ebd ba..

وممكن ايضا القشقاي الفئه ال ب 215 الف ممتازة جداا
بانوراما وزيون وسمارت كي وموتور كويس و esp وعاليه عن الارض وعمليه...

---

مشكور لمشاركتك
انا فعلا مزانيتي 200 الف للعربيه
بس دي تحويشة العمر :what:
يعني عايز حاجه تكون الي حد ما مقتنع بيها
اما بخصوص الليون
مش حتنفع معايا خاااااالص
اولا مش منتشره وقطع الغيار معتقدش حتكون منتشره اوي
وحتحتاج تعامل مع التوكيل وده مش محبزه اوي
غير ان مش ناس كتير حتفهم فيها
كمان موضوع الفتيس ال dsg
اخيرا انا الكماليات بالنسبالي قزاز كهربا وفتيس اوتوماتيك ومرايات كهربا
ومن الخارج زينون وجنوط ونواكل وممكن انا اركبه بره التوكيل عادي بس كده
الحاجات الاساسيه يعني

لكن مش لازم مثبت سرعة وحساسات وتسخين وتبريد والحاجات دي
مع العلم ان عربيتي فول وفيها شاشه وجي بي اس وبلوتوث
وحاجات عمري ما استخدمتها
عشان كده عارف انها مش حتفرق اوي معايا في اي عربيه تانيه

اهم حاجه الثبات الثبات الثبات والتسارع والعزم وكده يعني الاداء عموما والمتعه في السواقه
لكن السقف البانوراما مش مطلوب خاااالص

وبمناسبة السقف
مره كنت راكن الكورولا تحت البيت
والله عربيه معديه بعفش العربيات النقل اللي بيعملو زفه دول
قام العفش وقع فوق السقف طربيزه من العفش :fun_36_3_4[1]:
تخيل وهي راكنه تحت البيت
تخيل لو بانوراما كان حصله ايه
ومشكور مره اخري

اقتباس:

---

المشاركة الأصلية كتبت بواسطة ibrahiiimooo

حرام عليك بجد السؤال الطويييل اللي حضرتك بتسأله لان الاجابة المعقولة بتاعته لازم حتكون طويييلة زية و ده اللي مخلي ناس كتيرة مش قادرة ترد لان الواحد ما بقاش فية صحة للمشاركات الطويييلة دي
عموما شوية ردود على السريع
مبدأيا ما فيش عربية في الدنيا حتحقق اللي حضرتك عايزة بنسبة ١٠٠٪ و انما هناك الاختيار الانسب اللي برضه حيبقى في حاجة مش عاجبه حضرتك و تضطر تبلعها
بين كل العربيات اللي حضرتك قولتها ( الكورولا-الفوكس-الاسترا-الفلوانس-الفانتازيا) حتلاقي التسارع و الثبات و الامان و مصاريف التشغيل و قطع الغيار متقاربة لحد كبير و هي دي السمات العامة لكل الc segment الي تجي تحتها كل العربيات دي، بس في نقط بسيطة اللي بتفرق كل عربية عن التانية و اللي على اساسها كل واحد بيختار عربيته و حنحاول نجملها ( الحلو و الوحش) في الاتي
الكورولا ( الوسع_اعادة البيع-نظريا الاعتمادية العالية لان العربية لسة جديدة- الوكيل- الاوبشن في الهاي لاين قصاد الشكل السئ داخليا و خارجيا من وجهة نظري برضة- الخامات الاقل و التقفيل الاسوأ ضمن المجموعة كلها باستثناء الكروز اللي انا مش حاططها في المقارنة اصلا
الفوكس (التسارع الرهيب- الثبات الاعلى ضمن المجموعة -الشكل الخارجي و لو ان الاسترا اجمل- جودة التقفيل الالماني بس قصاد ضيق الكنبة الخلفية و الشنطة و دي نقطة العيب الابرز- اعادة البيع- التوكيل-بنزين ٩٥- الفتيس الباور شيفت- ضعف الخامات الداخية لانها من ضمن الاسوا في المجموعة دي بعد الكورولا)
طبعا الكلام اللي اتقال على الفوكس في العيوب يخلي اي حد يستبعدها على طول و لكن اللي انا قلته له تفسير هذا بيانه
بنزين ٩٥ ودي للاسف مش حتلاقيها في الفوكس بس و انما ايضا في كل الاوروبي الجديد حتى الفانتازيا اللي هي بماتور اقل في التكنولوجي من كل الاوروبي اللي في مستوى سعرها
الحكاية ببساطه ان المواتير الاوروبي من فترة مش بسيطة (اوائل ٢٠٠٥) بدات كل المواتير الاوروبي يبقى ليها مميزات خاصة و هي ان التورك بتاعها بيجي على rpm قليل و ده فارق في التسارع بس على حساب ان الcompression ratio بتاع المواتير دي بقى كبير و بالتالي اصبحت تتطلب استخدام بنزين اكثر جودة ( بنزين ٩٥ اللي هو اقل بنزين في اوروبا) و كمان علشان تتوافق مع المعايير الاوروبية الصارمة في تقليل انبعاثات ثاني اكسيد الكربون بس لان التوكيلات عندنا حرامية و نصابين محترفين و لغياب المتابعة من حماية المستهلك فالتوكيل يقولك لا يا بيه العربية تمشي ببنزين ٩٢ وده مش غلط اوي يعني العربية مش حتقف لما تحط ٩٢ بس اولا الاداء حيتاثر بشكل كبير ( تفسير التسارع السئ للفوكس من وجهة نظر corolla destroyer لانه اكيد جربها ببنزين ٩٢ انما لو جربها بال٩٥ كان حيلاقي عربية تانية ايضا ده يخلي العربية تكركر ( الاسترا و اختها الانسينجينا) و المواتير عمرها يتقصف ( الانسنجينا خصوصا في وجود التيربو) طبعا باستثناء الفلوانس لان ماتورها دلوقتي ياباني من نيسان
الاغرب في الموضوع ده ان الكوري قريب حيخبط في موضوع البنزين ٩٥ ده لانه في اثناء سعي الكوري الحثيث لزيادة تسارع العربيات و زيادة الهورس باور مع الحفاظ على حجم المكنة و استهلاك بنزين معقول بدؤا في استخدام مواتير gdi او الضخ المباشر للبنزين و دي برضة محتاجة بنزين ٩٥ علشان تاخد الاداء بتاعها و استهلاك البنزين القليل ( نسيت اقول فوق ان استخدام بنزين ٩٢ بدل ٩٥ بيؤدي الى زيادة مرعبة في استهلاك البنزين) و السوق دلوقتي فيه عربيتين gdi هما الكارينز الجديدة و الكيا سيراتو كوبيه الجديدة بس برضة التوكيل ما قالش لملاكهم على قصة البنزين كسائر توكيلات مصر المحروسة و المتوقع في خلال السنين الجاية ان كل الكوري الاحدث حيبقى بنفس تقنية الgdi و ساعتها حنبتدي نلبس في الحيط ( ده على اعتبار ان احنا ما لبسناش في الحيط اصلا)
كلمة صغيرة لملاك الياباني ان كل المواتير الvvt-i زي بتاعه الكورولا و i-vtec بتاعه الهوندا برضه علشان تاخد ادائها الكامل لازم تستخدم ال٩٥ و لو انها اقل تضررا في حالة اتسخدام البنزين ٩٢ ( بالمناسبة الكورولا الجديدة برضة بتسقف شوية مع ال٩٢ و عايز اثبات شوف العربية حتعد تتكتك اد ايه بعد ما تبطلها بعد مشوار كبير)

بص يا جميل شوفت الهرك اللي انا قلته كله فوق انساه بص الخلاصة ان الفوكس و الاسترا و الفانتازيا و طبعا معاهم كل الاوروبي الجديد زي الليون وغيره محتاجين بنزين ٩٥ علشان يدوك اداء معقول
فتيس الفوكس حسيبه لمشاركه تانيه علشان انا نفسي اتقطع

---

اقتباس:

---

المشاركة الأصلية كتبت بواسطة ibrahiiimooo

الحمد لله الواخد خد نفسه شويه
بما اننا لسه بنشرك في الفوكس اخر مشكله هي مشكلة الفتيس هي صحيح مش مشكله كبيره يعني لكن لازم تذكر و هي ان الفتيس الباور شيفت زي كل الفتايس الdct بيبقى ليها تسارع مرعب بس مشكلتها في التردد في نقل السرعات في الزحمة بتحس بنتشته مع كل نقله انما اطمن هو مش بيبوظ زي الdsg بتاع الفولكس ( اللي بالمناسبة موجود في الليون و ما بقاش موجود في الاوكتافيا) لان الباور شيفت wet type مش dry type زي الdsg
الاسترا ( اخيرا وصلنا للاسترا) ( الشكل الجميل و في رايي المتواضع هل اجمل عربية في المجموعة- جودة الخامات الداخلية و التقفيل و شياكة التابلوه قصاد الضيق الداخلي- توكيل منصور الحرامي- بنزين ٩٥ - الاداء اللي اقل من الكورولا و الفوكس بس اعلى من الفلوانس و الفانتازيا في التسارع و في الثبات تيجي بعد الفوكس و الفانتازيا متفوقة على الكورولا و الفلوانس)
الفلوانس ( السسسسسسسسسسسعر وده لوحده ميزه مرعبة لانك مش حتاخد كمية الاوبشن ده و الراحة دي بسعر يقل عن اقرانها في المقارنة بحوالي ٤٥ الف جنية و بالنسبة للفئة السعرية المتواجدة فيها الفلوانس ما فيش حد جنبها اصلا- جودة الخامات الداخلية- الاعتمادية المتوقعة لان الماتور و الفتيس من نيسان- التوكيل- كمية الاوبشن - حجم الشنطه قصاد تسارع و ثبات ضمن الاقل في المجموعة-اعادة البيع و ثقافة الخوف من الفرنساوي- شكلها مش عاطفي و خصوصا من الخلف)
بالمناسبة قصة الماتور بتاعة الفلوانس الفيس ليفت خلصت في التوكيل خلاص
الفانتازيا معرفش في منها جديد و لا لأ و لو ان اعتقادي لأ اما الa7 الجديدة مش حتكلم عنها لانها برغم انها عمليا فئة c segment بس التوكيل بيستهبل و بنزلها بسعر يخليها بره المقارنة دي فعليا

نيجي بقى للنقتطين الاهم و هما الهدف من المشاركة اصلا
١ تختار ايه لان واضح ان حضرتك زهقت من ركوب اليباني و عايز تجرب الاوروبي اللي هو ركوبة مختلفة باحاسيس سواقة تانية بس ده قصاد انك حتخوض تجربة مش مريحة زي اليباني اللي حضرتك متعود عليه و علشان ما ترجعش تندم ( اللي راكبين عربيات فرنساوي و الماني بيقدر تماما اختلاف العربية و تميزها و بيستحمل علشانه قرفها البسيط و لو ان الجديد كله لو حضرتك بتاخد بالك من العربية حيقعد معال من غير مشاكل لفترات طويلة لانها عربيات حمالة قسية بجد) و القصة دي لها حلين
الاول انك تجرب تركب العربيات دي ( الفوكس- الاسترا- الليون- الفلوانس- الفانتازيا) لمده شهر مثلا اذا كانت مع صديق او عن طريق الايجار و تجرب نفسك حتستريح و لا لأ
التاني اذا كنت مستريح في اليباني بس شكل الكورولا هو بس اللي مش عاجبك فعندك حلول كتييير زي المازدا ٣ الجديدة ( شكل حلو جدا من بره مع انتريور رهيييب في الشكل و الخامات و التقفيل من جوه- اوبشن محترم في الهاي لاين- اعتمادية عالية- ثبات محترم جدا قصاد تسارع هو الاسؤا على الاطلاق في كل ما ذكرنا- توكيل غبور اللي ما يفرقش عن منصور- سعر مبالغ فيه جدا و خصوصا في الهاي لاين)
بص كمان في طريقك علي السيفيك ( مع كل تحفظاتي) و النيسان سنترا و السوبارو امبريزا و اخيرا الشارك اذا كان الاوبشن مش فارق مع حضرتك كتير
في الاوروبي بص مرة كده علي الاسكودا yeti ( عربية اوبشنها قليل بس رهيييبة في كل حاجة تانية) و كمان على البيجو ٢٠٠٨ ( هي صحيح فئة اصغر مما سبق بس اديها نظرة و خصوصا ان ماتورها ١٥٦ حصان)
و مبروك مقدما

---

انا مش عارف اشكرك ازاي
انك وفرت من وقتك كل ده
وكتبت الكلام ده كله
ربنا يكرمك يا باشا
بص انا حرد بس في مشاركه منفصله بعد دي علي طول وقللي رايك

انا معلش حعدل شوية في الاختيارات بس ححكي بالتفصيل شويه
معلش مش بحكي قصة حياتي بس
والله انا في المنتدي ومتابعه من سنين بس مشاركاتي قليله
بس عارف ان الناس هنا بتحب الخدمة بجد
وكمان من اكتر الناس خبره عالنت كله في العربيات
فمعلش استحملونا


اولا فكره عن نفسي في العربيات
انا بما اني كنت متغرب 6 سنين في السعوديه
والتاجير هناك سهل جدا والعربيات عموما ركوبها سهل سواء في الشغل او مع اصحابك او في اي مكان
لانها مش حاجه عزيزه اوي زي مصر كده
فكان متاح ليا اركب معظم انواع العربيات اللي ماشيه عالارض بلا استثناء
حتي الهامر
وامتلكت 8 عربيات 2 كورولا 3 ياريس سيفيك 2002 وليجانزا 2002 ومرسيدس c300
فعندي فكره عن اداء معظم العربيات

بس المشكله في مصر
احنا مش بنحط عربيه راس براس قدام عربيه تانيه ومين اسرع واقوي
لان الوضع مختلف
في مصر العربيه يعني ميزانيه وراس مال وكل يوم ممكن تتخبط حتي لو واقفه وتغير حاجه وكده يعني
فبنقارن ظروف للعربيه
باكج علي بعضها اداء وتوكيل وانتشار واعادة بيع واعتمادية وحاجات كتير
ومصاريف تشغيل
انتوا عارفي طروف الحياه يعني
فبالتالي ممكن تلاقي واحد بيقارن عربيه بعربيه في فئه تانية خالص

نيجي بقي لاصل السؤال
انا دماغي عملية في العربيات جااامد
وعمري ما اشتريت عربيه من الزيرو من التوكيل
لاني مقتنع ان الزيرو بيبقي سعره اوووفر اوي
ومجرد ما تطلع من التوكيل بتقل 10 الي 20 الف في لحظتها
ومعنديش حتة ريحة الفابريكا والحاجت دي
ومقتنع ان ايه المشكله انك تشتري كسر زيرو بحاله كويسه وفبريكه وتكشف عليها كويس
ايه رايكم في الكلام ده
لان الكلام ده حيخليني اخش في فئه اعلي من العربيات لاني ممكن اشتري مستعمل

كمان انا الكماليات بالنسبالي
زجاج ومرايات كهربا والحاجت الاساسيه ومن بره جنوط وزينون بس انا ممكن اركب الزينون عادي
لكن الحساسات والبلوتوث ومثبت السرعه والكارت الزكي وكراسي كهربا والحاجت دي مش اوي

بس الاهم اداء العرييه زات نفسه
والabs ووسائل الامان فقط
الثبات والسرعه وكده
وكمان بيهمني الشكل الي حد ما
يكون شبابي بس شيك وفخم سنه
مش زي شكل الالنترا مثلا من الخارج
تحس انها فيها حاجه غلط


انا طول عمري لما كنت في الجامعه قبل ما افهم اوي في العربيات والمواتير وال dsg والحاجات دي
كان حلم حياتي اركب عربيتن
اوكتافيا ودلوقتي ال a7


ثانيا ال bmw

حتي الان هما داخلين في اختياراتي

بس صراحه انا شايف سعر الاسكودا اووفر اوي اوي عليها دي قربت من البي ام
وموضوع الفتيس بتاعها بقيت بقراه كتير
بس انا ركبتها مع صاحبي وعجبتني من الداخل جااامد
وفعلا خاماتها احسن من الكورولا واتقل في المشي
ومره شفت ال a7 الجديده كانت بيضا وفل اوبشن وزينون كانت وهميه جدا جدا
كانت شبه دي وعالحقيقه كانت وهم اكتر من الصور

http://im61.gulfup.com/lDVqlG.jpg
http://im61.gulfup.com/oC18r2.jpg

بس صاحبي بيقلي ان مصاريفها كتير
وتوكيلها مبالغ فيه لما بيرحله مصنعيات والحاجات دي
وغير ان سحبها بطئ سنه بسيطه عن الكورولا اللي ركبها معايا
وقريت هنا ان ثباتها وعزلها مش علي قد تمنها بس مش مقتنع بالكلام ده الصراحه

ايه رايكو في الكلام ده
وايه رايكو في العرييه عموما



ثانيا نيجي للرائعه bmw 320 او حتي 316i
http://im58.gulfup.com/aG7PnH.jpg

http://im58.gulfup.com/uP4Cb3.jpg

http://im58.gulfup.com/fD4R1E.jpg

http://im58.gulfup.com/Iwn8IP.jpg

http://im58.gulfup.com/AJIlay.jpg

انا كان عندي مرسيدس c300
فمجرب ركوبة الفئه دي والالماني الفخم
العربيه المرسيدس بلا استثناء وبدون افوره وحش ماشي عالطريق
لدرجه اخويا بقلي العربيه لما بتجري كانها بتفرش عالارض من كتر العزل والثبات تحس انك مش ماشي اصلا
بس عيبها ضيقه شويه رغم ابعادها كبيره
وطبعا المرسدس عواجيزي شويه وبرده تقيله الي حد ما كوزن وكده وسواقه
وسعرها في مصر مبالغ فيه برضه
وبرضه مش عرييه استخدام يومي لازم واحده تانيه تخدم عليها ومش عربيات شقا عموما
فمش حتنفع معايا مرسيدس


نيجي للبي ام
المهم انا سقت البي ام
وفهمت يعني ايه حاجه اسمها متعه قياده فعلا
وفعلا اللي ما سقش البي ام مش حيدرك المعني ده بجد
العربيه وهميه وخفيفه وتقيله في نفس الوقت مش عارف ازاي الباور نااااااعم والوزن ثابت وكل حاجه
غير ان شكلها شبابي بس فخم في نفس الوقت
وتصميمها سمبل ومش معقد زي الموضه اللي ماشيه في العربيات حاليا
غير ان البي ام اكيد في ناس كتير بتفهم فيها ووورش متخصصه فيها
يعني مش لازم توكيل

فهل تنصحوني بحاجه موديل سنتين فاتو في حدود 200 الف
علما ان العربيه مش حيكون معايا غيرها وحيكون استخدام يومي حتي لو مشاوير للبقال
فهل البي ام بتاعة كده
ولا عربيه محتاج راننج كوست عاليه ومصارف وصيانه وكده
ال 316 i بالنسبالي مناسبه جدا
1600 سي سي واوبشناتها عالقد وحلوه
بس مصاريفها بقي ودنيتها في مصرنا وشوارعنا تنفع ولا ايه


طبعا الانجنيا والبيجو 508 والباسات خارج المقارنه حتي لو كسر زيرو او كده
لانها لسه متجرتش بشكل كبير
واكيد محتاجين توكيل في كل فتفوته في العربيه وبنزين 95 وقصه تانيه
وفي عربيات محترمه زي السوبارو والمازدا والهوندا
بس برده مش منتشرين للدرجه ومخاطره الي حد ما


اكيد فهمتو دلوقتي سبب الحيره
لان الواحد عايز يركب عربيه نفسه فيها وتكون عجباه ومتوازنه من ناحية الشكل والاداء
مش خرافه يعني بس متوازنه عالاقل
بس برده حابب امشي بدماغ البلد والسوق
لاني جربت يعني ايه تبقي راكب عربيه محدش فاهمها ولا عارفها ولا قطعها متوفره
وده حصل في الليجانزا لما كنت في السعوديه
كانت اول بداية ليا في عالم السيارات
ومكنش معروفه وكنت بتبهدل جاااامد عشان اجبلها اي حاجه
وكانت بتقعد بال3 اسابيع عطلانه
وكرهتني في الكوري
ولما جيت بعتها قرفتني جدا جدا جدا

وده برده سبب حبي في الياباني
عمرها ما بتعطل بالمعني الحرفي للكلمه
الاعطال اللي هيا المقرفه دي
وبتتباع وهي واقفه
لدرجه مره كنت بغير زيت والله فمركز خدمه
قام صاحب المركز قاللي تبيع
وبعتها بمكسب عن التمن اللي اشترها بيه

بس هي عربيه والسلام
مش برستيج اوي ولا تقفيل فخم ولا متعه ولا ثبات للدرجه يعني مفيش حاجه وهميه
بس هي حلوه وتؤدي الغرض ولها احترامها برده
بس ركوبة الالماني غيييييير
بس الغاوي ينقط بطاقيتو زي ما بيقولو
علما اني حاطط ميزاينه 200 الف
ممكن يزيدو بسييط
وده ميمنعش ان الكورولا من ضمن الاختيارات القويه
نظرا لكونها ماركت ليدر عموما



اخيرا يا رجاله
انا اسف لو طولت عليكم
بس انا كان نفسي اقول الكلمتين دول
وقلتهم خلاص
وزي ما بيقولو لا خاب من استشار
هل من ناصح
وشكرا

هات الاسترا كلامك كلة بيقول استرا

انا عمري في حياتي ما هشتري كورولا بالمبلغ ده ابدا بغض النظر عن اي حاجة
انا ركبت الكروز و الكورولا في معرض، ركبت الكورولا اول إنطباع إيه القرف ده؟؟؟؟خامات و شكل مش طبيعين
ممكن تفكر في السيفيك-الاسترا/الكروز-الفوكس
يتفوقوا علي الكورولا في حاجات كتير

اقتباس:

---

المشاركة الأصلية كتبت بواسطة ibrahiiimooo

حرام عليك بجد السؤال الطويييل اللي حضرتك بتسأله لان الاجابة المعقولة بتاعته لازم حتكون طويييلة زية و ده اللي مخلي ناس كتيرة مش قادرة ترد لان الواحد ما بقاش فية صحة للمشاركات الطويييلة دي
عموما شوية ردود على السريع
مبدأيا ما فيش عربية في الدنيا حتحقق اللي حضرتك عايزة بنسبة ١٠٠٪ و انما هناك الاختيار الانسب اللي برضه حيبقى في حاجة مش عاجبه حضرتك و تضطر تبلعها
بين كل العربيات اللي حضرتك قولتها ( الكورولا-الفوكس-الاسترا-الفلوانس-الفانتازيا) حتلاقي التسارع و الثبات و الامان و مصاريف التشغيل و قطع الغيار متقاربة لحد كبير و هي دي السمات العامة لكل الc segment الي تجي تحتها كل العربيات دي، بس في نقط بسيطة اللي بتفرق كل عربية عن التانية و اللي على اساسها كل واحد بيختار عربيته و حنحاول نجملها ( الحلو و الوحش) في الاتي
الكورولا ( الوسع_اعادة البيع-نظريا الاعتمادية العالية لان العربية لسة جديدة- الوكيل- الاوبشن في الهاي لاين قصاد الشكل السئ داخليا و خارجيا من وجهة نظري برضة- الخامات الاقل و التقفيل الاسوأ ضمن المجموعة كلها باستثناء الكروز اللي انا مش حاططها في المقارنة اصلا
الفوكس (التسارع الرهيب- الثبات الاعلى ضمن المجموعة -الشكل الخارجي و لو ان الاسترا اجمل- جودة التقفيل الالماني بس قصاد ضيق الكنبة الخلفية و الشنطة و دي نقطة العيب الابرز- اعادة البيع- التوكيل-بنزين ٩٥- الفتيس الباور شيفت- ضعف الخامات الداخية لانها من ضمن الاسوا في المجموعة دي بعد الكورولا)
طبعا الكلام اللي اتقال على الفوكس في العيوب يخلي اي حد يستبعدها على طول و لكن اللي انا قلته له تفسير هذا بيانه
بنزين ٩٥ ودي للاسف مش حتلاقيها في الفوكس بس و انما ايضا في كل الاوروبي الجديد حتى الفانتازيا اللي هي بماتور اقل في التكنولوجي من كل الاوروبي اللي في مستوى سعرها
الحكاية ببساطه ان المواتير الاوروبي من فترة مش بسيطة (اوائل ٢٠٠٥) بدات كل المواتير الاوروبي يبقى ليها مميزات خاصة و هي ان التورك بتاعها بيجي على rpm قليل و ده فارق في التسارع بس على حساب ان الcompression ratio بتاع المواتير دي بقى كبير و بالتالي اصبحت تتطلب استخدام بنزين اكثر جودة ( بنزين ٩٥ اللي هو اقل بنزين في اوروبا) و كمان علشان تتوافق مع المعايير الاوروبية الصارمة في تقليل انبعاثات ثاني اكسيد الكربون بس لان التوكيلات عندنا حرامية و نصابين محترفين و لغياب المتابعة من حماية المستهلك فالتوكيل يقولك لا يا بيه العربية تمشي ببنزين ٩٢ وده مش غلط اوي يعني العربية مش حتقف لما تحط ٩٢ بس اولا الاداء حيتاثر بشكل كبير ( تفسير التسارع السئ للفوكس من وجهة نظر corolla destroyer لانه اكيد جربها ببنزين ٩٢ انما لو جربها بال٩٥ كان حيلاقي عربية تانية ايضا ده يخلي العربية تكركر ( الاسترا و اختها الانسينجينا) و المواتير عمرها يتقصف ( الانسنجينا خصوصا في وجود التيربو) طبعا باستثناء الفلوانس لان ماتورها دلوقتي ياباني من نيسان
الاغرب في الموضوع ده ان الكوري قريب حيخبط في موضوع البنزين ٩٥ ده لانه في اثناء سعي الكوري الحثيث لزيادة تسارع العربيات و زيادة الهورس باور مع الحفاظ على حجم المكنة و استهلاك بنزين معقول بدؤا في استخدام مواتير gdi او الضخ المباشر للبنزين و دي برضة محتاجة بنزين ٩٥ علشان تاخد الاداء بتاعها و استهلاك البنزين القليل ( نسيت اقول فوق ان استخدام بنزين ٩٢ بدل ٩٥ بيؤدي الى زيادة مرعبة في استهلاك البنزين) و السوق دلوقتي فيه عربيتين gdi هما الكارينز الجديدة و الكيا سيراتو كوبيه الجديدة بس برضة التوكيل ما قالش لملاكهم على قصة البنزين كسائر توكيلات مصر المحروسة و المتوقع في خلال السنين الجاية ان كل الكوري الاحدث حيبقى بنفس تقنية الgdi و ساعتها حنبتدي نلبس في الحيط ( ده على اعتبار ان احنا ما لبسناش في الحيط اصلا)
كلمة صغيرة لملاك الياباني ان كل المواتير الvvt-i زي بتاعه الكورولا و i-vtec بتاعه الهوندا برضه علشان تاخد ادائها الكامل لازم تستخدم ال٩٥ و لو انها اقل تضررا في حالة اتسخدام البنزين ٩٢ ( بالمناسبة الكورولا الجديدة برضة بتسقف شوية مع ال٩٢ و عايز اثبات شوف العربية حتعد تتكتك اد ايه بعد ما تبطلها بعد مشوار كبير)

بص يا جميل شوفت الهرك اللي انا قلته كله فوق انساه بص الخلاصة ان الفوكس و الاسترا و الفانتازيا و طبعا معاهم كل الاوروبي الجديد زي الليون وغيره محتاجين بنزين ٩٥ علشان يدوك اداء معقول
فتيس الفوكس حسيبه لمشاركه تانيه علشان انا نفسي اتقطع

---

معلش بعد اذن صاحب الموضوع...
ال tsi المفروض برضو بيحتاج 95 صح؟؟
انا معايا الجولف 1.4
واتنين صحابي معاهم ليون 1.2
وكلنا عمرنا ماحطينا 95
ماشيين على طول ب 92 والسحب ممتاز جدا وحققنا ارقام الكتالوج واحسن كمان سواء تسارع او توب سبيد....
الفوكس لما جربتها بجد سحبها اقل من العادي..
وفعلا هيا ك ارقام على الورق 12 ثانيه
يعني في المعقول مش واو يعني
الانترا والسيراتو والكورولا اشد منها شويه..

اقول لصاحب الموضوع طالما دماغك في المستعمل ومش عايز تخسر وانت بتبيع وعربيه ركوبه وثابته بس مش جرايه اوي
فنتازيا هتعجبك جداا شوفلك حاجه نضيفه كده ومش هتخسر فيها وانت بتبيعها..

corolladestroyer

انا شفت فعلا تقارير الفوكس من ملاكها
الاجماع ان ثباتها رهيب وخامات ومميزات
بس الاجماع ان التسارع بطئ جدا

كمان قريت في اكتر من تقرير للملاك برده
ان الباور تقيل ودي حاجه غريبه

اما بخصوص الفانتازيا
فدي عربية احلامي من زمان ومطروحه في الاختيار بقوة
بس حسب الميزانيه بقي
لان المستعمل في الالماني انت وحظك
رغم انها بطيئه برده الي حد ما
لكن كركوبه فخمه عن الكورولا
وانا ركبتها اكتر من مره بس مجربتش سواقتها بنفسي
ربنا يسهل بقي :)

اقتباس:

---

المشاركة الأصلية كتبت بواسطة romioromio

corolladestroyer

انا شفت فعلا تقارير الفوكس من ملاكها
الاجماع ان ثباتها رهيب وخامات ومميزات
بس الاجماع ان التسارع بطئ جدا

كمان قريت في اكتر من تقرير للملاك برده
ان الباور تقيل ودي حاجه غريبه

اما بخصوص الفانتازيا
فدي عربية احلامي من زمان ومطروحه في الاختيار بقوة
بس حسب الميزانيه بقي
لان المستعمل في الالماني انت وحظك
رغم انها بطيئه برده الي حد ما
لكن كركوبه فخمه عن الكورولا
وانا ركبتها اكتر من مره بس مجربتش سواقتها بنفسي
ربنا يسهل بقي :)

---

اااه دانتا فكرتني الباور بتاع الفوكس رخم اوي اوي يعني حاجه عكننه الصراحه...

160 الف يجيبولك فنتازيا ممتازة...
وانا شايفه اختيار مثالي الصراحة قطع الغيار كلها موجودة ومنتشره بدل النوع عشرة وسوقها ماشي جداا...
سواقتها تحفة اوي الباور ناعم ومريح الطارة بتتقل جدا مع السرعه القعده جوة تحس العربيه حضناك.. عفشتها حلوة وثابته جدا عربيه ممتازة بجد....

اقتباس:

---

المشاركة الأصلية كتبت بواسطة ibrahiiimooo

الحمد لله الواخد خد نفسه شويه
بما اننا لسه بنشرك في الفوكس اخر مشكله هي مشكلة الفتيس هي صحيح مش مشكله كبيره يعني لكن لازم تذكر و هي ان الفتيس الباور شيفت زي كل الفتايس الDCT بيبقى ليها تسارع مرعب بس مشكلتها في التردد في نقل السرعات في الزحمة بتحس بنتشته مع كل نقله انما اطمن هو مش بيبوظ زي الDSG بتاع الفولكس ( اللي بالمناسبة موجود في الليون و ما بقاش موجود في الاوكتافيا) لان الباور شيفت wet type مش dry type زي الDSG
الاسترا ( اخيرا وصلنا للاسترا) ( الشكل الجميل و في رايي المتواضع هل اجمل عربية في المجموعة- جودة الخامات الداخلية و التقفيل و شياكة التابلوه قصاد الضيق الداخلي- توكيل منصور الحرامي- بنزين ٩٥ - الاداء اللي اقل من الكورولا و الفوكس بس اعلى من الفلوانس و الفانتازيا في التسارع و في الثبات تيجي بعد الفوكس و الفانتازيا متفوقة على الكورولا و الفلوانس)
الفلوانس ( السسسسسسسسسسسعر وده لوحده ميزه مرعبة لانك مش حتاخد كمية الاوبشن ده و الراحة دي بسعر يقل عن اقرانها في المقارنة بحوالي ٤٥ الف جنية و بالنسبة للفئة السعرية المتواجدة فيها الفلوانس ما فيش حد جنبها اصلا- جودة الخامات الداخلية- الاعتمادية المتوقعة لان الماتور و الفتيس من نيسان- التوكيل- كمية الاوبشن - حجم الشنطه قصاد تسارع و ثبات ضمن الاقل في المجموعة-اعادة البيع و ثقافة الخوف من الفرنساوي- شكلها مش عاطفي و خصوصا من الخلف)
بالمناسبة قصة الماتور بتاعة الفلوانس الفيس ليفت خلصت في التوكيل خلاص
الفانتازيا معرفش في منها جديد و لا لأ و لو ان اعتقادي لأ اما الA7 الجديدة مش حتكلم عنها لانها برغم انها عمليا فئة c segment بس التوكيل بيستهبل و بنزلها بسعر يخليها بره المقارنة دي فعليا

نيجي بقى للنقتطين الاهم و هما الهدف من المشاركة اصلا
١ تختار ايه لان واضح ان حضرتك زهقت من ركوب اليباني و عايز تجرب الاوروبي اللي هو ركوبة مختلفة باحاسيس سواقة تانية بس ده قصاد انك حتخوض تجربة مش مريحة زي اليباني اللي حضرتك متعود عليه و علشان ما ترجعش تندم ( اللي راكبين عربيات فرنساوي و الماني بيقدر تماما اختلاف العربية و تميزها و بيستحمل علشانه قرفها البسيط و لو ان الجديد كله لو حضرتك بتاخد بالك من العربية حيقعد معال من غير مشاكل لفترات طويلة لانها عربيات حمالة قسية بجد) و القصة دي لها حلين
الاول انك تجرب تركب العربيات دي ( الفوكس- الاسترا- الليون- الفلوانس- الفانتازيا) لمده شهر مثلا اذا كانت مع صديق او عن طريق الايجار و تجرب نفسك حتستريح و لا لأ
التاني اذا كنت مستريح في اليباني بس شكل الكورولا هو بس اللي مش عاجبك فعندك حلول كتييير زي المازدا ٣ الجديدة ( شكل حلو جدا من بره مع انتريور رهيييب في الشكل و الخامات و التقفيل من جوه- اوبشن محترم في الهاي لاين- اعتمادية عالية- ثبات محترم جدا قصاد تسارع هو الاسؤا على الاطلاق في كل ما ذكرنا- توكيل غبور اللي ما يفرقش عن منصور- سعر مبالغ فيه جدا و خصوصا في الهاي لاين)
بص كمان في طريقك علي السيفيك ( مع كل تحفظاتي) و النيسان سنترا و السوبارو امبريزا و اخيرا الشارك اذا كان الاوبشن مش فارق مع حضرتك كتير
في الاوروبي بص مرة كده علي الاسكودا Yeti ( عربية اوبشنها قليل بس رهيييبة في كل حاجة تانية) و كمان على البيجو ٢٠٠٨ ( هي صحيح فئة اصغر مما سبق بس اديها نظرة و خصوصا ان ماتورها ١٥٦ حصان)
و مبروك مقدما

---

ارجوك انا محتاج نصيحتك ضرورى جدااا انا بدور على عربية زيرو اوتوماتيك سحب وتسارع وثبات وقدر معقول من الأوبشن واهمها اوبشن الأمان والفرامل والثبات وتكون شيك من بره وفخمة كخامات من جوه وكنت رايح للكورولا بس حسيت حرام فيها فرق السعر ده كله وخصوصا ان ميزة اعادة البيع اللى فى الكورولا مش بتهمنى بالمرة ومع وجود عربيات تانية محترمة بسعر اقل منها بحوالى 20 او 25 ألف فكرت فى الفلوانس و السنترا والشارك والأمبريزا واستبعدت الأسترا علشان خاطر منصور ومحتار جداااا بين هل ياترى الكورولا تستاهل فرق السعر ده ولا لو مش كورولا يبقى اجيب ايه بناءا على المواصفات اللى انا محتاجها وده رابط الموضوع بتاعى ويبقى لك جزيل الشكر
http://www.nilemotors.net/Nile/450472-a.html

حضرتك بص علي بيجو ٣٠٠٨ تقريبا فيها اغلب الي انت عايزه ، الماتور تربو ١٦٣ حصان أدائه مبهر ويقبل بنزين ٩٢ بدون مشاكل ، او بعد كده تطلع علي ٥٠٨ وهي نفس الماتور والفتيس .
تحياتي

بس انا مليش في الهاتش باك