الموضوع: مشكلتى مع الدايو و حلها و شكر خاص لمحمد ممدوح

عربيتي لانوس 99 و عاملة 70000 ألف و من فترة حصل إن العربية و أنا ماشى كانت بتتخنق جامد و مرة واحدة تلاقيها سحبت وديتها توكيل المعادى عند المهندس كريم حبيب قلبي و غير طلمبة البنزين و الفلتر ولقي الوصلة اللي راكبة في الفلتر مكسورة و غيرها و من ساعتها و مباقيش يحصل الكلام دة بس انا حاسس أن العربية لسه مخنوقة شوية و أن سحبها مش أد كده و كلمت المهندس العظيم محمد ممدوح ربنا يخلي هونا و قالي أنت محتاج تنظف المانوفيل و البوابة و رحت لمحمد عبده و نظف فعلا المانوفيل و البوابة و قاللى ان الموبينة الخط الأول و الثاني ضعاف جدا جدا و هما دول اللي بخلوا العربية تبقى مبرجلة و مش مضبوطة و مشيت من عنده بس الفرق كان أن الموتور هدى الصوت بتاعة أوى وروحت و دخلت على عربية ابوى النوبيرا وخدت الموبينة بتاعتة و حططتها عندي و كانت النتيجة زى الفل و أيضا غيرت قواعد الموتور الأمامية الاتثين و كانوا عاملين رعشة جامدة فى الطلعة و فى السلانسية وده كانت مشاكلي مع اللانوس وانا حييت أشاركها معاكو للإفادة وده بفضل المهندس محمد ممدوح و توجيهاتة