اخيرا الحل لثبااااات الهوندا سيتى

**washable** · 01-11-2008 02:32 PM

سلام عليكم
ازيكم يا هونداوية .. اخيرا و بعد عذاب توصلت للتركيبة السحرية اللى تخلى عربيتك الهوندا سيتى زى الفل و تقفل بيها العداد و هى ثابته على الارض ولا يهزها اى حاجه.

الفكرة كلها ان على باب بتاع السواق مكتوب انك تنفخ الكاوتش الاودام على 32 و اللى ورا على 30 , وزى ما انتوا عارفين الفتى المصرى حتى فى التوكيل كانوا بينفخوا الكاوتش عكس اللى انا بقوله و بالتالى العربية اصلا عالية من ورا فلما تعمل كده العربية تبقى كانها هطير من على الارض.

لكن لو جربتوا اللى مكتوب على باب السواق بالظبط هاتلقوها زى الفل انا عن نفسى عربيتى 1300 Cc و مانوال و كاوتش14 جبت بيها 170-180 على Rpm 5 و العربية والله كانت فى قمة الثبات .

على العموم انا هكون سعيد لو انتوا كمان جربتوا الوصفة و ادعولى.
يا رب اكون مفيد و يقينا كلنا شر الحوادث و المكروباصات:).
و ارجو التثبيت إن اثبت الكفاءة و التقييم يا شباب.

**Qamar** · 01-11-2008 02:42 PM

بسم الله ما شاء الله. ربنا يبارك. بس بلاش السرعات دى. "مصر عايزاك يا رأفت.....يا washable"

**washable** · 01-11-2008 02:47 PM

اسمى احمد يا قمر :) و الله انا جبت السرعة ده من اجل التجربة ..
و لا حياء فى العلم و التجارب :)
و اشكرك على ردك .

**hosam_m3** · 02-11-2008 12:21 AM

احمد انا معايا نفس عربيتك بالظبط و جبت بيها 180 بس الفكره 180 وانتا ماشى طوالى عادى هاتحس بالثبات و مفيش اعى مشكله لكن مشكله الثبات بتظهر على الملفات بعد 120-130 فا يترى اتا بتتكلم على انهى نوع من الثبات و عامه انا هاجرب كلامك و اشوف و ريت تبقى فعلا ده حل المشكله-بس هوا مكتوب فين على باب السواق

**kimoboy** · 02-11-2008 02:17 AM

My car is stable because of those

**kimoboy** · 02-11-2008 02:22 AM

I also used to have lower springs

They are for sell for 500

**Qamar** · 02-11-2008 03:38 PM

المشاركة الأصلية كتبت بواسطة washable

اسمى احمد يا قمر :) و الله انا جبت السرعة ده من اجل التجربة ..
و لا حياء فى العلم و التجارب :)
و اشكرك على ردك .

اوعى تكون زعلت!!!!:k10:
انا أقصد زى رأفت الهجان.
و أنا اسمى اسلام قمر

**washable** · 03-11-2008 06:54 AM

حسام بك :)
فكرة الملفات لغاية النهاردة انا مش عارف اى حل ليها ده يا راجل لو فى عين قطه فى الارض بلاقى العربية حدفت و تحس انها اتزحلقت .
بس انا كلامى كان على المشى الطوالى و خاصة لو فى هوا جامد بيخبط جنب العربية .

هتلاقى لما تفتح الباب بتاع السواق على الشاسيه جنب الكورسى بالضبط قطعة حديد مكتوب عليها الضغط المطلوب للكاوتش. و العربية مرسومة و متوضح عليها .

و بعددين خلينى اقولك ان معظم العربيات العادية مينفعش تاخذ ملف على 120 اولا ده هيدمر الكابالن ثانيا ان السيتى شكلها ميساعدهاش اوى فى الملفات زى ما قولتلك عشان عاليه فبتكون خفيفة و عرضه لانها تتقلب.

كيمو بوى انا مش فاهم ده مساعدين و لا ايه يا ريت تشرح اكتر.

اسلام قمر رافت الهجان لو كان عارف الموضوع ده اكييد مكنش هيشترى السيتى :)

**mich_e_l2000** · 03-11-2008 01:51 PM

انا برضة هاجرب ...واقولكم
بس فى مشكلة عندى انا لما بزود السرعة عن 120 ألاقى الانذار من العداد بتاع السرعة شغال ومابيرحمنش لغاية اما انزل السرعة تانى عن ال 120
حد يعرف ازاى الغى الخاصية دى ؟؟؟ مع العلم انا عندى سيتى 1500 واتوماتيك

**hosam_m3** · 03-11-2008 02:02 PM

شكرا على اهتمامك يا احمد باشا يبقى زى مانا كنت فاكر انك قصدك على المشى الطوالى و ممكن تاخد ملف على 120 كم مفيش مشكله بس الفكره فى درجه انحناء الملف ده هو اللى بيحدد تاخده ولا لأ يعنى مثلا انا كان معايا رينو كليو 2003 سيدان و العربيه ده ثباتها خرافى و فى الملفات و على السرعه العاليه بتحس ان العربيه بتكلبش فى الارض اكتر على عكس السيتى اللى معايا انا شغلى فى وسط البلد و باخد نفق الازهر كل يوم لو تعرف اخر منحى و انتا جاى من اتجاه وسط البلد الملف ده انا جربته مره بالكليو على سرعه 100 كم (الملف ده مش عادى درجه انحناء عاليه جدا) و كنت بحس ان كل ما الملف يزيد العربيه تكلبش فى الارض اكتر على عكس السيتى جربته مره على 80 كم و كنت حاسس انى قلقان جدا و هديت السرعه بس فا هو ده قصدى

الموضوع: اخيرا الحل لثبااااات الهوندا سيتى

LinkBack

أدوات الموضوع

عرض

-

-

-

-

المواضيع المتشابهه

محرك الهوندا سيتى !!!

صور عربيتى الهوندا سيتى

سؤال عن الهوندا سيتى ؟

سؤال مهم عن الهوندا سيتى

مواصفات الهوندا سيتى

الكلمات الدلالية لهذا الموضوع

المفضلات

المفضلات

ضوابط المشاركة