حوادث Octavia A7 المتكررة

**ali ashraf** · 07-12-2014 06:07 PM

المشاركة الأصلية كتبت بواسطة moratoz

الوضوع دا موجود يا باشمهندس احمد ودا حمايه لركاب السياره علشان الموتور ما يخشش علي الكابينه

أنا كبير فى السن عندى 55 سنه كان عندى زمان مرسيدس 190 دخلت بيها فى عامود نور و كان الاكصدام من الصلب الفولاذ يشيليه فردين بصعوبة ....عامود النور وقع على الارض محدثا دويا عاليا و الحمد لله نزل على الارض بدون اذي لاى حد ....طب اسألنى المرسيدس جره لها ايه ....ولا اى شئ كأن شيئا لم يكن.... لو عربية من عربيات النهاردة تخيل المشهد و ربنا يسترها

**nagy wassef** · 07-12-2014 09:41 PM

المشاركة الأصلية كتبت بواسطة ali ashraf

أنا كبير فى السن عندى 55 سنه كان عندى زمان مرسيدس 190 دخلت بيها فى عامود نور و كان الاكصدام من الصلب الفولاذ يشيليه فردين بصعوبة ....عامود النور وقع على الارض محدثا دويا عاليا و الحمد لله نزل على الارض بدون اذي لاى حد ....طب اسألنى المرسيدس جره لها ايه ....ولا اى شئ كأن شيئا لم يكن.... لو عربية من عربيات النهاردة تخيل المشهد و ربنا يسترها

لو حصل دلوقتى السواق هياخد العامود بالحضن
و يبقى فعل فاضح فى الطريق العام :)

بالمناسبة واحد زميل اخويا فى الشغل دخل فى جزيرة فى شارع نتيجة السرعة الزيادة بa7 بردوا

**ahmzd** · 07-12-2014 10:25 PM

المشاركة الأصلية كتبت بواسطة internalspirit

ربنا يسترها معانا جميعاً، بس انا لاحظت ان فيه حوادث متكررة والنتيجة واحدة،
حادثة علي طريق السندباد العربية تتقلب ةالفتييس يخرج برة العربية !!!
حادثة علي المحور تقريباً برضه العربية تتقلب لكن المرة دي الموتور يطير بره العربية !!!
انا مش فاهم حاجة
هو موضوع الفتيس أو الموتور انه يخرج بره العربية ده عادي ولا safety ولا صدفة ولا عيب في العربية ولا ايه انا مبقتش فاهم بصراحة
بس انا كنت فاكر ان العربية دي عوامل الامان فيها عالية جداً
ياريت حد يفهمني الموضوع ده وربنا يسترها علينا ويستر طريقنا كلنا
شكراً

أنا اللي فهمته دلوقتي - وياريت حد يصحح لي لو كنت غلطان - إن المشكلة مركّبة :
الجزء الأول منها يكمن في كون العربية بتتقلب في حالات كتيرة وبسهولة!
الجز التاني من المشكلة عبارة عن إن الموتور والفتيس - أو أحدهما - بيتنطر خارج العربية تماما ربما من غير مبرر!
يا ريت حد من التوكيل أو عنده خبرة كافية يشرح لنا الموضوع ببساطة واختصار وإلا فأنا عن نفسي بدأت " أتعقّد " من العربية دي ونفسي تقف منها تماما !
والله أعلم.

**adelghanem** · 07-12-2014 10:52 PM

موضوع الامان وحمايه كبينه الركاب
مش داخله دماغى !!! وايه علاقتها
بالماتور اللى بيطير بره العربيه !!!

**amr_8800** · 08-12-2014 12:09 AM

امان ازاي يعني
المكنه والفتيس يطلعو بره العربيه وتقولولي امان

كلام مش مقنع بصراحه
وبعدين لما المكنه والفتبس يطلعو بره العربيه ويتكسرو
العربيه هيفضل فيها ايه سليم
والاير باج كلو يفتح والصاج من بره اتكسر يعني رسمي توتال لوست

**amgomaa** · 08-12-2014 12:09 AM

بخصوص موضوع الحادثة الاستاذ\احمد محرز مدير عام ارتوك اوتو بتقديم الرد التالى لتوضيح الموضوع

وده رابط مباشر لخصائص الامان بسيارة سكودا اوكتافيا موضح فيه الخاصية
ŠKODA Octavia - Safety - ŠKODA

**CosmicOne** · 08-12-2014 12:16 AM

و دى سكودا ياتى فى انجلترا نفس النظام بالظبط والى باقى من العربيه نفس الهيكل الصلب الى فى الصوره بتاعت استاذ احمد محرز

Engine ripped from Skoda in crash escape | Western Daily Press

**amgomaa** · 08-12-2014 12:22 AM

صورة العضو الاستاذ محمد

يا ريت نراجع الرد بتاعى و cosmic one اكيد الموضوع واضح ان ده خاصية امان

**M!SHO** · 08-12-2014 12:48 AM

موضوع ان الماتور يحل اتوماتيك ويسقط ، طبيعي ومفيش فيه كلام

موجود في عربيات كتير من زمان ويعتبر من ضمن عوامل الامان

لكن اللي اعرفه ان يسقط في حالة التصادم الامامي فقط ويسقط مكانه مش يطير بعيد عن العربيه ويتسبب في بلاوي تانيه !!

اما موضوع سقوط عجلة القياده وعلبه الدركسيون و و و ، ده كلام اول مره اسمعه

كان أسهل يعملوا كرسي قاذف ببراشوت ويبقى زي الفل :d

المنطق والعقل بيقولوا كده

**amgomaa** · 08-12-2014 01:02 AM

المشاركة الأصلية كتبت بواسطة m!sho

موضوع ان الماتور يحل اتوماتيك ويسقط ، طبيعي ومفيش فيه كلام

موجود في عربيات كتير من زمان ويعتبر من ضمن عوامل الامان

لكن اللي اعرفه ان يسقط في حالة التصادم الامامي فقط ويسقط مكانه مش يطير بعيد عن العربيه ويتسبب في بلاوي تانيه !!

اما موضوع سقوط عجلة القياده وعلبه الدركسيون و و و ، ده كلام اول مره اسمعه

كان أسهل يعملوا كرسي قاذف ببراشوت ويبقى زي الفل :d

المنطق والعقل بيقولوا كده

حضرتك قريت اللينك هو مين قال انه بيطير