الموضوع: اخيرا استلمت القاشقاي 2015

المشاركة الأصلية كتبت بواسطة marwanragab

وانا بحجز الوصل فيه ان السعر يحدد عند الاستلام ودة في اي حجز لأي عربية والناس في اوتو ايجيبت طمنوني جدا ان مفيش زيادة خصوصا في اول دفعات لأن اصلا دي دعاية طبيعية ليهم ان الهربية تكون في الشارع هوا مش هيغلي في السعر الا لما تبتدي تنتشر وسعرها كدة كدة هيزيد لأن الامكانيات والأوبشنز كتيير فا هتنتشر انشاءالله وانت صلي استخارة الاول وشوف الدنيا هتمشي معاك ازاي وإن شاء الله ربنا هيوفقك للي فيه الخير سواء قاشقاي او سبورتاج بس استخير عشان متحسش انك اتسرعت في حاجة

فعلاً و الله يا مروان أهم حاجه الأستخاره يعنى انا عن نفسى صليت مرتين إستخاره حتى قبل ما أروح أشوفها تخيل عشان طبعاً يحصل إلى ربنا شايفه خير أو صالح يعمله و كمان عشان الفلوس اليومين دول زى ما انت عارف و كلنا عارفين الداخل مولود و الخارج مفقود :) :)

بس من حق أنا مثلاً لو حجزت الفئه الوسط الى ب 215 ألف إزاى بقى يقولى دى سعرها و فى نفس الوقت سعرها هيتحدد يوم الإستلام مش فاهم ؟

و عايز رقم حد كويس يقدر يفيدنى بمعلومات عن الحجز لأن طبعاً أنا فى دمياط فعايز حد يكون عندنا هنا أحسن ......... كمان إيه رأيك فى وجهة نظرى الخاصه بال 20 ألف زياده للأسبورت هل فعلاً الأسبورت تستاهل ال 235 و لا أفكر أكتر فى الهاى لاين ؟؟؟

المشاركة الأصلية كتبت بواسطة shady.shaheed

رأي المتواضع بعد 600 كيلو ان السحب حلو جدا و من غير قرص ولا حرق علي عكس الجوك لازم تحرق جامد علشان العربيه تسحب معاك و اعتقد بعد تليين الموتور و تغير الزيت الوضع هيختلف بس احب اقولك ان حطيت علي كام حته الماني كده و احنا بنلين :)

معلش يا شادى باشا صاحبك دمياطى و ميعرفش اللغه المصرااااوى هههههههههههه
يعنى إيه حطيت طمنى ؟؟؟؟

المشاركة الأصلية كتبت بواسطة shady.shaheed

بص يا باشا مش هقدر اقولك ايه اللي هيحصل قدام بس حتي الان فعلا العربيه ممتازه و اداء 100% مع بنزين 92 و بتجري و تسحب و تشد . ممكن الموضوع يمشي كده تمام و ممكن لقدر الله الموتور بعد فتره يتأثر من ال 92 بس من الاداء الحالي معتقدش ان ده هيحصل ان شاء الله
نيسان بتعدل الموتور ليتناسب مع ظروف الدوله المصدر اليها السياره
ان شخصيا مقتنع 100% حتي الان
ربنا يوفقك في قرارك :)

أيوه كدا يا عم شادى الله يباركلك و يطمنك ههههههههههههه

المشاركة الأصلية كتبت بواسطة shady.shaheed

دي صور يوم الاستلام مكنتش صوريها من الداخل . هصورها و ارفعها قريب ان شاء الله

بسم الله ما شاء الله و لا حول و لا قوة إلا بالله
ألف ألف مبروك عليك العربية يا شادى بجد عربية جميلة و محترمة ربنا يحميهالك و يخليهالك اَمين يا رب :) :)

المشاركة الأصلية كتبت بواسطة elshrpeny

فعلاً و الله يا مروان أهم حاجه الأستخاره يعنى انا عن نفسى صليت مرتين إستخاره حتى قبل ما أروح أشوفها تخيل عشان طبعاً يحصل إلى ربنا شايفه خير أو صالح يعمله و كمان عشان الفلوس اليومين دول زى ما انت عارف و كلنا عارفين الداخل مولود و الخارج مفقود :) :)

بس من حق أنا مثلاً لو حجزت الفئه الوسط الى ب 215 ألف إزاى بقى يقولى دى سعرها و فى نفس الوقت سعرها هيتحدد يوم الإستلام مش فاهم ؟

و عايز رقم حد كويس يقدر يفيدنى بمعلومات عن الحجز لأن طبعاً أنا فى دمياط فعايز حد يكون عندنا هنا أحسن ......... كمان إيه رأيك فى وجهة نظرى الخاصه بال 20 ألف زياده للأسبورت هل فعلاً الأسبورت تستاهل ال 235 و لا أفكر أكتر فى الهاى لاين ؟؟؟

حبيبي يا شربيييني
بص هوا دة في كل العربيات لما تييجي تحجز بيأمنوا نفسهم عشان مش هتستلم علي طول وكدة المشكلة ان دة اكيد في مصر هيكون في حالة ان العربية تزيد انما اكيد لما سعرها والجمارك هتنزل ولا الدموع ولا هيقولونا اي حاجة اصلا
انا هشوفلك موضوع الحجز دة وارد عليك عشان انا عرفت من واحد صاحبنا هنا في المنتدي ان المقدم لحجز العربية بقة 50000 في كل الاماكن فا عايز اتأكد واقولك ليهم وكيل عندك في دمياط ولا ايه

المشاركة الأصلية كتبت بواسطة elshrpeny

ليه بس كدا حرام عليك نفسك ترجع تجيلك نزلة برد و لا حاجه ههههههههههه
لاء جد يا معتز أنت بتحب حاجه تروح تحجز غيرها لييييييييييييييييييه ؟ معقول عشان موضوع ال 1200 التربو دا ؟؟؟

انا مجنووون ههههههههه
انا حجزتها قبل نزول القشفاي انا حجزت اول شهر ١١

المشاركة الأصلية كتبت بواسطة moataz.bahrawy

انخفاض اسعار الجمارك ١٠٪ علي السيارات الاوروبيه بداءا من يناير ٢٠١٥ الخبر علي اليوم السابع.
انخفاض أسعار السيارات 10% بدءًا من يناير المقبل مع تخفيض الجمارك اليوم السابع

يعني القشقاي و سبورتاج وهيونداي ix 35 هيرخصوا

معتقدش دول لو طالوا يزودوا هيزودا لما نشوف هيحصل ايه واهوا خير لينا كلنا انشاء الله لو السعر نزل

المشاركة الأصلية كتبت بواسطة sherif zayed

حبيبى يا مروان ربنا يديم المعروف بينا يارب وتستلم إن شاء الله على خير. ويارب دايما من أفضل لأفضل بإذن الله

حبيبييي يا ابو شربيني ياعسل هههههه ويارب تجيب القاشقاي الحمرا انشاء الله