لاأصحاب الخبرات ...ماهى وظيفة المساعدين ؟؟

**ismail kassem** · 09-12-2014 08:56 PM

الناس اللى عندها خبرة !!!

ايه هيا وظيفة المساعدين؟؟؟وكيف يعملوا ؟؟

وسمعت ان المساعد بيضرب زيت !!الزيت بيجيلة منين ؟؟

ياريت تفيدونى وشكرا ؟؟

**محمود السيد** · 10-12-2014 08:33 AM

وظيفة المساعد ممتص للصدمات والزيت بيكون جوة المساعد لان فكرة المساعد عبارة عن فكرة كوريك التمساحة يعنى بيتكون من زيت +بستم +اسطوانة +اولسيه وفى مساعدين زيت وفيه زيت وهوا

**Sherif Mandoor** · 10-12-2014 08:52 AM

فائده المساعد هى امتصاص الصدمات والعمل على ثبات السياره
والمساعدين نوع يعمل بالزيت ونوع بالغاز
الزيت يكون داخل المساعد ويحكمه اولسيل لعدم خروج الزيت
الزيت فى المساعد يكون قابل للانضغاط مثل الهيدروليك

**eng_amg** · 10-12-2014 09:07 AM

المشاركة الأصلية كتبت بواسطة sherif mandoor

فائده المساعد هى امتصاص الصدمات والعمل على ثبات السياره
والمساعدين نوع يعمل بالزيت ونوع بالغاز
الزيت يكون داخل المساعد ويحكمه اولسيل لعدم خروج الزيت
الزيت فى المساعد يكون قابل للانضغاط مثل الهيدروليك

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

**Sherif Mandoor** · 10-12-2014 09:19 AM

المشاركة الأصلية كتبت بواسطة eng_amg

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

**eng_amg** · 10-12-2014 10:09 AM

المشاركة الأصلية كتبت بواسطة sherif mandoor

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

**Sherif Mandoor** · 10-12-2014 10:32 AM

المشاركة الأصلية كتبت بواسطة eng_amg

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

طب ايه تفسير ان المساعد يكون فيه زيت وممتص الصدمات اللى بداخله بيتحرك لاعلى واسفل

**Fo1Fo** · 10-12-2014 11:35 AM

http://nileup.com/up/uploads/nilemotors_14182036001.jpg المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا . الهيونداى الأكسيل 95 مساعدينها اللى ورا خفاف جدا (طبيعتها كدا) اللى قاعد ورا بيتهشك احلا تهشيك مع المطبات ) . العربيات اللى مساعدينها ضايعه لما تاخد مطب (لو انت ماشى وراها تبص على العجل تلاقيه بيتذبذب زى السوسته وطبعا ده بيعما احلا تخبيط فى العفشه . العربيات اللى مساعدينها ناشفه ثباتها افضل من المساعدين الطريه بس الناشف ممكن يجيب غضروف وقعدتها مش مريحه . فكره المساعد قائمه على انتقال مائع (زيت او هواء ) من فراغ الى أخر عن طريق ثقوب وبستم ) لما المساعد يضرب بيرشح زيت . علشان تختبر مساعد تعالى على الرفرف فوق العجله واضغط عده ضغطات متتاليه العربيه هاتطلع وتنزل معاك وفجأه سيب العربيه وشيل ايدك مفروض العربيه تقف فى النص لو العربيه أستمرت فى الصعود والهبوط يبقى المساعد بايظ .

**eng_amg** · 10-12-2014 11:47 AM

المشاركة الأصلية كتبت بواسطة Fo1Fo

http://nileup.com/up/uploads/nilemotors_14182036001.jpg

المساعد ما بيمتصش الصدمات بالرغم ان أسمه Shock absorber . اللى بيمتص الصدمه ويشيل وزن السياره هى السوست. المساعد الأسم الصحيح ليه ( مانع الأهتزاز او التذبذب او الأرتجاج) السوست بتاخد الصدمه وتحولها الى ذبذبه واللى يمنع العربيه من الذبذبه هو المساعد لو المساعد مش موجود اللى هايحصل ان العربيه ها تتأرجح راسيا . الهيونداى الأكسيل 95 مساعدينها اللى ورا خفاف جدا (طبيعتها كدا) اللى قاعد ورا بيتهشك احلا تهشيك مع المطبات ) . العربيات اللى مساعدينها ضايعه لما تاخد مطب (لو انت ماشى وراها تبص على العجل تلاقيه بيتذبذب زى السوسته وطبعا ده بيعما احلا تخبيط فى العفشه . العربيات اللى مساعدينها ناشفه ثباتها افضل من المساعدين الطريه بس الناشف ممكن يجيب غضروف وقعدتها مش مريحه . فكره المساعد قائمه على انتقال مائع (زيت او هواء ) من فراغ الى أخر عن طريق ثقوب وبستم ) لما المساعد يضرب بيرشح زيت . علشان تختبر مساعد تعالى على الرفرف فوق العجله واضغط عده ضغطات متتاليه العربيه هاتطلع وتنزل معاك وفجأه سيب العربيه وشيل ايدك مفروض العربيه تقف فى النص لو العربيه أستمرت فى الصعود والهبوط يبقى المساعد بايظ .

الله ينور عليك....
كلام 100% - وأحب أضيف......

الموضوع كله عن هندسة الموانع... سواء أكان زيت أو غاز (هواء مضغوط)

1- الزيت مائع ((غير قابل)) للأنضغاط
In-Compressible Fluid

2- الهواء مائع ((قابل)) للأنضغاط
Compressible Fluid

وكل مساعد ليه خواص .. فالمساعد الزيت أكثر أتزان للسيارة من الهواء
لأن الزيت سائل لا ينضغط والهواء غاز ينضغط

**shiko85** · 10-12-2014 12:04 PM

المشاركة الأصلية كتبت بواسطة Sherif Mandoor

الزيت فى المساعد يكون قابل للانضغاط مثل الهيدروليك

الزيوت لا تنضغط

المشاركة الأصلية كتبت بواسطة eng_amg

سؤال من فضلك.... يعني إيه الزيت داخل المساعد قابل للإنضغاط؟
إلي أعرفه إن الزيوت لا تنضغط مثلها مثل السوائل...

تمام

المشاركة الأصلية كتبت بواسطة Sherif Mandoor

قابل للانضغاط مثل زيت الباكم او الفرامل او زى الزيت الهيدروليك اللى بيرفع الاوناش

بالعكس لو هو قابل للأنضغاط يبقى بدون اى فائده
المساعد وظيفته امتصاص الصدمات و الثبات زى ما حضرتك قولت
اللى بيحصل ان العربيه نتيجه لتعرضها لحفره او مطب (حركه لأسفل و حركه لأعلى) وده بيأثر على العربيه و التأثير بينتقل للمساعد (هو الجزء الوحيد اللى مسموح له الحركه لأعلى و اسفل) بالتالى نظام التعليق كله بينضغط فحاله المطب و الضغط ده بينتقل للزيت داخل المساعد اللى هو غير قابل للأنضغاط فرد فعل الزيت هو مقاوله الأنضغاط بنفس القوه علشان كده المساعد بيرجع لشكله الطبيعى بمجرد ما التأثير الخارجى يختفى
لو كان الزيت قابل للأنضغاط يبقى المساعد مش هيرجع لشكله الطبيعى
مثال غير دقيق طبعا لكن لتوضيح الفرق بين قابل للأنضغاط و غير قابل للأنضغاط
قابل للأنضغاط زى اى عجينه او قطعه صلصال بمجرد الضغط عليها الأجزاء الداخليه بتنهار و تتمد و تاخد شكل جديد
غير قابل للأنضغاط زى قطعه الأسفنج بمجرد انتهاء تأثير الضغط بترجع تانى لشكلها الأصلى

المشاركة الأصلية كتبت بواسطة eng_amg

باشا زيوت الهيدروليك غير قابلة للإنضغاط.. وهذا سبب إستخدامها في الهيدرولك
عموما أي زيت وأي سائل غير قابل للإنضغاط... "حسب نيوتن"
:) :) :)

المشاركة الأصلية كتبت بواسطة Sherif Mandoor

طب ايه تفسير ان المساعد يكون فيه زيت وممتص الصدمات اللى بداخله بيتحرك لاعلى واسفل

لو مفيش زيت مش هيتحرك لأعلى و اسفل
ايه اللى بيحصل للمساعد اللى جاب زيت ؟؟؟ و ليه بيتغير ؟؟؟ و ايه علامه ان المساعد فيه مشكله ؟؟؟
اول ما الزيت اللى داخل المساعد يخرج منه كفاءه المساعد بتقل جدا و بيحتاج تغيير, صح ؟