جزاكم الله خيرا ع الماستر بلان ... وملاحظ ان فيه عمارات امامها مساحات فاضية وعمارات فى وش بعض .. طيب فى الحجز والتسليم هيبقى انت وحظك ولا وسايط ولا فيه نظام فى الموضوع ده !!؟
عرض للطباعة
جزاكم الله خيرا ع الماستر بلان ... وملاحظ ان فيه عمارات امامها مساحات فاضية وعمارات فى وش بعض .. طيب فى الحجز والتسليم هيبقى انت وحظك ولا وسايط ولا فيه نظام فى الموضوع ده !!؟
طب الله يكرمكم اية اخبار 6 أكتوبر ، انا شغلى حاليا فى ابو رواش ، وساكن فى الزيتون
انا سمعت ان الأسعار فى اكتوبر كأهالى رخيصة (بس انا لسة مش معايا المقدم ده)
الفكرة كلها ان الواحد لو دخل فى الموضوع ده مش هقدر اجهز نفسي غير بعد 5 سنيين ، يدوبك ربنا يعيني على القسط
6 اكتوبر موقعها علي طريق وادي النطرون و طريق الفيوم جنب هرم سيتي بتاعة اوراسكم مش افضل مكان في 6 اكتوبر بصراحة .. بعيدة شوية عن ابو رواش لو معكش عربية او العربية بتخستع معاك بلاش لان الحتة دي رحتها مرة حسيتها مقطوعة شوية و المواصلات افتكر مش هتقي كتير .. بص بعد التسهيلات الخيرة الوضع بقي كالاتي هتدففع 10% من تمن الشقة بعدين لو رسيت عليك تدفع 10% كمان يبقي لو مثبا اخدت ال 115 متر هندفع دفعة حجز 35 الف بعدين بعد القرعة تدفع كمان 432000 بعدين ندفع قسط 7500 كل 3 شهور لمدة سنة بعدين تخش في التمويل العقاري و تقسط حسب دخلك علي 10 سنين 20 سنة حسب بفايدة 8% متناقصة و لو ال 100 متر هتبقي ارخص
لو معكش المقدم دلوقتي اصبر للمرحلة الجاية و حوش الهيئة كانو بيقولو المرحلة الجاية هيبقي في في زايد كمان زايد ارقي بكتير و تحفة و اقرب لشغلك بس لم ايدك شوية و حوش :d عشان زايد المفروض هتبقي اعلي شوية من 3400 للمتر بس الصراحة تستاهل لو امكانياتك تسمح
احسبها و شوف امكانياتك و ربنا يوفقك للخير
لما سالت نفس سؤالك في بنك الاسكان الموظف قالي نصا " حضرتك مش بتحدد انهي عمارة بتحدد الدور و المساحة و النموذج انما العمارة هتبقي وفقا للقرعة و مفيش وسايط دي قرعة يدوية علنية قدام الناس و بيعلن عن موعدها و حضرتك و كل الحاجزين تقدر تحضر بنفسك و تشوف " يعني موقع العمارة انت و حظك
هو اكيد فيه مرحلة تانية ؟ و لو اكيد فيه .....هيبقى فى نفس الاماكن ؟ بصراحة بفكر اتوكل على الله بس هزنق نفسى جامد فى التقديمة ,,,,اوقات بقول ازبط نفسى على المرحلة التانية هتبقى اريحلى ..بس خايف مايبقاش فيه شقق فى نفس الاماكن !!
انا عايز الشروق 115 او 130 متر ان شاء الله ؟
هما ماكدين ان في مرحلتين كمان بس الاماكن محدش يعرف هتبقي نفس الاماكن ولا لا ...
بص يا هندسة مفيش حد في بلدنا دي بيجيب سكن و هو مرتاح كله بيبقي مزنوق :D ده حتي الاغنياء لما بيشتروا بيبقوا مزنوقين اصل الانسان بطبعه طماع يعني الملياردير من دول لما يجي يشتري فيلا ب 11 مليون يشوف قصر ب 20 مليون يقول لا انا ازنق نفسي و ابيع ال s class اللي حيلتي و ازود و اجيبه هو الملياردير مننا بيجيب قصر في عمره كام مرة ده هما 5، 6 مرات :mahf(5):
لو تقدر توفر من مصاريفك شوية و تقدم توكل علي الله العقار هو اهم asset في الحياة و اي حاجة تانية تتاجل عرفت ان القسط في اول سنة خلوه 7500 كل 3شهور لل 115 متر و 10 الاف للاعلي ممكن يخف شوبة عنك ؟ لو مزنقة و مش هتقدر استني للمراحل الجاية و انت و نصيبك ان شاء الله يعملوا بس انا لو منكلو معايا التقديمة وهقدر ادفع القسط هتوكل و اخليها علي الله الوزير قال الشروق و العبور و القاهرة الجديدة كل الوحدات اتحجزت يعني هتبقي قرعة فاختيار ربنا هيبقي خير لو جاتلك يبقي خير مجاتش يبقي المرحلة الجاية خير
ahmedmohamed7
حاجة كمان لو ليك في جو الاراضي و تبني انت الهيئة هتتطرح اراضي الاسكان الاجتماعي الشهر الجاي الاراضي دي قبل ماتضرب :D بتبقي رخيصة مدعومة و بيبقي في تسهيلات في السداد و بتبقي في اماكن كويسة المتر مبيعديش ال 700 ج عمره في اي مدينة اخر قرعة عملوها كانت الشروق المتر ب 690 و 595 ربنا يهديهم و ميتجننوش بس .. بتبقي مساحتين 205 و 270 تقريبا و بتبني 3 ادوار وارضي علي 5 سنين و ممكن حد يخش معاك في الارض و تبنوا سوا اخوك مثلا هتبنوا 4 شقق اسكنوا في 2 و بيعوا 2 حبيت اقولك option تاني متاح جايز تناسبك او لا لو ليك في جو البناء الارض هتقف عليك في حدود 150 الف او اكتر حاجة بسيطة لو متهبلوش هتدفع مقدم في حدود 40 الف و تقسط الباقي و كل مايجيلك قرش تبني قدامك مهلة 5 سنين دي قصة تانية بقي بيت خاص بيك و جنينة و جراج و 4 شقق مش شقة واحدة ..
لسة عارف انهم هيعملو قرعة الشهر الجاي فحبيت اقول لعله يفيد حد كان نفسه في ارض
ربنا يوفقنا جميعا
سؤال
طب اللي عايز يقدم غلي الشقق دلوقتي لازم يكون اشتري الكراسه
Sent from my SM-N900 using Forum Runner
http://www.nilemotors.net/Nile/433953-388-138-a.html
ده برضه مش اسكان متوسط ؟
طبعا افضل حاجة الارض لو اعرف ان هينزلوا اراضي كنت صبرت و قدمت المشكلة ان زي ما بتقول الاسعار بتبقي اقل بكتيييير من سعر الارض الحقيقي فاياما العدد بيبقي كبير جدا فالفرصة قليلة ياما زي مبتقول بتقلب وسايط بجد بلد تقرف الواحد نفسه في حتة ارض لو مش تبع قرعة اجيب منين مليون جنيه :fun_36_3_4[1]:
بس الرائع ان سامع انها هتبقي في اكتوبر و العبور و الشروق و القاهرة الجديدة !! اول مرة ينزلوا اراضي اسكان اجتماعي في القاهرة الجديدة بجد المدن ال 4 احلي من بعض بجد مش متخيل ان ممكن ينزلوا ارض في القاهرة الجديدة ب 900 جنيه مثلا هي الحداية بتحدف كتاكيت !! :eek:
لا بس الموضوع يستاهل لازم تستني الاراضي طبعا و حاول تقدم باسمك و لو ليك اولاد مش قصر قدم باسمهم كمان و لو في حد مقرب اخ مثلا خليه يقدم باسمه حتي لو معهوش المبلغ ساعده و يكتبلك وصل امانة و لو جاتله ابنوا سوا و كل واحد ياخد دورين .. ان شاء الله ربنا يجعلها من نصيبك المرادي
الرحاب عمرها ما كانت ولا عتكون لمتوسطي الدخل متوسط دخل ايه اللي معاه مليون جنيه او اكتر كاش
الموضوع ده قتل نقاشا بس هقول لحضرتك لو متعرفش
الهيئة ليها نسبة من الوحدات في مدينتي و الرحاب و مشاريع تانية كتير بجانب تمن الارض بتاخد نسبة من الوحدات ليها و بتستني لما العمران يوصل و المستثمر يوصل الندينة للذروة و تقوم بيعاها بربح وهي غير مخصصة لمحدود الدخل ده جزء من دخل الهيئة و ده النظام الجديد بدل التخلف اللي كانو بيعملوه زمان و كلنا كنا بنعترض عليه انهم يدوا ارض للمستثمر في الصحراء تمنها وقت مابياخدها بسعر السوق بيكون متسواش المستثمر يعمرها ويبنيها و يظبطها فيوصل سعر المتر فيها لالفات تصل في بعض الكومباوندو ل 15 الف المتر ! فالهيئة تبقي باعت المتر ب 400 جنيه مثلا و المساثمر بعد ماعمره يبيع متر الشقق ب 10 15 الف فابطلوا يعملو كده وبقوا بياخدوا بجانب تمن الارض تسبة من الوحدات يبقي لما المتر يوصل 10 الاف الهئة تبقي كسبانة الموضوع لازم تتعود عليه الشهر الجاي مثلا الهيئة هتطرح 1000 وحدة من حصتها في مدينتي فامتستغربش من الاسعار الحاجات دي دي مش لينا و ربنا يوسع رزقنا
ارجو اكون قدرت اوصل الفكرة
طب بالنسبة للشقق دي هل يمكن بيعها او التنازل عنها
للغير بعد سداد كافة الاقساط المطلوبة عشان واحد
صاحبي قاللي انها حق انتفاع فقط و لا يجوز بيعها او التنازل عنها للغير
فى واحد فى بنك الاسكان بيقول ان الجيش هو الى هيبنيها وهتكون متشطبه كويس جدا والله اعلم
هي المشكلة الكبري ان اللي بيقدموا بيبقوا اضعاااف المتاح اخر قرعة مثلا كانت 4000 قطعة اللي قدم حاجة و 30 الف !! :mahf(5): فحتي لو مفيش وسايط فالموضوع عامل زيي "هتدخل السحب علي عربية BMW" يعني من ال 10 الاف اللي اشتروا ليبتون انا اللي هكسب :Ka_che1[1]:
هههههههههههه
بس علي فكرة برضو نرجع ونقول دا خطأ الحكومة المتخلفة
انا شايف ان ممكن تتعمل بشكل افضل من كدا ...يني مش لازم تتعمل مساحات كبيرة275 متر دي ...يوجد المساحات مثلا 200 متر ..والبناء يكون علي 140 متر فقط ...ويزود عدد القطع المعروضة ...
اصل الناس بتشتري عشان تسكن مش عشان تعمل حديقة 150 متر :nemoflow:
مش عارف لية ساعات بحس ان الحكومة دي متخلفة هههههههههههه يعني ينزل شقق 47 متر ياما ينزل اراضي 300 متر
اراضي ايه اللي ب900 جنيه
سعر اراضى القاهره الجديدة اخر قرعه 3500 جنيه للمتر ونتيجه القرعه بكره
يا باشا انت اختلط عليك الامر في فرق بين الاراضي المميزة "غير مدعومة للمقتدرين في اماكن مميزة لبناء فيلات وكده مساحات كبيرة في حدود 700 متر" زي اخر قرعة و بين اراضي الاسكان الاجتماعي "اراضي مدعومة اقصي مساحة 265متر"
المميزة 3400 في القاهرة الجديدة في ابو الهول الارض علي بعضها بتعدي المليون و ربع و اكتوبر كانت معدية ال 4 عشان موقعها كان احسن في التوسعات الشمالية
الاسكان الاجتماعي المتر في الشروق مبيعديش ال 690 ج ده اخر قرعة فانا اللي قلته لو فعلا عملوا اراضي اسكان اجتماعي في القاهرة الجديدة زي مالجرايد كتبت "اشك" فالمتر ميعديش ال 900 "المفروض"
اقتباس:
بالاشارة إلى الاعلان السابق نشره بتاريخ 24/10/2014بشأن طرح حجز عدد (8000) مقبرة جاهزة بمدينتي 6اكتوبر والقاهرة الجديدة كمرحلة اولى بمساحة (40م2) للمقبرة بنظام حق الانتفاعتقرر أن تتم أعمال طرح و تخصيص المقابر المبنية السابق الإعلان عن طرحها من خلال أجهزة المدن المعنية بالقرعة العلنيةوذلك على النحو التالى :يتم بيع كراسة الشروط والمواصفات من خلال جهازى ( 6 أكتوبر و مدينة القاهرة الجديدة ) نظير سداد مبلغ (200 جنيه) " مائتى جنيه لاغير" اعتباراً من يوم (الأحد) الموافق 16/11/2014يتم تقديم استمارة بيانات الحجز و المستندات اللازمة طبقا للوارد بكراسة شروط الطرح لحجز المقبرة خلال الفترة من 2/12/2014 الى 1/1/2015 بجهاز المدينة المختص فى مواعيد العمل الرسميةتبلغ قيمة المقبرة (68000 ج) " ثمانية وستون الف جنيه" بخلاف مبلغ (5000 جنيه) " خمسة آلاف جنيه " وديعة .طريقة السداديتم سداد مبلغ (30000 ج) " ثلاثون الف جنيه" (دفعة حجز) وذلك مع استمارة الحجز .يتم سداد مبلغ (38000ج) " ثمانية وثلاثون الف جنيه" باقى قيمة المقبرة عند الاستلام وكذا مبلغ (5000ج) " خمسة آلاف جنيه" قيمة وديعة للصرف من عائدها على اعمال الصيانة والحراسةشروط الحجزيشترط فى المتقدم لحجز المقبرة أن يكون شخصا طبيعيا (مواطن مصري الجنسية) وليس شخصا معنويا (شركة او مؤسسة) ومن قاطني مدن (القاهرة الجديدة – 6اكتوبر – الشيخ زايد) والا يكون قد سبق تخصيص مقبرة (مبنى أو ارض) له أو لاحد افراد أسرته (الزوج – الزوجة – الاولاد القصر) بالمدن المعلن عنها وطبقا للوارد بكراسة الشروط .سيتم التخصيص بالقرعة العلانية اليدوية للسادة الذين تنطبق عليهم الشروط و سيتم الاعلان عن موعد و مكان القرعة العلنية فى موعد لاحق و كذا موعد تسليم المقابر للفائزين بالقرعة
متر المقابر ب 1825 جنيه هههههههههههههه
الحكومه بتقول للمواطن : يا مواطن لما هتدفن فى تربه سعر المتر 1825 عايز تعيش بقى فى شقه مترها بكام
المواطن :هم يضحك وهم يبكى
قرعة «دار مصر» لوحدات القاهرة الجديدة في النصف الثاني من يناير المقبل
في خطوة تشجيعية قد تزيد من الإقبال على حجز وحدات مشروع «دار مصر» للإسكان المتوسط، قبل 3 أيام من غلق باب الحجز، صرح المهندس خالد عباس، مساعد وزير الإسكان للشئون الفنية، أنه قد تحدد النصف الثاني من يناير المقبل لإجراء القرعة العلنية على وحدات المشروع المستوفية لعدد الحاجزين، وتبلغ حتى الآن أكثر من 12 ألف وحدة بـ 4 مدن من مدن المشروع الثمانية، حيث جاء عدد المتقدمين لحجز وحداتها أكثر من عدد وحداتها المطروحة، وهي وحدات مدن: القاهرة الجديدة 7032 وحدة، والشروق 1680 وحدة، والعبور 1416 وحدة، ودمياط الجديدة 2616 وحدة.«نُشِر بـ القاهرة الجديدة اليوم
في حين لم يشر عباس الى تصرف الوزارة تجاه المدن الأربعة الأخرى بالمشروع، والتي جاء عدد المتقدمين لحجز وحداتها أقل من عدد وحداتها المطروحة، والبالغ عددها أكثر من 17 ألف وحدة، وهى مدن: 6 اكتوبر 12024 وحدة، والعاشر من رمضان 2688 وحدة، وبدر 1488 وحدة، والسادات 1128 وحدة.«نُشِر بـ القاهرة الجديدة اليوم
طيب بغض النظر عن السعر
هل حد عنه استعداد يشتري بدون حصه في الارض؟
اذا صحت المعلومه يعني
الحمد لله صدقت التوقعات القاهرة الجديدة عدد اللي حجزوا ضعف عدد الوحدات عشان الناس تصدق انها ارخص من سعر السوق و الشروق و العبور ودمياط الجديدة برضوا عدد الحاجزين فوق عدد الوحدات المدن اللي مكملتش العاشر من رمضان و 6 اكتوبر و السادات و بدر و ده منطقي جدا لان 6 اكتوبر في منطقة حدائق اكتوبر جنب هرم سيتي بتاعة اوراسكوم و مشاريع اسكان اجتماعي بصراحة الموقع مش مشجع و العاشر من رمضان كمدينة الاقبال عليها قليل و مش اول اختيار بيجي في بال اي حد عايز يسكن في مدينة جديدة اللهم الا لو واحد شغله هناك و السادات نفس وضع العاشر و بدر الموقع حلو جدا و كل حاجة بس سعر المتر محتاج ينزل علي الاقل 300 جنيه لان سعر المتر في الحي المتميز مبيعديش ال 2200 ج
ربنا يوفق اللي حجزوا و اللي شايفنها مش مناسبة ربنا يرزقهم بالاحسن :tumb:
مش مظبوط ليك حصة في الارض
اعلان في جريدة الاهرام الحكومية........ ويشمل سعر الوحدة السكنية حصة فى الارض ............. والاعلان منشور بجريدة الاهرام بتاريخ 2014/11/28 صفحة 3
PDF - جريدة الأهرام اليومى ....... وعلى هيئة المجتمعات العمرانية http://www.newcities.gov.eg/dispNews.aspx?ID=1072..
. وعلى اللينك ده كمان
http://www.newcities.gov.eg/dispNews.aspx?ID=1070
الحمد لله روحت دفعت مقدم حجز واحدة في التجمع الخامس اللي جنب الرحاب و مدينتي في القرنفل ١٤٠ متر نموذج b و ربنا يوفق الجميع
الواحد طول عمره بيقلق من الحكومة و بعد ما كنت ناوي انا و اخويا نقدم احنا الاتنين شكلها واحد بس اللي هيقدم جت خير مجتش برده خير......
كلام كتير مبهم الصراحة في الموضوع و المخاطرة فيه زيادة عن اللزوم اعتقد مش مطلوبة لان الحكومة دي متعرفش تاخد معاها حق ولا باطل............
ربنا يوفق الجميع
فى هجوم كاسح على التقديم حاليا