مطلوب علي وجه السرعة استرا هاتشباك 2007

**Mamoud salah H** · 02-01-2015 11:40 PM

السلم عليكم رجالة الاوبل
من ساعة ما بعت الفيكترا بي بتاعتب من شهررين وانا متسوح ومش عارف اركب ايه ودخلت في دوامة اني اركب زيرو تقسيط وكانت هتبقي شارك الفئة الاولي متنفضة بدون اي وسائل امان تقريبا زكنت عاصر علي نفسي لمونة بس جت من عند ربنا والموضوع متمش وقررت ادور في المستعمل تاني وعجباني اوي وداخلة دماغي اوبل استرا هاتشباك 2007

هل العربية تستحملني كشاب ومشاوير كل يوم في الزحمة واخبار التكييف ايه في الصيف
الفتيس انا جربته ومعنديش منه مشاكل كاستخدام بس هل عملي ولا مش هيستحمل الزحمة في الصيف بالذات وبالنسبة لقطع الغيار معنديش فيها مشكلة ولا الصنايعي

معلش اسف طولت عليكم وبصراحةعامل الموضوع عشان اطلب رايكوا وكمان لو حد معاه عربية او قدامه حاجة نضيفة يقولي

مطلووب:::

اوبل استرا 2007:2008 يفضل اعلي فئة بصمة
مهم جدا حالة العربية من عفشة وموتور وصالون ويفضل عداد معقول مش اكتر من 120 الف
مش هتفرق اوي تكون راشة برة اولا
اهم نقطة::
عايز العربية من صاحبها مباشرة من غير توكيلات

واتمني السعر يكون معقول

**sherif moneer** · 03-01-2015 01:21 AM

طب ما تجيب فيكترا سي مانيوال

**Mamoud salah H** · 03-01-2015 01:38 AM

مانيواااال دة مستحييل بالنسباالي اساسا سبب التغيير من عربيتي القديمة انها كانت مانيوال

**osamaos20022** · 03-01-2015 12:22 PM

01282288242
اسمه د.رامي كان معاه واحده فقط 2008 بس معرفش بعاها ولا لا
قوله واخد الرقم من د.اسامه زغلول

**مُصْطٓفٓى** · 03-01-2015 01:07 PM

شوف العربية ده في اسكندرية
https://egypt.dubizzle.com/ar/alexan...RydWUmcGFnZT0x
بس خد بالك انها موجودة في صالة
احتمالية ان العداد ملعوب فيه واردة وده طبعا ملهاش علاقة بان العربية موجودة في صالة او لا
ولكن عشان عدادها قليل وعشان خد لازم تقارن حالة العربية بعدادها وخاصة حالة الصالون

**Abdo Taha** · 03-01-2015 02:04 PM

انا معايا فيكترا سي و تعتير زي الاسترا العربية لو تكييفها مظبوط مش هيضايقك ابدا جميل جدا مش زي الياباني بس حلو جدا

الفتيس لو عجباك يبقى تمام بس اعمل حسابك ان كل 90 او 100 الف بتغير طقم دبرياج و هيبقى فلة معاك و لو اتعودت عليه مش هتواجه مشكلة في الزحمة ان شاء الله

المهم ان العربية اللي تجبها تكون مظبوطة ميكانيكا و عفشة و كهربا و دورة تبريد محرك و دي تحط تحتيها 100 خط

و ياريت تكشف عليها في التوكيل او عند حد متخصص العربيات دي مش بيتبص عليها في بنزينات

و ربنا يوفقك و تلاقي حاجة كويسة

**a7mad_mo7amad6** · 03-01-2015 08:58 PM

انا معايا استرا انجوي 2009 اعلى فئة
ماشية 110000 حالتها فوق الممتازه مش محتاجة جنيه غير لو هترشها..
احتمال كبير ابيعها كمان اسبوعين..
مستتي حوار سفر لو مشي هبيعها

**Mamoud salah H** · 03-01-2015 10:47 PM

المشاركة الأصلية كتبت بواسطة a7mad_mo7amad6

انا معايا استرا انجوي 2009 اعلى فئة
ماشية 110000 حالتها فوق الممتازه مش محتاجة جنيه غير لو هترشها..
احتمال كبير ابيعها كمان اسبوعين..
مستتي حوار سفر لو مشي هبيعها

ممكن تعرفني السع المبدئي كام لان غالبا 2009 اعلي من المبلغ المتااح فعرفني عشان لو قريب مني انتظر حضرتك