الموضوع: خبراء اللانوس ممكن تفهمونى

المشاركة الأصلية كتبت بواسطة makarther

بالنسبة للردياتير الأفضل تروحى بنزينة تغسلى الردياتير و تحطى مياه زرقا لإن المياه الزرقا فيها خواص بتحافظ على الردياتير من تأثيرات مية الحنفية بتمنع الصدأ و بتقلل درجة الحرارة .
بالنسبة لزيت الموتور و خزانه فيه شداد بتشديه بتعرفى إذا كان ناقص و ألا كويس المهم إنك تعرفى من اللى إشتريتى منه العربية كان نوعه إيه و غيره إمتى "كيلومترات" و أفضل زيت للعربية بأستخدمه لكل عربية جبتها من سنة 86 شل ألترا اللى بيتغيؤ كل عشرتلاف كيلو و البطارية لو جافة تتأكدى من حالتها و لو سائلة شوفى شحنها إيه أخباره علشان إحنا داخلين على أيام برد و البطارية لازم تكون شديدة علشان تشتغل ربنا يبعد عنك الزق و البوجيهات شوفى المالك السابق غيرها إمتى شوفى لازم تعرفى هو عمل صيانة العربية غمتى و مغير إيه فيها
و ربنا معاكى و فو محتاجة اى حاجة كلنا موجودين
بس المهم خدى بالك من موضوع الصيانة للمالك السابق للسيارة

شكرا جزيلا لردك
البطاريه بيقول لسه مغيرها وهى جافه
والكاوتش لسه مغيره مش عارفه هحتاج اعمل ترصيص ولا ايه
هو بس قال الشكمان عاوز يتغير
وطبعا هغير الفلاتر والسوير والبوجيهات ان شاء الله
الحاجات دى اجبها جديده منين
انا سألت قالوا فى التوفيقيه عند محل اسمه البنا

الحاجات دى جديده طبعا مفيش منها استيراد؟؟؟؟؟؟؟؟؟؟
وسعر الشكمان الجديد كام ونوعه ايه

المشاركة الأصلية كتبت بواسطة عصير قصب

اغير البوجيهات واسلاك البوجيهات كمان ولا البوجيهات وحدها

البوجيهات بتتغير دوريا أما كابلات البوجيهات بتتغير عند الحاجة عندما يكون سلك فاصل أو مكسور أو لو بغير سيستم جرى يبقى بغير سلك وبوجيهات رياضي وفلتر رياضي
عموما الكابلات لا تتغير إلا عند الضرورة