لاأصحاب الخبرات ...ماهى وظيفة المساعدين ؟؟

**shiko85** · 10-12-2014 12:16 PM

المشاركة الأصلية كتبت بواسطة Fo1Fo

المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا

عايز اضيف نقطه
فبعض التطبيقات الـ suspension system بيكون عباره عن المساعد فقط بدون سوست لان السوست مش بتقدر تتحمل قوه الصدمه
فالبتالى المساعد بقوم بوظيفه السوست كمان و الزيت اللى داخل المساعد ده بيكون مختلف شويه فتركيبه عن باقى الزيوت

**Sherif Mandoor** · 10-12-2014 01:37 PM

ممتص الصدمات الهيدروليكى,شرح ممتص الصدمات الهيدروليكى,جزء من أجزاء السيارة ~ ميكانيكا وتكنولوجيا Cached

**عصير قصب** · 17-12-2014 06:42 PM

جزاكم الله خير والله
شرح ممتار
بس عندى سؤال بعد اذنكم
احنا متفقين ان المساعد الزيتى غير قابل للانضغاط فممتص للصدمات بفعل الزيت الموجود ويعمل على ثبات السيارة واتزانها
بينما المساعد الغاز او الهواء قابل للانضغاط فبالتالى هنحس بالملفات والانحناءات اثناء السرعه لان الهوا غير قابل للانضغاط
ليه كل الناس بقى بيحلموا بعفشه رياضيه
ايلى اعرفه ان عفشة رياضيه يعنى مساعدين غاز
يعنى مفيش ثبات للعربية على الاطلاق

سؤال تالت معلش
سمعت عن مساعد بيكون غاز وزيت مع بعض ايه فكرته وبيعمل ازاى عشان مش عارفه استوعبه خالص

**eng_amg** · 17-12-2014 07:21 PM

المشاركة الأصلية كتبت بواسطة عصير قصب

جزاكم الله خير والله
شرح ممتار
بس عندى سؤال بعد اذنكم
احنا متفقين ان المساعد الزيتى غير قابل للانضغاط فممتص للصدمات بفعل الزيت الموجود ويعمل على ثبات السيارة واتزانها
بينما المساعد الغاز او الهواء قابل للانضغاط فبالتالى هنحس بالملفات والانحناءات اثناء السرعه لان الهوا غير قابل للانضغاط
ليه كل الناس بقى بيحلموا بعفشه رياضيه
ايلى اعرفه ان عفشة رياضيه يعنى مساعدين غاز
يعنى مفيش ثبات للعربية على الاطلاق

سؤال تالت معلش
سمعت عن مساعد بيكون غاز وزيت مع بعض ايه فكرته وبيعمل ازاى عشان مش عارفه استوعبه خالص

موضوع مساعد غاز على زيت دا موضوع تقني جدا مقدرش افيدك فيه.
لكن موضوع العفشة الرياضية من الكلاسيكية تتلخص في التالي

العفشة الكلاسيكية مناسبة للمدن وهي باختصار مساعدين مشوارها في الانضغاط طويل وايضا طول المساعد أطول. وبالتالي مريح جدا ولا يشعر السائق بالمطبات بشكل ملحوظ. والمقصات ناعمة والكاوتش بها طرى

يعيبها فقط أن معدل الاهتزاز أعلى فبالتالي غير متزنة جدا على الطرق السريعة والانحرافات إلى بنسميها الغرز

أما العفشة الرياضية فهي مساعدين قصيرة وغير منضغطة كالكلاسيك وايضا المقصات ناشفة نسبيا.. فبالتالي بتكون خشنة وناشفة نسبيا والسائق بيحس بكل مطب.

لكن مقابل دا عمرها أطول بكثير واتزان العربية مهول على السرعات والانحرافات الحادة والغرز طبعا

**borio1704** · 31-12-2014 12:35 AM

المشاركة الأصلية كتبت بواسطة eng_amg

موضوع مساعد غاز على زيت دا موضوع تقني جدا مقدرش افيدك فيه.
لكن موضوع العفشة الرياضية من الكلاسيكية تتلخص في التالي

العفشة الكلاسيكية مناسبة للمدن وهي باختصار مساعدين مشوارها في الانضغاط طويل وايضا طول المساعد أطول. وبالتالي مريح جدا ولا يشعر السائق بالمطبات بشكل ملحوظ. والمقصات ناعمة والكاوتش بها طرى

يعيبها فقط أن معدل الاهتزاز أعلى فبالتالي غير متزنة جدا على الطرق السريعة والانحرافات إلى بنسميها الغرز

أما العفشة الرياضية فهي مساعدين قصيرة وغير منضغطة كالكلاسيك وايضا المقصات ناشفة نسبيا.. فبالتالي بتكون خشنة وناشفة نسبيا والسائق بيحس بكل مطب.

لكن مقابل دا عمرها أطول بكثير واتزان العربية مهول على السرعات والانحرافات الحادة والغرز طبعا

مش شرط المساعد الناشف يكون قصير والطري يكون طويل..

الفكرة كلها في سهولة سريان المائع من خلال الفتحات الداخلية في البستم

فقطر وعدد الفتحات كل ما كان أكبر كل ما كان المساعد طري..
وطبعا لزوجة الزيت أو المائع عموما بتفرق.

يمكن المساعد الرياضي بيكون أقصر علشان السوست الرياضية هي كمان بتبقى أقصر علشان توطي ارتفاع العربية .. وبالتالي مركز الثقل عموما بينزل .. وده بيدي ثبات احسن.

بس الكلام ده ما ينفعش في الراليات مثلا... بالعكس.. كتير بنشوف سيارات رالي عالية عن الأرض أكتر من المعتاد. . بس عفشتها بتبقى ناشفة جدا برضو.. وبالتالي المساعدين والسوست ممكن يكونوا أطول من الأصليين في العربية العادية.

كمان.. المقصات مالهاش دور في كون العفشة قاسية أو طرية..

إنما التغيير في المقصات بيبقى عن طريق استخدام مواد خفيفة علشان تسهل حركة العجل.. بمعنى إنها تقلل من "الكتلة غير المنبوضة".

ما تنساش كمان إن العفشة الرياضية بيبقى فيها استابايزر حجمه أكبر وأنشف بدون شك.. وده بيفرق بشكل أساسي في المنعطفات.

لو عايز تفاصيل أكتر.. تقدر تدخل على الموضوع ده

http://www.nilemotors.net/Nile/375709-a.html

...

**zillo** · 31-12-2014 09:50 AM

**عصير قصب** · 31-12-2014 08:09 PM

بردوووو انا مش فاهمه فكره عمل مساعد الزيت والغاز مع بعض
عشان
الحركة المتكررة للمساعد الزيت والهواء
مش كده هيتكون
فقافيع هوا فى الزيت مع الحركة و الفقاقيع دى بتقلل من كفاءة عمل المساعد
يبقى ازاى هو افضل من مساعد الغاز والزيت

ولا تقصدوا ايه ب مساعد غاز
الغاز ده ايه مش الهوا بردو ولا ايه