استفسار بخصوص شراء كيا بيكانتو 2012

**-eaAhmed** · 09-12-2014 08:05 AM

السلام عليكم
محتاج خبرة اعضاء المنتدي في تسعير و تقييم كيا بيكانتو موديل 2012 -1200 سي سي
قطعت مسافة 94 الف كيلو
صوت العربية بيعلي علي الهاي واي بعد 90 كم / ساعة
المالك لم يغير بها حاجة من الضمان تعامله كان خارج التوكيل
بها خبطتين واحدة بالاكصدام الخلفي و التانية بالاكصدام الامامي
بها حوالي 5 خرابيش بس مش عميقة
الاطارات لم يغيرها المالك
انا خبرتي في العربيات صفر برغم اني كنت متابع ليها بس بعد ما اسرتي اتقلبت بيهم العرببة من عشر سنين قررت مركبش اي عربية و كل ما اشوف سبب اشتري عربية ( طبعا مستعملة - علي قدي) افكر في الزحمة - في الترخيص -في الركنة او اي من المشاكل ى من دي - اقوم اشيل الموضوع من دماغي
اخيرا شايف اني محتاج بجد عربية الاولاد في الحضانة و شغلي بعيد شوية و التاكسي لازم تساله قبل ما تركب و و مبقاش الحساب بالعداد و الزحمة بتخلي المشوار ابو 30 جنيه بسبعين جنيه و حاجات تانية
فبجد لازم عربية و واحد اعرفه في الشغل عايز يبيع كيا بيكانتو 2012 بالحالة الي سردتها فوق و انا مش عارف اه تاني ممكن تكون العربية محتاجاه
فبرجاء الافادة و لكم جزيل الشكر

**A.Saad** · 09-12-2014 09:41 AM

حسب ما حضرتك قلت

المالك لم يغير بها حاجة من الضمان تعامله كان خارج التوكيل

لو ده معناه انه مكنش بيعمل صيانات دورية حتى لو بمعرفته
هى هتحتاج مصاريف
طقم كاوتش
مياة ردياتير
زيت فتيس
بوجيهات
طقم سيور
ممكن طقم دبرياج او لا حسب الحالة
ممكن تحتاج تغيير فى العفشة
فلتر هواء
فلتر بنزين

لو بيعملها برة بمعرفته
فتاكد انها معمولة كويس وقطع غيار مضمونة