الموضوع: باحث مصرى يخترع

المشاركة الأصلية كتبت بواسطة بحار

مش عارف ايه اللى مزعل حضرتك فى الموضوع ده ؟؟؟؟؟؟؟؟؟؟؟؟؟؟؟؟؟
الراجل ده لو صح كلامه ونجحت اختبارات الاختراع بتاعه ده اسمه اعجاز .. لو واحد زى ده برة يضربوله تعظيم سلام
على محاولته فقط .. وتسخر له الامكانيات الكبيرة والفريق المساعد .. انما عندنا المخترع ( زى اليتيم ياولداه ) نسخر منه
ونشتغله ونقول عليه ( عبعاطى )
حضرتك تعرف مستوى مراكز الابحاث عندنا ايه ؟ طب شوفتها ؟ أنا بقى شوفتها
بيروقراطيه وناس كارهه نفسها وامكانيات محدوده . . . مايطلعش منها اختراع (ولاعه )
كل اللى حضرتك بتشوفه مجهود ذاتى وموهبه من المولى ..
ادعى ربنا حد يخترع حاجه تنمى انتمائنا وتخلينا نحب بلدنا اكتر من كده .. تحياتى


باحث مصرى يخترع قماشًا ضد البلل وقاتلا للفيروسات ويقى من الإيبولا اليوم السابع


https://www.youtube.com/watch?v=ueqxjxdrrs4#t=226

على الرغم من عدم اقتناعي بموضوع ضد البلل وحاسس إن الموضوع مش جديد ولا اختراع ولا حاجة
لكن حتة قاتل للفيروسات وواقي من الإيبولا دي واسعة أوي وهو مقالش كده أصلا في الفيديو !
هو قال إن القماش ده ممكن يصنع منه واقي من اللي بيتحط على الأنف للوقابة من الفيروسات والأوبئة ومعتقدش إن ده اختراع يعني !
الأوقية ضد الفيروسات موجودة ومرطرطة بس اليوم الساقع عايز يعمل شوية أكشن مش أكتر
وزي ما سمعنا عن جهاز الكفتة اللي بيعالج من الإيدز وطلع في الآخر فنكوش هنلاقي كل الكلام ده في الآخر فنكوش برده
محدش طبعا يكره إننا نكون مبتكرين ومخترعين بس بصراحة الواحد من كتر ما سمع عن اختراعات وطلعت كلها فنكوش في الآخر فمبقاش يصدق حاجة إلا لما يشوفها قدام عنيه مصنوعة بالفعل ومعتمدة دوليا ومتجربة على أرض الواقع لكن الكلام احنا أساسا بلد لا تحسن إلا الكلام !

المشاركة الأصلية كتبت بواسطة بحار

اخى .. ابو اسر
انا مش بدافع عن الاختراع .. فيه ناس مهمتها تقولنا ده اختراع واللا لاء
انا بدافع عن الفكرة .. فكرة ان انسان يقول انا اخترعت حاجه .. رد فعلنا المفروض يكون ايه ..
وصدقنى موضوع عبد العاطى الغلط فيه ان الفروض اللى يعلن عن الاختراع المؤسسه اللى تتبنى العالم
وتصرف على المشروع وتتسأل قدام الاعلام عنه .. مش المفروض المخترع هوه اللى يواجه الاعلام
طب ماهو من الطبيعى العالم تاخده الجلاله ويضخم من مجهوده ومن اختراعه ..

منا بقولك المشكلة إن في أزمة ثقة حاليا فيما يتم تقديمه على إنه اختراع وابتكار فأصبح الوضع دلوقتي كل واحد بيدعي إنه مخترع ينظر إليه أولا بعين الريبة والشك إلى أن يثبت العكس
أما جهاز الكفتة فالمشكلة الكبيرة إنه بالفعل تم تقديمه على إنه اختراع للمؤسسة العسكرية لأن عبد العاطي الكفتجي أساسا مش لواء وليس له علاقة بالجيش ولكن الجيش أعطاه رتبة شرفية تمهيدا إنه يقدم اختراعه باسم الجيش وطبعا لازم هو اللي يواجه الإعلام لأنه صاحب الاختراع مش هيجيبوا أحمد علي مثلا هو اللي يقدمه !
فإيه اللي حصل ؟!
إن عبد العاطي اشتغل المؤسسة العسكرية واشتغل المصريين جميعا وحطنا جميعا أمام أزمة عالمية وسخرية دولية ، فبالتالي ونتيجة لذلك لازم أي حد يقدم اختراع إنه يقابل بالسخرية والهجوم لأن المؤسسة العسكرية لما تقدملنا فنكوش يبقى المفروض الأفراد العاديين يعملوا إيه ؟!