الموضوع: مش عارف اعمل اي

السلام عليكم ورحمه الله وبركته
انا اول مره اسجل في المنتدي اي مشاركه
وبجد انا من الناس اللي اتعلمت هنا حاجات كتير اوي اهمها هو الاحترام المتبادل بين الاعضاء اللهم ديمها نعمه يا ارحم الرحمين
معلش انا ممكن اسئل سؤال بخصوص عربيتي
انا معايا ابيزا 94 1300 cc
العربيه جيت في مره فولت بنزين من بنزينه في المعادي وحسيت ان البنزين مش تمام
قعد في العربيه لمده شهر واكتر كمان باسبوع وده علي مشاويري والطبيعي بتاعي انا بفول كل تقريبا 3 اسابيع مشاوير مش كتير اوي بحط بنزين 92

المهم بعدها لما عده الفتره ديه وجيت افول تاني لقيت العربيه كذا مره تقطع من وانا ماشي ومتراش تدور الا بعدها بفتره تقريبا من نص الي ساعه وتدور وتمشي عادي الموضوع بعد كده تطور ولاقيت العربيه تبطل مني بعد تقطيع كتير واجي ادور يطلع من الشكمان دخان اسود والعربيه مش بتدور تاني انا غيرت البوجيهات ومش عارف تاني هل سلك البوجيهات ولا طرمبه بنزين ولا فلتر ولا ايه
اسف للاطال
وشكرا مقدما لكم جميعا يا افضل جروب وناس محترمه بجد