الموضوع: جيلى والثبات .... تقييم عن تجربه ...

حمدالله على سلامتك اخى الغالى الحمد لله انك سليم وفعلا الناس واخده السواقه عافيه مش ارواح ممكن تروح فيها ...كلامك جميل فعلا انا للأسف كسرت الدريكسيون فعلا بس غير ارادى تماماً انا مكنتش عارف اعمل ايه ( ساعه القدر تعمى البصيره فعلا ) بس الحمد لله وفعلا البنزين فى مصر عامه شئ لا يصدق ربنا يهدى الناس عشان فاكرين الزياده اللى يغشوها ممكن تزودهم مال .. فعلا كلامك منطقى عشان العربيه الحمد لله مش حاسس بأى مشكله وهى ماشيه طبيعى مفهاش حاجه ..شكرًا لمرورك وخلى بالك دائماً وربنا يستر طريقنا كلنا ان شاء الله

المشاركة الأصلية كتبت بواسطة jianolla

اولا حمدالله على سلامتك
ثانيا انا هاكلمك على حاجة حصلت معايا شخصيا على طريق مطروح سيوة... ويمكن فى ناس عارفة يعنى ايه الطريق .. الطريق فردة واحدة رايح جاى لمسافة 310 كم ... انا معايا اسبرانزا 516
كنت راجع من سيوة بالليل وكان فى واحد فى المقابل ضارب نوره العالى وانا مش شايف الطريق وفى حالة زي كدة بناخدها بالاحساس وباخدجنب الطريق من ناحية اليمين عشان انا اعدى وهو يعدى ... المهم انا عملت كدة فعلا وكنت ماشى 160 وفجأة على مسافة قريبة جدا اتخايلت بحديد ومطب عشان اتضح ان البيه اللى مدى نوره العالى واقف فى كمين جيش والبهوات بتوع الكمين كمان مافيش اى نور او علامة لوجود الكمين ... اخدت طبعا المطب على ال 160 ورجلى على الفرامل زى ماتقول قول .. ال abs اشتغل ودخلت على الحديد وناورت بيه يمين وشمال ووقفت على اخر الحديد اللى قافل الطريق خالص بالعافية ... طبعا نزلت من العربية اعصابي سايبة وبسب بالعن للعساكر وكنت عايز اضرب الراجل الحمار اللى منور نوره العالى لأنى كنت هاعمل بجد حادثة مروعة.... المهم انا غرضى من سرد الحكاية دى ان المفروض مع الدوسة الشديدة للفرامل كان جهاز ال abs يشتغل وده اللى بيخلى العربية ثابتة فى المناورات مع الضغط ع الفرامل بقوة ومايخليهاش تزحف او تلف حاولين نفسها... فبكدة عندك مشكلة من الاتنين , يا اما ال abs ماشتغلش ويبقى فيه مشكلة ,,, يا اما ان حضرتك حودت بالدركسون جامد على سرعتك فكانت لازم تعمل كدة .... انما لو جبت اى عربية مافيهاش abs وضربت فرامل على سرعة عالية مع حودة الدركسيون لازم تلف حاولين نفسها وممكن تقلب كمان ... فالحمد لله على كل شئ ولكن اتأكد ان abs عندك شغال ولا لأ.
بالنسبة للمبة التشيك ماتقلقش خالص والعربية ان شاء الله مافيهاش اى حاجة تقلق منها لأن محصلش حاجة اصلا لكن اللمبة ممكن تكن نتيجة اللفة دى ورواسب التنك طبعا ظهرت فى فى البنزين وطفت لما العربية استقرت والرواسب نزلت فى قاع التنك طفت وبقت حالة العربية عادية
حمدالله ع السلامة مرة تانية

المشاركة الأصلية كتبت بواسطة iegyptian

وممكن أفاده كيفيه افحص عربيتى بعد اللى حصل معايا !!! مع العلم انى مش ملاحظ حاجه على العربيه غير لمبه التشيك انجن اشتغلت وبعد كدا طفت ... اروح التوكيل ولا اعمل ايه ؟؟ جزاكم الله خيرا ...

تشيك انجين نورت علشان البنزين اللى واصل للماتور حصل فيه خلال اثناء الرزعة دي مش اكتر.
العربية تمام طالما طفيت .

شكرا اخى على مرورك اخى الغالى وفعلا لو كان فيه حاجه مكنتش اللمبه طفت الحمد لله .

المشاركة الأصلية كتبت بواسطة mif

تشيك انجين نورت علشان البنزين اللى واصل للماتور حصل فيه خلال اثناء الرزعة دي مش اكتر.
العربية تمام طالما طفيت .