الموضوع: أول دخول للمنتدى من سنتين ونصف للمنتدى والسبب f30

اتفضل يا باشا
انا معايا 316 بس الاكسكلوسيف 2013
هي اتلغت حاليا بس مفيش فروقات كبيره

المشاركة الأصلية كتبت بواسطة sunny_120122

ألف شكر يا شريف باشا أنا أسمي شريف برضه على فكرة وقريت التقرير بتاعك لأنه ما شاء الله أول حاجة بتطلع في جوجل لما تعمل بحث قبل ما أشتري أنا بس فيه كام حاجة عاوز أسأل عليهم

1) idrive فيه ايه في مصر يعني ايه تاني غير تشغيل sound system والتكييف ومعرفة الأعطال

في ال 316 فيه كل حاجه ما عدا
ال connect drive و ده اللي بيدخلك علي النت و كده
البلوتوث فيه للاتصال فقط (مفيش سماع الاغاني كده)
مفيش العدادات الرياضيه اللي بتوريك العزم و كده و انت علي السبورت +
و طبعا الشاشه الصغيره مش الكبيره

2) هنا مسئول البيع قال لصاحبي وهو بيشتري ان العربية فيها زي هيدروليك في نظام التعليق كل ما يحمل العربية هي بتفضل محافظة على ground clearance ثابت

مفيش الكلام ده
العربيه عفشه عاديه مش هيدروليك
و مفتكرش انه موجود في ال 3 كلها

3) برضه اللي هنا لو مشغل auto start stop التكييف بيفضل شغال لانه على كلامه فيه كومبريسور تاني في الحالة دي بيشتغل

ايوه بيفضل شغال بس بقوه اقل
بس هو نفس الكومبريسور مفيش تاني و لا حاجه
و الاوبشن ده ممكن قفله بالمناسبه

4) الصيانة هنا قاله بعد 5000 كيلو واللي سامعة من النت ان في مصر 12000 الف اول صيانة

ايوه
هنا عند 12000 او مرور سنه

5) الكاوتش ال run flat تصليحه بيكون عادي ولا محتاج حد مخصوص ليه ولو عاوز اجيب الفرده الصغيرة الاستبن دي موجودة في مصر ولا أدور عليها في السعودية

هو يقال فيه ليه خوابير مخصوص
و ان لازم مكنه مخصوص لفك الكوتش
بس انا لما الفرده اتخرمت فكتها و لحمتها من جوه عادي
و عند محل بتاع كوتش عادي مش حد متخصص ولا حاجه و مشي الحال

آسف ع الأطالة بس أنا عندي في مصر ورق العربية خلص وهيستلمو بكرة أو بعده وحاسس زي ما أكون بشتري بطيخة مش عارف جواها أيه

ولا يهمك و انا تحت امرك في اي استفشار تاني

المشاركة الأصلية كتبت بواسطة sunny_120122

ربنا يكرمك نورتني وواضح ان الراجل اللي في التوكيل هنا ده بيفتي آخر حاجة أو مدخل مواصفات السابعة في الثالثة وعامل كوكتيل يجنن

اي خدمه يا باشا
و متاخدش علي كلام بتوع المبيعات
اغلبهم كفتجيه بصراحه :)

المشاركة الأصلية كتبت بواسطة MoodyMooner

متفق مع كل كلام ورأي أ / شريف... بس عندي ملاحظة واحدة على العفشة ... موضوع أنها هيدروليك وبتحافظ على ال Ground clerance .... بصراحة ما أعتقدش أنه موجود غير في المرسيدس ال S class الجديدة 2015 ... ومتهيألي لم يطبق في BMW بكل فئتها ... لكن مع ذلك فيه أوبشن هايل في العفشة ... أنها بتبقى rigid ... أتوماتيك مع ال sport مود ... يعني لو حضرتك سايق على وضعية comfort أو ECO ... العفشة بتبقى ناعمة جداً بصراحة عمري ما ركبت عربية بالنعومة دي في عفشتها مع أن ده ضد الثبات على السرعات العالية ... علشان كدة لما حضرتك تنقل على الأسبورت مود العفشة كمان بتتقل ... وده الجديد فى الفئة الثالثة ومكنش موجود قبل كدة وبالتالي ... أنصح كل ملاك العربية على طرق السفر يسوق على الأسبورت مود علشان يضمن موضوع الثبات ... والتجربة خير برهان ...

لا يا كبير
ال 7 series فيها نظام العفشه الهيدروليك دي طبعا
اذا كانت موجوده في ال 2005 اللي كانت معانا
واعتقد موجود في ال 5 كمان بس مش اكيد و غالبا هيبفي اوبشن مش ستاندر

و بالمناسبه ال C الجديده ممكن تتطلب بالاوبشن ده

و كلامك مظبوط تمام عن ال driving modes
و اعتقد هو ده اللي كانت بتاع المبيعات يقصده بس هو جود شويه