اللانوس احلي ولا النوبيرا ياجماعه مع اهمال فرق الثمن

**khater87** · 01-11-2008 01:09 PM

اللانوس احلي ولا النوبيرا ياجماعه مع اهمال فرق الثمن:k16:

ياجماعه الله يخليكم حد يفيدني انا لسه شاري لانوس موديل 2001 بس بصراحه ومكدبش عليكم اتخميت فيها حصوصا وانها عامله 270الف كيلو
هي بصراحه العربيه مزعلتنيش في حاجه من يوم ماجبتها غير حاجات بسيطه والحمد لله عملتها بس هي الفكره حالا في حاجه هل لما احب اعلي واغير اللانوس دي هل النوبيرا حلوه حتي لو دفعت علي اللانوس 10 الاف ولا هتبقي زي اللانوس خصوصا ان انا حاسس ان اللانوس مش بالفخامه ولا الكفاءه الي انا كنت حاططها في دماغي قبل مااجيبها ولا انتو ايه رايكوا اغير الكوري خالص واروح للياباني
انا عاجباني جدا اللانس المكواه =2002 ولا ايه رأيكم ياريت حد يفيدني :k37:

**sherif_84** · 01-11-2008 01:17 PM

مادام انت قلت مع اهمال فرق الثمن يبقى النوبيرا طبعا عشان أكبر وأوسع وأفخم وموتورها اقوى وبعدين احنا لو هنقارن ماينفعش تقارن عربية لانوس مع نوبيرا لان دى فئة ودى فئة تانية
يعنى ممكن تقارن بين نوبيرا او اوبترا مثلا او كورولا
عموما طبعا النوبيرا افضل من اللانوس لكن لو هتشترى مستعمل خلى بالك من حالة العربية وخلى سمكرى كويس يبصلك عليها
وان شاء الله تتوفق فى الاختيار

**ahmed1981** · 01-11-2008 02:34 PM

أكيد النوبيراً أفضل بكثير جداً

**Qamar** · 01-11-2008 02:49 PM

المشاركة الأصلية كتبت بواسطة sherif_84

دى فئة ودى فئة تانية

معلش ايه اللى هايعود عليا كمستخدم من الفئة الأعلى؟
أعذرونى أنا كنت سألت السؤال ده قبل كده و ما فهمتش الاجابة.
هل بفرق الفلوس ده أحصل على متانه - عمر افتراضي اطول - عزل - كفاءة تكييف. ولا تفكيري كده غلط؟

**fahd_628** · 01-11-2008 02:57 PM

نوبيراااااااا افضل طبعا من الانوس

حتلاقى فرق فى الفخامة و الوسع و الموتور و التكييف و الثبات

**Nader** · 01-11-2008 02:59 PM

النوبيرا افضل طبعاً...

**khater87** · 02-11-2008 04:13 PM

شكرا ياشباب علي ردكم
بس اعذروني علي السؤال ده خصوصا اني لسه جديد مع العربيات الحديثه .
بس فعلا انا عاوز اعرف هل النوبيرا فعلا الناس بتشكر فيها وكده لاني فعلا مقتنع بيها وهل هحس فعلا بفرق جامد لو ركبتها بعد اللانوس إن شاء الله . ولا الكوري واحد سواءلانوس او ماتيز او نوبيرا او ليجانزا .
ده سؤالي ياريت حد يفيدني من الي جربوا النوبيرا . وعلي فكره انا كلامي كله ينطبق علي المانيوال انا لسه بعيد شويه عن الاوتوماتيك .

**samirayad** · 02-11-2008 06:05 PM

المشاركة الأصلية كتبت بواسطة khater87

شكرا ياشباب علي ردكم
بس اعذروني علي السؤال ده خصوصا اني لسه جديد مع العربيات الحديثه .
بس فعلا انا عاوز اعرف هل النوبيرا فعلا الناس بتشكر فيها وكده لاني فعلا مقتنع بيها وهل هحس فعلا بفرق جامد لو ركبتها بعد اللانوس إن شاء الله . ولا الكوري واحد سواءلانوس او ماتيز او نوبيرا او ليجانزا .
ده سؤالي ياريت حد يفيدني من الي جربوا النوبيرا . وعلي فكره انا كلامي كله ينطبق علي المانيوال انا لسه بعيد شويه عن الاوتوماتيك .

النوبيرا سيارة ممتازة بكل المقاييس...................بس افحص السيارة كويس....وأوصيك بالمانيوال وحسن الاستعمال........مبرووووك مقدما