الموضوع: صيانة 100 الف كم لميجان 2006 اعملها فين

المشاركة الأصلية كتبت بواسطة أسامه الحسيني

الأخوه الاعزاء ان شاء الله هعمل صيانة 100 الف كم ومحتاج مشورتكم اعمل الصيانه دى فين على العلم ان العربيه فيها المشاكل الاتيه
1- فى ترشيح زيت بسطيت خلف الموتور - يعنى لو بسيط على الموتور من الامام مش هتشوف حاجه واكتشفته بالصدفه لما كنت بغير العجله الاماميه يمين وظاهر التريشح حوالين العدسه الزجاج
2- هغير طلمبه المياه للمساحات بالقربه بخراطيم الرشاشات
3- لما كنت بشغل التكييف كانت بتسرب مياه داخل العربيه (خرطوم الصرف عاول يتسلك ).
4- هغير فلتر التكييف والعفشه محتاجه مساعديين امامى وخلفي
5- الستائر الخلفيه محتاج الكلبسات بتاعتها
6- ساعات بيكون سحب العربيه ضعيف ولكن على فترات بعيده
7- هتنظف دورة التبريد واحط مياة خضراء
8- ساعات بشم ريحة بنزين او دخنه داخل العربيه (تقريبا الشكمان مخروم )
9- توكة حزام الامان للاحزمه الخلفيه عاوز تتغير
10- الكشافات الاماميه تعبانه خالص وان شاء الله هغيرهم
11 - عاوز برده اكشف على الفتيس والزيت والحساسات بتاعته
12- باب السائق ساعات مش بيرده يفتح من الريموت
13- ممكن لو فاض معايا فلوس اركب حساسات ركن
14- العربيه فيها شغل سمكره وممكن اديلها حزام (دهان)
الميزانيه المتاحه 5000 ج
فأحسن حاجه اعمل الشغل دا مركز خدمه لانى اعتقد ان المبلغ دا مش هيكفى لو رحت التوكيل
ولا اروح مثلا لمركز المصطفي يعملى شغل الميكانيكا والعافشه واروح لكهربائي كويس يغيرلى الكشافات وسمكرى وهذا ولو هعمل كدا ايه احسن الماركات واعملها عند مين

الميزانية دي مش هتكفي في التوكيل أكيد..نصها هيروح في الأرض بسبب المصنعيات والضريبة واللذي منه..
وبعدين رش حزام العربية لوحده أصلا هيخشله في 1000 جنيه مستريح!
كل اللى انت قولته يتعمل برا التوكيل عادي بسهولة وأرخص بكتير..
موضوع الفتيس متروحش فيه التوكيل عشان هيرخمو عليك ومش هيرضو يعملوا حاجة غير بمبلغ محترم..ممكن تروح فرنش موتورز وتخليهم يغيرو الزيت ويكشفو ع الحساسات وشكرا..
وكذلك دورة التبريد خليهم يظبطوها برضه هناك.
ممكن تركب فلتر هواء سبور لو فاض معاك فلوس..هيفرق معاك في السحب حاجة بسيطة.
وربنا معاك :)

العفشه اعملها عند عفشجى
والابواب هتعملها عند بتاع ابواب
ورش العربيه هتعمله عند بتاع دوكو
وكذلك السمكره
باقى الحاجات هتعملها عند اي مركز رينو كويس وعندكم فى القاهره فيه ناس كويسه
وربنا معاك

المشاركة الأصلية كتبت بواسطة تامر.محمد

جت عليا لحطة كنت متخيل ان السطر اللي بعده (و الميكانيكا اعملها عند ميكانيكي و الكهربا اعملها عند كهربائي ) هههههههههههههههههههه

ههههههههههههههههههههههههه هههههه
اقولوه ايه طيب ؟
يعنى انا مثلآ اما بعمل حاجه فى العفشه بروح للعفشجى بتاعى
والكهربا نفس النظام
لكن شغل الميكانيكا فى الماتور والفتيس وكشف بالجهاز لازم يكون حد متخصص

المشاركة الأصلية كتبت بواسطة تامر.محمد

بالنسبة للفوانيس صب لهم وشين هايكلفوا مع بعض 300 جنيه بدل ما تشتري فوانيس جديدة
و قربة المساحات و حاجتها هاتهم استيراد

وش الفوانيس زى ما بيقولوا مسرطن يعنى مش مسألت نظافه بالاضافه الى ان موتور بتاع رفع الكشافات مش شغال

المشاركة الأصلية كتبت بواسطة super_star_h

العفشه اعملها عند عفشجى
والابواب هتعملها عند بتاع ابواب
ورش العربيه هتعمله عند بتاع دوكو
وكذلك السمكره
باقى الحاجات هتعملها عند اي مركز رينو كويس وعندكم فى القاهره فيه ناس كويسه
وربنا معاك

شكرا على المشاركه لكن السؤال ابداء بايه
يعنى العفشه الاول ولا الميكانيكا
ارش الاول ولا اركب الكشافات
وايه احسن الانواع والاماكن الى اجيب منها

المشاركة الأصلية كتبت بواسطة أسامه الحسيني

شكرا على المشاركه لكن السؤال ابداء بايه
يعنى العفشه الاول ولا الميكانيكا
ارش الاول ولا اركب الكشافات
وايه احسن الانواع والاماكن الى اجيب منها

ابدأ بالعفشة وبعد كده حوار التسريب بتاع الموتور والفتيس.. لو في أي جوانات بتسرب اعملها في فرنش موتورز أرخص من التوكيل شوية، بس اعمل حسابك العربية أكيد هتبات عندهم.. كذلك الحاجات اللي صعب تلاقيها برا هاتها من هناك بالمرة.
بعد كده الرش ثم الكشافات.
المساعدين هاتهم يا إما kyb زي الأصلي أو مونرو..وخلي العفشجي يشوفلك لو فيه أي حاجة تانية بايظة في العفشة يغيرها (مقصات - طنابير- ذراعات اسكترا، إلخ)
بالنسبة للأماكن صقر قريش والحرفيين هتلاقي فيها كل حاجة وبأسعار كويسة.