حد يدينى تفسير منطقى للى المرور طالبه منى

**ainshouka** · 13-12-2014 03:26 PM

دلوقتى انا بنقل ملكية عربية وبرخص 3 سنين وهى كانت مرور العجوزة وبنقلها لمرور المنوفيه
فى مرور منوف فحصت واخدت البصمه وقالولى روح العجوزة وطابقلنا نتيجه الفحص باللى عندهم
انا مش فاهم ليه اعمل كده وانا اصلا جايبلهم شهاده بيانات
لما وريتلهم شهاده البيانات قالولى عاوزين برضه مطابقة البصمه
حد عنده فكرم عن المواضيع دى

**wsamir** · 13-12-2014 03:28 PM

روتين و غباء ليس الا

**man1974** · 13-12-2014 03:32 PM

متزعلش نفسك يا أستاذ، أنا برضوا حصل معاياه نفس الموضوع في مرور الاسماعيلية، قالو لي روح طابق البصمة بتاعت العربية في المرور اللي موجود فيه الملف (مرور النزهة)، وده إجراء متبع عشان يضمنوا البصمة الحالية للعربية هي هي الموجودة في ملف العربية بدون أي تغيير، لأن في عربية بتسسرق من محافظة وتترخص في محافظة تانية، على حد علمي، والله أعلم،

**M.Radwan** · 13-12-2014 03:39 PM

لازم يا باشا مطابقة البصمة..وبعد ما هتخلص مش هتاخد رخصة بالمدة كاملة، هيديك تصريح مؤقت لغاية ما الملف يوصلهم من المرور القديم.
منطق ايه، انت عايش في بلد اللامنطق :)

**ainshouka** · 13-12-2014 03:42 PM

طب ما انا جايبلهم شهاده البيانات من مرور العجوزه وفيها رقم الموتور والشاسيه
وفى مرور منوف خد البصمه ميطابقها باللى موجوده فى شهاده البيانات اللى هى صادرة من مرور العجوزه
ايه الفايده انى اسافر تانى واروح العجوزه عشان يقولولى ان موظف البصمه فمنوف واخد نفس اللى مكتوب فى شهاده البيانات

**M.Radwan** · 13-12-2014 03:48 PM

المشاركة الأصلية كتبت بواسطة ainshouka

طب ما انا جايبلهم شهاده البيانات من مرور العجوزه وفيها رقم الموتور والشاسيه
وفى مرور منوف خد البصمه ميطابقها باللى موجوده فى شهاده البيانات اللى هى صادرة من مرور العجوزه
ايه الفايده انى اسافر تانى واروح العجوزه عشان يقولولى ان موظف البصمه فمنوف واخد نفس اللى مكتوب فى شهاده البيانات

هي دي الإجراءات.. انا عملت الحكاية دي مرتين لما كرهت نفسي!

**gadoo30** · 13-12-2014 05:36 PM

هي دى الحقيقة المرة
هتروح مرور العجوزة ويطلعوا الملف وواحد يبص على البصمة الجديدة اللى معاك وبصمة العربية اللى في الملف بعدسة قال اية بيفهم
وبعدين يختم لك الورق
خد بالك من حاجة مهمة ممكن يرجعوك العجوزة تانى علشانها اسمها استعلام امنى ودة الانسة اللى على الشبك بتحط بيانات العربية على الكمبيوتر وتتاكد انها مش مسروقة وتمضى (قال اية البيانات مش موجودة على الكمبيوتر اللى في المرور الجديد)
وبعدين حاجة مهمة تخش للظابط يختم ويمضى
لو نسيت حاجة هيرجعوك تانى دى ناس معندهاش ضمير
المختصر
مطابقة بصمة + استعلام امنى + ختم الظابط والتوقيع
وربنا يعينك

**pioneerahmed** · 13-12-2014 06:21 PM

ممكن تظبتهم كويس و تخليهم يعملو استعلام امني و يمشوهالك
انا عملت كدة بس كان معايا صاحبي ظابط

**Ahmed Tarek 00** · 13-12-2014 06:30 PM

احنا ف بلد الروتييييييييييييييييييين القاتل

**NaderNabil** · 13-12-2014 06:36 PM

لازم يا باشا الاجراء ده

بيبقى مطابقة بصمة و استعلام امني علشان يتأكدوا انها مش عاملة اي مصيبة او مسروقة

بس تقريبا ده بدأ يتعمل بعد الثورة الكلام ده... انا اشتريت عربية في ٢٠٠٨ و ماحتجتش اطابق البصمة لو انا فاكر كويس

الموضوع: حد يدينى تفسير منطقى للى المرور طالبه منى

LinkBack

أدوات الموضوع

عرض

حد يدينى تفسير منطقى للى المرور طالبه منى - انشر الموضوع فى :

-

-

-

-

-

المواضيع المتشابهه

أكاديمية الشرطة طالبه متخصصين

السفاره طالبه حجز فندق وطيران قبل صدور التأشيره ...اتصرف ازاى

تى داتا ... عايز تفسير ... هاتولى تفسير :)

ميجان مو 2005 للبيع اريد رائيكم فى السعر اللى طالبه

الكلمات الدلالية لهذا الموضوع

المفضلات

المفضلات

ضوابط المشاركة