خبراء اللانوس ممكن تفهمونى

**عصير قصب** · 10-12-2014 11:18 AM

المشاركة الأصلية كتبت بواسطة swimmer25

نزلي الكتالوج من هنا ولازم تقريه كله من أوله لأخره عشان تتعرفي على مكونات عربيتك ولو فيه حاجة مش فاهماها الشباب موجودين يسدوا بس الكتالوج ده لازم كبداية
http://www.nilemotors.net/nile/14145...c-edition.html

صح كده
مش تقولوا من الاول المنتدى كله ضحك عليا
معلش بقى الجهل
شكرا يا بشمهندس

**عصير قصب** · 10-12-2014 11:27 AM

المشاركة الأصلية كتبت بواسطة swimmer25

دي مش قرب ومش بتتفك..دي إسمها بطاحات وتحتها بيكون راكب المساعدين والسوست
معندكيش كتالوج اللانوس في العربية؟

طب اومال ليها غطا ليه هى وصاحبتها
افتكرتها بتتفتح وتحط لها زيت

طيب قربة التبريد بنحط لها مايه من الحنفيه عاديه ولا مياه معدنيه قريت على جوجل قالوا مياه مقطره
صح ولا ايه
وحد تانى قال بنحط لها مياه خضرا او حمرا
ايه الكلام ده

**عصير قصب** · 10-12-2014 11:40 AM

المشاركة الأصلية كتبت بواسطة mecha

موتورها زي اللسعة ,هي كانت بتتمشي في البوش -الغابة-
العلبتين البلاستيك البيض من اليمين قربة سائل التبريد ثم خزنة زيت الفرامل وكلا بغطاه للتزويد
العلبه السودا الكبيره ع الشمال جواها فلتر الهوا
الشئ الفضي لاقصي امام المتور دا فرن الشوكمان متنفخش فيه ههههه
داخل فيه 4 سلوك سود تخان واصلين بالبوجيهات اللي بتضرب شرار
علي يمينه لتحت سيخ بعروة دا مقاس زيت المتور
عكسه من المتور فضي منفولد الهوا
في اقصي مقدمة العربيه وداخله خرطوم اسود دا ردياتير تبريدالمتور وعليه مروحة التبريد
اعلي المتور غطا اسود مكتوب عليه e-tec دا غطا التاكيهات يمينه صره قطر 2 بوصه تقريبا مرسوم فيها مزيته دا غطا ملو زيت المكنة
البوكس الاسود شمال جنب الصدر علبة فيوزات وزيها ف الدواسه
قصاده م اليمين متور تشغيل المساحات

جميل
بس ايه غطا التاكيهات ده
مش ده الموتور والغطا بتاعه بيسموه وش السلندر
وجواه عمود الكامه والصمامات
ايه التاكيهات دى جت منين لحسن هتجنن

ومش لاقيه قربة زيت الموتور

وفين تانك البنزين

وبس

**shiko85** · 10-12-2014 12:37 PM

المشاركة الأصلية كتبت بواسطة عصير قصب

فين تانك البنزين

**shiko85** · 10-12-2014 01:31 PM

المشاركة الأصلية كتبت بواسطة عصير قصب

طيب قربة التبريد بنحط لها مايه من الحنفيه عاديه ولا مياه معدنيه
صح ولا ايه
مياه من الحنفيه لا طبعا
قريت على جوجل قالوا مياه مقطره وحد تانى قال بنحط لها مياه خضرا او حمرا
ايه الكلام ده
على حسب نوع العربيه
مكتوب فالكتاوج نوع المياه
مش لاقيه قربة زيت الموتور
مفيش قربه زيت موتور - فيه غطاء الزيت بيتزود منه (رقم 9)

وفين تانك البنزين
تانك البنزين تحت الشنطه مش ظاهر لكن فيه فتحه التانك بيتزود منها بنزين (الجزء المربع فالصوره) الدراع او الشداد بتاع فتح التانك جنب اليد بتاعت الشنطه شمال كرسى السائق

**Mecha** · 10-12-2014 04:07 PM

دا وش السلندر تقريبي, دوماغ المكنه, الغطا اللي بييجي عليه اسمو غطا التاكيهات
العصافير الفضي التمانيه شغلتهم يتمرجحوا مم عمود الكامة ويفتحوا ويقفلوا الصمامات ,كفايه كدا بالنسبه لمبتدآ عن الهد

**عصير قصب** · 10-12-2014 04:13 PM

المشاركة الأصلية كتبت بواسطة shiko85

هههههههههههههه
الله يسامحكم بتضحكوا عليا
يعنى كان المفروض ابقى صبى ميكانيكى ولا ايه

**عصير قصب** · 10-12-2014 04:19 PM

المشاركة الأصلية كتبت بواسطة mecha

دا وش السلندر تقريبي, دوماغ المكنه, الغطا اللي بييجي عليه اسمو غطا التاكيهات
العصافير الفضي التمانيه شغلتهم يتمرجحوا مم عمود الكامة ويفتحوا ويقفلوا الصمامات ,كفايه كدا بالنسبه لمبتدآ عن الهد

شكرا فهمت
يعنى وش السلندر
هو رأس المحرك
هو غطاء التاكيهات
والتاكيهات دى ايلى هى السلندرات او الاسطوانات زى بيسموها
صح كده ولا ايه

**Elgazar 7007** · 11-12-2014 08:35 PM

المشاركة الأصلية كتبت بواسطة عصير قصب

شكرا جزيلا للمساعده
دى لانوس؟

ايوه حضرتك لانوس امال ايه

**makarther** · 12-12-2014 05:32 AM

بالنسبة للردياتير الأفضل تروحى بنزينة تغسلى الردياتير و تحطى مياه زرقا لإن المياه الزرقا فيها خواص بتحافظ على الردياتير من تأثيرات مية الحنفية بتمنع الصدأ و بتقلل درجة الحرارة .
بالنسبة لزيت الموتور و خزانه فيه شداد بتشديه بتعرفى إذا كان ناقص و ألا كويس المهم إنك تعرفى من اللى إشتريتى منه العربية كان نوعه إيه و غيره إمتى "كيلومترات" و أفضل زيت للعربية بأستخدمه لكل عربية جبتها من سنة 86 شل ألترا اللى بيتغيؤ كل عشرتلاف كيلو و البطارية لو جافة تتأكدى من حالتها و لو سائلة شوفى شحنها إيه أخباره علشان إحنا داخلين على أيام برد و البطارية لازم تكون شديدة علشان تشتغل ربنا يبعد عنك الزق و البوجيهات شوفى المالك السابق غيرها إمتى شوفى لازم تعرفى هو عمل صيانة العربية غمتى و مغير إيه فيها
و ربنا معاكى و فو محتاجة اى حاجة كلنا موجودين
بس المهم خدى بالك من موضوع الصيانة للمالك السابق للسيارة