اخيرا استلمت القاشقاي 2015

**marwanragab** · 12-12-2014 02:48 AM

المشاركة الأصلية كتبت بواسطة moataz.bahrawy

والهي يا مروان باشا كلامك زي الفل وتصدق ان الي مشجعني انتظر ان شكل السبورتج حاسس انه بقي قديم بس منتشره انشاء الله هروح يوم السبت قدم طلب سحب الدفعة الحجز وانتظر بس قلقان من ارتفاع الاسعار ، ولا ايه رءايك ،، افدني افادك الله

وانا بحجز الوصل فيه ان السعر يحدد عند الاستلام ودة في اي حجز لأي عربية والناس في اوتو ايجيبت طمنوني جدا ان مفيش زيادة خصوصا في اول دفعات لأن اصلا دي دعاية طبيعية ليهم ان الهربية تكون في الشارع هوا مش هيغلي في السعر الا لما تبتدي تنتشر وسعرها كدة كدة هيزيد لأن الامكانيات والأوبشنز كتيير فا هتنتشر انشاءالله وانت صلي استخارة الاول وشوف الدنيا هتمشي معاك ازاي وانشاء الله ربنا هيوفقك للي فيه الخير سواء قاشقاي او سبورتاج بس استخير عشان متحسش انك اتسرعت في حاجة

**shady.shaheed** · 12-12-2014 06:43 AM

المشاركة الأصلية كتبت بواسطة mohaismail

الف مبرووووك
ياريت نعرف اخبار العزل ايه بالتفصيل
يعنى صوت الموتور +صوت احتكاك الكاوتش بالطريق+صوت احتكاك الهواء بجسم العربية وطبعا كل ده وانت قافل الزجاج
واستهلاك البنزين عامل ايه
معلش ياريت إجابة شافية وافية لانى في مرحلة اتخاذ شراء عربية suv

العزل ان تقيمي ليه 95 % ممتااااز في كل الحالات بجد تقفيل العربيه ممتاز داخلي و خارجي
استهلاك البنزين :
انا فولت 60 لتر بنزين 92 مشيت حوالي 500 كيلو ب 3/4 التانك بالضبط منهم زاحمه و وقفه و منهم جري بس طبعا من غير قرص و حرق علشان التيليين

**shady.shaheed** · 12-12-2014 06:51 AM

المشاركة الأصلية كتبت بواسطة moataz.bahrawy

يجماعه سحبها اخباروا ايه بجد عشان لو فعلا سحبها حلو هسحب فلوسي من كيا و هجبها بس قولولي بسره وياريت تصورهلنا و انت ماشي بها ارجوك ، انقذني من الضياع

رأي المتواضع بعد 600 كيلو ان السحب حلو جدا و من غير قرص ولا حرق علي عكس الجوك لازم تحرق جامد علشان العربيه تسحب معاك و اعتقد بعد تليين الموتور و تغير الزيت الوضع هيختلف بس احب اقولك ان حطيت علي كام حته الماني كده و احنا بنلين :)

**shady.shaheed** · 12-12-2014 06:55 AM

المشاركة الأصلية كتبت بواسطة moataz.bahrawy

بص انا عوز عربيه تصني وخاصه اني راكب تويوتا ياريس و مش عاوز حاجه تندمني وخاصه ان الفلوس جايه بالعفيه وصراحة القشقاي عجباني قوي من زمان بس موضوع ١٢٠٠ تربو ده جنني وخاصة بعد موضوع البنزين ده فرحت حجزت سبورتاج و دلوقتي مش عارف اعمل ايه بفكر ارمي نفسي في النيل بس الجو برد ومشعارف اعمل ايه

بص يا باشا مش هقدر اقولك ايه اللي هيحصل قدام بس حتي الان فعلا العربيه ممتازه و اداء 100% مع بنزين 92 و بتجري و تسحب و تشد . ممكن الموضوع يمشي كده تمام و ممكن لقدر الله الموتور بعد فتره يتأثر من ال 92 بس من الاداء الحالي معتقدش ان ده هيحصل ان شاء الله
نيسان بتعدل الموتور ليتناسب مع ظروف الدوله المصدر اليها السياره
ان شخصيا مقتنع 100% حتي الان
ربنا يوفقك في قرارك :)

**shady.shaheed** · 12-12-2014 07:01 AM

المشاركة الأصلية كتبت بواسطة marwanragab

ياشادى عايزين الصور عايزين نشوف اللون الأزرق اللى نازل شكلة ايه هنا
انا حجزت أبيض بس كان عاجبنى الأزرق أكتر وقلت أكيد مش هينزل مصر هنا زى برة
وهل سمير ريان كام عندو ألوان تانية عشان لو كدة أروح اشوفها؟

دي صور يوم الاستلام مكنتش صوريها من الداخل . هصورها و ارفعها قريب ان شاء الله

**shady.shaheed** · 12-12-2014 07:03 AM

المشاركة الأصلية كتبت بواسطة moataz.bahrawy

يجماعه سحبها اخباروا ايه بجد عشان لو فعلا سحبها حلو هسحب فلوسي من كيا و هجبها بس قولولي بسره وياريت تصورهلنا و انت ماشي بها ارجوك ، انقذني من الضياع

السحب ممتاز :) قريب هصورلك فيديو

**marwanragab** · 12-12-2014 10:10 AM

المشاركة الأصلية كتبت بواسطة shady.shaheed

دي صور يوم الاستلام مكنتش صوريها من الداخل . هصورها و ارفعها قريب ان شاء الله

ماشاءالله لا قوة الا بالله ربنا يحميهالك ويباركلك فيها لون تحفة والله مبروك عليك ياباشا

**moataz.bahrawy** · 12-12-2014 10:23 AM

المشاركة الأصلية كتبت بواسطة shady.shaheed

السحب ممتاز :) قريب هصورلك فيديو

بجد شكرا و ربنا يجزيك خير فينا و ما سوف تقوم به لنا والله بذلك سوف تريح قلوب الكثرين و الف مبروك وربنا يكفيك شرها ويستر طريقك انشاء ويحميك من عيون الناس قول امين

**moataz.bahrawy** · 12-12-2014 02:16 PM

استاذ شادي انا عندي ليك فكر مشروع جامد جدا انت تعمل تست درايف للناس الي عوزه ب ٥٠٠ جنيه لل 15 دقيقة و اوعدك هتجيب تمنها في يومين و انا اول المشتركين بس تعملي خصم ههههه عشان انا صاحب الفكره

**marwanragab** · 12-12-2014 02:42 PM

المشاركة الأصلية كتبت بواسطة moataz.bahrawy

استاذ شادي انا عندي ليك فكر مشروع جامد جدا انت تعمل تست درايف للناس الي عوزه ب ٥٠٠ جنيه لل 15 دقيقة و اوعدك هتجيب تمنها في يومين و انا اول المشتركين بس تعملي خصم ههههه عشان انا صاحب الفكره

ههههههههههه حلوة الفكرة