اوبل فيكترا 94 لا تدور مع السخونه

**mrafie** · 11-12-2014 08:28 AM

بسم الله الرحمن الرحيم

ازي حضراتكم خبراء الاوبل .... شاكر مجهوداتكم في المساعدة، اتعلمت كتير خلال اسبوع

عندي مشكلة ان السيارة وهي بارده بتدور زي الفل لكن لما اكون في مشوار وابطلها واجي ادور كأن مفيش مارش خالص ولا حتى اي صوت والحل اني افتح الكبوت واشيل سلك البطارية واستني 10 دقائق و اوصل السلك تاني وادور تدور زي الفل.

اللي فهمته من حضراتكم في المشاركات السابقه ان ده عيب مارش وبالتحديد بيكون عيب الاتوماتيك بتاع المارش او البسكوته.

وممكن حل مؤقت انه يتم تركيب كتاوت مارش علشان مساعدة الاتوماتيك بتاع المارش وعيب الطريقه دي ان الكتاوت هتضرب كل شوية لان الامبير هيكون عالى وبالكتير الكتاوت دي هتستحمل شهر فقط والصحيح هو حل المشكلة.

دلوقتي في اوتوماتيك مارش جديد الماني ب 375 جنيه
او مارش كامل استيراد 2 كامه ب 250 جنيه
او مارش اوبل ب 350 جنيه
ايه هو الاقتراح الاسلم في القصه دي ؟

خالص تحياتي

**mrafie** · 13-12-2014 09:37 PM

الحمد لله غيرت المارش والعربية اشتغلت زي الفل.
المارش الجديد 2 كامه وركب عادي سعره 250 جنيه
و 50 جنيه مصنعية تركيب.

طبعا اول ما الكهربائي يسمع سيرة العربيه مش بتدور يجي في دماغه بطارية او موبينه واخر حاجه المارش لانه مكلف بس لو البطارية تمام ومفيش اي صوت طالع عند محاولة تدوير العربية وهي ساخنه يبقي انشاء الله مارش

**egyption2012** · 14-12-2014 01:45 AM

نفس المشكلة كانت عندي من فترة لكن مكنش ليها علاقة بفصل البطارية
والكهربائي بشكل مؤقت عمل سلك من المارش وطلب مني اوصله بالبطارية لو المشكلة حصلت
وبعد فترة المشكلة اصبحت مستمرة سواء العربية سخنة ولا
لحد ما غيرت اوتوماتيك المارش والحمد لله المشكلة اتحلت