الموضوع: مشكلة في حرارة النيسان

المشاركة الأصلية كتبت بواسطة dr_taher1985

انا جايب نيسان صني ٢٠١١ من ٤ ايام غيرت الميه بنفسي ومشيت لقيتها بتسخن عن المعدل الطبيعي ركنت لحد ما بردت ورحت للميكانيكي قالي الترموستات باظ وشاله واتظبطت بس بقي المؤشر بتاع الحرارة يوصل للمعدل الطبيعي في اقل من ٣ دقايق من غير الترموستات
هل دا طبيعي وخصوصا اننا في الشتا
كان عندي لانوس قبلها علي ما توصل للمعدل الطبيعي بالترموستات بتاخد ١٠ دقايق
معلش طولت عليكم
أرجو الافادة وشكرا

حضرتك بتقول انك غيرت الميه بنفسك وبعد كده ظهرت مشكله السخونه
غالبا ان دوره التبريد اخدت هوا وده اللي بيسبب السخونه اللي بتقول عليها
روح لميكانيكي كويس بخرج الهوا وان شاء الله هاتظبط معاك
ولاتنسي انك ترجع ثرموستات الكوعه لانه مهم جدا

شكرا يا جماعة
خلاص عرفت الهوا بيتفضي منين