تغير فتيس الاسترا الاوتوماتيك

**عمارمطر** · 04-12-2014 02:25 AM

زملائى الاعزاء
بعد مساعدتكم وتوجيهاتكم غيرت الفتيس بس وانا راجع بالعربيه لاحظت حاجتين اول حاجه فى فاصل خفيف بعد اول نقله بس بسيط ولاكن باقى النقلات عندى طبيعيه لاكن المفروض ان الفتيس دا ناعم جدا
وتانى حاجه فى الزجمه على وضع D بعد رفع قدمى من على دواسه الفرامل تتاخر فى التعشيق قليلا فى الطبيعى ان بعد دوسه الفرامل التعشيق بيفصل وبعد ما ارفع قدمى من على دواسه الفرامل يلقط الفتيس فورا ولاكن الان يتاخر لحظات عن الطبيعى ما عدا ذلك ممتاذ سحب وناعم ومفاجئ تمام وللعلم الفتيس ال غيرته مكتوب عليه صناعه اليابان ولم كلمت المهندس قالى امشى بالفتيس يومين واحكم عليه كل العيوب دى بسيطه من الركنه
طبعا انا قلقان لان العيوب البسيطه دى هى علامات بوظان الفتيس لان التاخر فى الحركه بعد رفع القدم من على الفرامل دا كان بدايه العطل فى الفتيس القديم فهل كلام المهندس صح ولا ارجعله تانى اغير الفتيس ده من اولها

وهل هذا النوع من الزيت جيد ام يوجد الاحسن

**egyption2012** · 04-12-2014 02:57 PM

ان شاء الله تجد ما يسرك بعد تغيير الفتيس
واذا كانت تمتلك سيلكتور الفتيس القديم الخاص بسيارتك اذا كانت استرا 2005
فيمكنني شراءه منك ان كنت تريد بيعه بإذن الله
شكرا لك

**عمارمطر** · 04-12-2014 09:22 PM

المشاركة الأصلية كتبت بواسطة egyption2012

ان شاء الله تجد ما يسرك بعد تغيير الفتيس
واذا كانت تمتلك سيلكتور الفتيس القديم الخاص بسيارتك اذا كانت استرا 2005
فيمكنني شراءه منك ان كنت تريد بيعه بإذن الله
شكرا لك

الفتيس كله تحت امر حضرتك لو لزمك اى حاجه تحت امرك

**egyption2012** · 04-12-2014 11:56 PM

المشاركة الأصلية كتبت بواسطة عمارمطر

الفتيس كله تحت امر حضرتك لو لزمك اى حاجه تحت امرك

تم مراسلتك على الخاص
واتمنى من باقى الاعضاء الرد عليك بشأن استفساراتك

**amoora** · 05-12-2014 12:06 AM

تاخير التعشيق دا من زييييت الفتيس نااااااقص وزده وهتلاقيها هتضبط معاك تشيل رجلك من الفرامل العربية تتحرك ف وقتها

**Hesham.H** · 05-12-2014 12:42 AM

كلام الراجل ده فيه جزء كبير صح .. الفتيس من الركنه لازم تمشى عليه شويه على ما يظبط وعن تجربه
الفتيس بتاعى اول ما ركبته كان اكتر من كده ... كان ياخد D يمشى على الغيار التالت فقط ... فضلت ماشى عليه مانيوال لمده يومين كده وبقى ينقل كل الغيارات ... فى خلال شهر بقى زى الفل
مطلوب من حضرتك لو النقلات عندك مش مظبوطه تمشى مانيوال كام يوم وبعد كده تنقل اوتوماتيك ... وسواء مشيت مانيوال او اوتو لازم تحرق على الغيارات الفتره دى يعنى لغايه ٤.٥ ار بى ام مثلا ومش اقل من كده ... والمفروض انك مشترى الفتيس عن تجربه
الفتايس الاوتوماتيك فى الاوبل كلها يابانى ... ياريت تعرفنا موديل الفتيس عندك كام وهل هو af20 زى الفيكترا ولا ايه والاسعار عشان تفيد زمايلك
تحياتى

**egyption2012** · 05-12-2014 12:50 AM

موضوع ان العربية بتمشي فورا بعد ما تشيل رجلك من على الفرامل تقريبا مش صح
لان الموتور بيتحول لوضع الخمول اثناء الفرامل توفيرا للبنزين ولفوائد اخرى
لكن بعد ما تشيل رجلك من الفرامل .. بعد ثانية واحدة تجد العربية بتمشي