جيلى والثبات .... تقييم عن تجربه ...

**iEgyptian** · 13-12-2014 05:18 PM

انا انهارده الحمد لله الحمد لله اولا ستر ربنا فوق كل شئ ... انا كنت انهارده سايق على الطريق السريع ( الغردقه ) انا كنت ماشى على سرعه ١٣٠ ظهر فى الطريق حفر قلت اطبق المقوله ( كل المطب قبل ما ياكلك ) المهم بعد كدا ايه اللى حصل !! لحد دلوقتى انا مش عارف تفسير على اللى حصل ..الطريق رايح بس الحمد لله وصغير يشيل عربيتين ماشين فى اتجاه واحد ..المهم اللى حصل معايا كان ... حسيت الدريكسيون بقى خفيف ريشه روحت دايس فرامل لقيت العربيه بتلعب روحت مكمل فرامل على الاخر بس دى لولا ستر ربنا النهايه كان الطريق على يمينى جبل وعلى شمالى جبل روحت مسكت فى الدريكسون العربيه لفت ٥ مرات وستر ربنا ان مكنش فى عربيه جنبى ولا عربيات سريعه ورايا المهم بعد دا كله العربيه لفت ووشها فى وش العربيات المقابله وجايه بميل يعنى قاطعه الطريق بس الحمد لله الناس وقفت ... اللى حصل معايا دا فوق ..اللى حصل فى العربيه !! العربيه مش عايزه تدور وجابت لمبه تشبك انچن المهم هديت دقيقتين والعربيه دارات واللمبه منوره بس مش مهم انا موقف الطريق طلعتها من الطريق وخت نفسى وشيكت على الميا والزيت ولو فى تسريب من تحت العربيه الحمد لله كله تمام بس اللمبه لسا منوره قعدت فى الجبل ربع ساعه اخد نفسى المهم قلت بقى يلا على الله بدور كله تمام واللمبه طفت ..الجميل ان العربيه بعد اللى حصل ولا أكن حاجه الكوتشات الدريكسيون مفيش تخبيط فى العفشه .. اولا من الاخر انا عارف انى دى غلطتى انى دوست فرامل بس ساعه القدر تعمى البصيره ...الحمد لله على كل حاجه وستر ربنا وخلو بالكم والله احساسى فى اللحظه دى بعيد عن اى وصف ... انا مش عارف اعمل ايه او الخطوات المتبعه ..اروح التوكيل اققلهم ايه !! لمبه تشيك انچن اشتغلت !! ولا اروح اكشف على العفشه والكاوتش .. بس بصراحه العربيه عجبتنى عشان فعلا متقلبتش لقدر الله بجد انته مش متخيلين المنظر ازاى ... الحمد لله ويارب يستر علينا كلنا ان شاء الله .... تقبلوا تحياتى

**Hunting_Eagle** · 13-12-2014 06:16 PM

اولأ .. حمدا لله على سلامتك و ربنا يستر طريقك

ثانيا .. انا مش فاهم أوي .. هو حضرتك بعد العربية ما لفت منك 5 مرات معجب بالثبات ازاي ؟

**iEgyptian** · 13-12-2014 06:19 PM

المشاركة الأصلية كتبت بواسطة hunting_eagle

اولأ .. حمدا لله على سلامتك و ربنا يستر طريقك

ثانيا .. انا مش فاهم أوي .. هو حضرتك بعد العربية ما لفت منك 5 مرات معجب بالثبات ازاي ؟

عشان العربيه متقلبتش ...الله اعلم انا مش اوى فى العربيات بس الوضع كان لازم العربيه تتقلب فيها لقدر الله ..وشكرا لمرورك .. بس ايه المتوقع من اى عربيه تانيه فى مثل هذه الحاله ؟؟؟ انا قلت كدا عشان العربيه متقلبتش ...

**iEgyptian** · 13-12-2014 06:24 PM

وممكن أفاده كيفيه افحص عربيتى بعد اللى حصل معايا !!! مع العلم انى مش ملاحظ حاجه على العربيه غير لمبه التشيك انجن اشتغلت وبعد كدا طفت ... اروح التوكيل ولا اعمل ايه ؟؟ جزاكم الله خيرا ...

**eng.m7md.ali** · 13-12-2014 07:09 PM

الف حمد الله على سلامتك

بس شكوى الناس من ثبات العربية كتير جداً ازاي عاجبك ثباتها بعد اللي حصل ده؟؟ وكمان العربية لعبت مع الفرامل ازاي؟؟ فين الثبات في كدة؟؟

**kaza** · 13-12-2014 07:49 PM

المطب دة معروف بعد الغردقة بحاجة بسيطة وبين كومين..تلين..جبلين رمل والاسفلت محفور وانسبب في حوادث كتير منهم بوما وبي ام ومرسيدس وهيونداي ....وعد زي ماانت عاوز ..الحمد لله علي سلامتك وابقي خلي بالك من اي طريق لازم يكون حد امامك وتشوف رد فعلة انا كنت هاتقلب بلانسر بوما ودماغي خبطت في السقف من المطب دة وبعد ما اخدتة لقيت ميني كوبر مقلوب بسبب المطب دة

**iEgyptian** · 14-12-2014 12:06 AM

الحمد لله بجد على كل حال ...بس الغريب بقى فى الغردقه ان الغردقه مقلوبه كلها وناقص بس يرسموا رسومات على الأسفلت عاملين بس كدا فى الطريق اللى حيعدى فيه الموكب بتاعه هى محافظ الغردقه خايف من السيسى ومش خايف من ربنا !!! ارواح ناس يوم بعد يوم .. والله حرام ..وكمان الشارع بره البلد وجوا لا يصلح أساسا .. حسبى ربى وكفى ...

**iEgyptian** · 14-12-2014 12:11 AM

المشاركة الأصلية كتبت بواسطة kaza

المطب دة معروف بعد الغردقة بحاجة بسيطة وبين كومين..تلين..جبلين رمل والاسفلت محفور وانسبب في حوادث كتير منهم بوما وبي ام ومرسيدس وهيونداي ....وعد زي ماانت عاوز ..الحمد لله علي سلامتك وابقي خلي بالك من اي طريق لازم يكون حد امامك وتشوف رد فعلة انا كنت هاتقلب بلانسر بوما ودماغي خبطت في السقف من المطب دة وبعد ما اخدتة لقيت ميني كوبر مقلوب بسبب المطب دة

اولا الف مليون سلامه عليك والحمد لله وفعلا الإحساس اللى جربته انهارده يارب ما حد يشوفوا بجد دى مش طرق خالص

**iEgyptian** · 14-12-2014 12:13 AM

المشاركة الأصلية كتبت بواسطة eng f3lix

الف حمد الله على سلامتك

بس شكوى الناس من ثبات العربية كتير جداً ازاي عاجبك ثباتها بعد اللي حصل ده؟؟ وكمان العربية لعبت مع الفرامل ازاي؟؟ فين الثبات في كدة؟؟

[size="4"]ممكن اعرف وجهه نظرك فى حاله زى كدا عن الثبات ؟! انا قلت كدا عشان العربيه الحمد لله متقلبتش ..بس ممكن اعرف ايه ممكن اى عربيه تانيه فى نظرك ثابته تعمل ايه !! وشكرا لمرورك على الموضوع ^_^