الموضوع: ظهر عندى "f" في شاشه الايزيترونك استرا اتش 2008

المشاركة الأصلية كتبت بواسطة amadios

هل بتشتكى من حاجه معينة ولا عادى مافيش مشاكل ملحوظة
عموماً فيه طريقة مش عارف حاتنفع معاك ولا لأ بس مش حاتخسر حاجه لو جربتها والطريقة دى ممكن تعرف بيها هل فيه عطل متسجل عالكمبيوتر .
حاتحط المفتاح فى الكونتاكت وتدوس بنزين وفرامل للاخر وبعدين حاتلف مفتاح الكونتاكت لوضع التشغيل ( اللمبات والعلامات اللى فى التابلوه حاتنور ) بس ماتدورش العربية وركز على عداد الكيلومتر حتلاقى بسرعه بيكتب ارقام حاول تكتب الارقام بسرعة وتبقى تقولنا عليها علشان اقولك تعمل ايه لو نفعت الطريقة دى معاك وبالتوفيق ان شاء الله

شكرا Amadios

أنا عمرى ما اشتكيت من حاجة فى العربية و هى عاملة دلوقتى 139,000 كم
العربية keyless مش مفتاح بس بردو هاحاول اعمل اللى قولت عليه و اجرب

المشاركة الأصلية كتبت بواسطة amadios

هل بتشتكى من حاجه معينة ولا عادى مافيش مشاكل ملحوظة
عموماً فيه طريقة مش عارف حاتنفع معاك ولا لأ بس مش حاتخسر حاجه لو جربتها والطريقة دى ممكن تعرف بيها هل فيه عطل متسجل عالكمبيوتر .
حاتحط المفتاح فى الكونتاكت وتدوس بنزين وفرامل للاخر وبعدين حاتلف مفتاح الكونتاكت لوضع التشغيل ( اللمبات والعلامات اللى فى التابلوه حاتنور ) بس ماتدورش العربية وركز على عداد الكيلومتر حتلاقى بسرعه بيكتب ارقام حاول تكتب الارقام بسرعة وتبقى تقولنا عليها علشان اقولك تعمل ايه لو نفعت الطريقة دى معاك وبالتوفيق ان شاء الله

المشاركة الأصلية كتبت بواسطة احمد فهمى

راجع موضوع عشور الموضح والكنترول موجود استيراد واحتمال يكون شربون او ميكانيكا الكنترول فقط وده تصليح

المشاركة الأصلية كتبت بواسطة ashourashour

بيتصلح

http://www.nilemotors.net/Nile/448015-f.html

العربية دارت و مشيت بعد ما عملوا reset للكمبيوتر بتاعها لمدة يوم واحد و تانى يوم مارضيتش تدور تانى!! و بعد ما اتعمل reset تانى دارت بس هى لسه فى التوكيل. فى واحد صاحبى قالى ان فى واحد فى المعادى بيفهم فى الكمبيوتر و السفت وير بتاعها و كان عنده واحد صاحبه عنده نفس المشكلة و الراجل ده غيرله الشربون تقريبا و هى ماشية على كده بقالها شهرين و محصلش حاجة تانى و الموضوع ده كلفه حوالى 1300 جنيه.

هل فعلا ممكن يكون الكلام ده مظبوط؟ و بعد كده بترجع تشتغل طبيعى؟ و هل بعد كده المشكلة دى ممكن تحصل تانى ؟ و بعد اد ايه؟

و شكرا لكل واحد خد من وقته عشان يفيدنى.

المشاركة الأصلية كتبت بواسطة sherif opel

كان عندى نفس المشكلة من 6 شهور تقريبا و كنت مخضوض زيك كدة عربيتى كانت عاملة 89000 كم و الصنايعية و التوكيل معرفوش يدلونى على حاجة غير انى اغير الكنترول لحد ما ربنا وفقنى و اولاد الحلال دلونى على واحد فى جسر السويس بعد الجراج مش عارف ينفع اكتب رقمة و عنوانة هنا ولا يبقى اعلان المهم دا الوحيد اللى طمنى و حلها فى يوم هو اخد 2200 و انا كنت مبسوط جدا بس انا حاولت اعرف هو عمل اية مرضيش يقولى و قعد يضحك عليا بالكلام و يقولى انا فكيت الفتيس و عملت سوفت بس بعد ما اتعاملت معاة و بقينا اصحاب هو قالى انه مفكش حاجة و مش هينفع يقولى على سر صنعتة و انا بصراحة احترمت صراحتة المهم لو غلبت و ملقيتش حل قولى و انا هديك رقمة

اسف على التأخير فى الرد بس كنت مستنى اتأكد ان المشكلة اتحلت

انا رحت لواحد فى صقر قريش غير حاجة اسمها الشربون و حسب كلامه المفروض ان دى و هى سليمة بتولد مجال كهرمغنطيسى بيخلى الموتور اللى فى النص يلف و التروس تشتغل مش عارف هو سرح بيا و لا ايه بس هى بقالها 6 ايام شغاله زى الفل و عمالها ب 1200 جنيه.