لسة مفيش ميعاد رسمي اتحدد بس كانو قايلين علي اخر يناير يا مسهل ادينا مستنيين
عرض للطباعة
ايه يا جماعة مفيش جديد
عاوز اقدم ياجماعة في شقق القاهرة الجديدة اعمل ايه لو سمحتم
السلام عليكم
استاذ احمد علاء حضرتك كان ليك مشاركات قيمة جدا فى الموضوع ...ارجو من حضرتك تقول لنا انت شايف انهى شقق حتكون كويسة حسب الماستر بلان يعنى الواحد لو جاله ايه يكون مبسوط
ولك جزيل الشكر
السلام عليكم
استاذ احمد علاء اشكر لحضرتك اهتمامك
انا قدمت باسمين واحدة 140 b لانها احسن واحدة زى ما حضرتك تفضلت وواحدة 130 a لان لقيت اعدادها كبيرة ده طبعا قبل ما يعملوا الزيادة اللى حضرتك عارفها
لكن دلوقتى انا بدخل على صفحة ائتلاف دار مصر فى القاهرة الجديدة على الفيس بوك ولقيتهم بيقولوا ان نسبة كبيرة من الشقق حتبص على المقابر على الاقل لغاية الارض اللى بيننا ما تتبنى ...كنت عايز اعرف رأى حضرتك فى الكلام ده
ده الرابط بتاعهم
https://www.facebook.com/Dar.Misr.New.Cairo/timeline
و لحضرتك جزيل الشكر
تقصد القرنفل :M_yes[1]: الياسمين ده حي في القاهرة الجديدة برضه بس ناحية الاكاديمية كده
انا حاجز زيك 140 B بص ال 140 B اصلا خلفي يعني حتي لو في الناحية الشمالية من الكومبوند فانت الفيو بتاعك هيكون الجنينة مش الشارع يعني ال 130 B هيبقي واجهة امامية علي الشارع انما احنا واجهة خلفية هنبص علي الجناين فلا تقلق انت عمرك ماهتكون واجهتك المقابر برغم ان حتي لو واجهتك ناحية المقابر ففي مسافة كبييرة بينك و بينها انا زرت الموقع كذا مرة في مسافة مش قليلة ده غير ان الارض اللي بينك و بينها تخطيتها في خرائط الجهاز اسكان فندقي ترفيهي يعني هتتعمل كومباوندز فاخرة دي اراضي مميزة جدا علي طريق السويس يعني مش بايرة ..
نيجي لل 130 A هي دي اللي ممكن تبقي الناحية الشمالية من الكومباوند لان ال 130 A في منها امامي و خلفي فالو جالك امامي ممكن تبقي في اتجاه المقابر و لو خلفي فاهتبقي اتجاه الجنينة حتي لو في الجزء الشمالي بس زي ماوضحت الموضوع مش هيبقي مشكلة هو هتبقي اقل تميزا من اللي جاله جنب النادي مثلا انما كده او كده كل مكان متخطط بحيث انه يكون ليه ميزة نسبية يعني اللي في الجزء الشمالي ده ميزته قريب من طريق السويس و جنب مدخل رئيسي للكومباوند اللي جنب النادي فيو محترم بس في نص الكومباوند فاهيمشي كتير في طرق داخلية ... الخ كل مكان ليه مميزاته فخليها علي الله يكتبلنا الخير ان شاء الله .. انا شخصيا اتمني يجيلي في الناحية الجنوبية عشان قريبة من فيلات القرنفل و مناطق خدمات القرنفل و مدخل الرحاب و قريبة من النادي بس في نفس الوقت مش لازقة فيه فهتبقي بعيدة عن زحمته و قريبة من البوابة اللي ناحية القرنفل ... بس لو جالي في مكان تاني مش هدايق القرنفل متخططة كويس بحيث ان تقريبا محدش هيتظلم كله ليه ميزته ..
الف شكر يا استاذ احمد ربنا يجازيك خير و يرزقك كل اللى نفسك فيه
هي قرعة الشروق امتي يا جماعة؟
والنتيجة بتتعرف ازاي لو ما عرفتش احضر القرعة؟
قرعة الشروق يوم 8 و 9 مارس فى استاد المقاولين
ده رابط لجدول القرعة
https://www.facebook.com/Dar.Misr.Ne...type=1&theater
السلام عليكم
انا معروض على أخد (عن طريق التنازل) شقة من القرعة ... مدينة الشروق (130 متر - نموذج b - دور متكرر) .
ارجو النصيحة اذا كانت مجدية ولقطة ولا ملهاش لازمة وغاليه .
مع العلم ان الى هيتنازل لى .... ربنا كرمة ب أكتر من شقة فى نفس القرعه وعاوز يتخلص من واحدة عشان يقدر يسدد اقساط الباقى .... وهو ثقة ومحترم
السلام عليكم
حد يعرف اذا كانت الناس بتشوف ترقيم العمارات والشقق قبل السحب ولا لا ؟؟؟؟؟
يعنى اذا حد كسب شقة رقم 3 فى عمارة 5 بيعرف اذا كانت الشقة دى ناصية ولا قبلى ولا بحرى وﻻ ﻻ
بص فضي نفسك في يوم و انزل اتفرج علي المكان و قرر انت ادري واحد بظروفك و ذوقك ممكن واحد يرتاح في مكان حد تاني ميرتحش فيه بس هو من ناحية مجدي هو مجدي و المكان من افضل الاماكن في الشروق في وش نادي جرين هيلز و جنب منطقة الخدمات فعمرك ما هتخسر فيه في اسوء الظروف لو حبيت تبيعها هتبيعها اغلي ما اشتريتها بس في نقطة مهمة هي طريقة التنازل لان كراسة الشروط مذكور فيها ان مش مسموح ببيع الوحدة الا بعد سداد كامل الاقساط فهو هيعملك توكيل في الشهر العقاري لحد ما الاقساط تخلص ولا وصولات امانة ولا هتمشوها ازاي ؟؟
شكرا جزيلا لردك .
فكرة ممتازة اننى انزل اشوف المكان بنفسى ... فعلا هعمل كده
انا عمرى منزلت مدينة الشروق ولكن طالما انت بتقول المكان تمام ....يبقى كله خير .
أما بخصوص كيفية التنازل ... انا اثق فى الشخص الى هيتنازل.....وأكمان هشوف افضل طريقة احفظ بيها الحقوق .
مرة تانية الف شكر .... وأرجو من الأخوة الأفاضل الى أستلمو فى الشروق يقولو رأيهم فى الموضوع بصراحة .
نقطة أخيرة مهمة:
أتوقع يتنازل مقابل كم .... يعنى هدفع كم زيادة ؟
متقلقش المكان ميتوهش خالص ادخل مدخل الشروق 2 من طريق القاهرة-اسماعيلية و خليك ماشي طوالي في طريق السادات لحد ماتلاقي صانية كبيرة اوي في وشك خد الصينية شمال و كمل طوالي لحد متلاقي نادي جرين هيلز المشروع في وشه ... لو توهت في اي مكان جوة الشروق اسال علي نادي جرين هيلز الف مين يدلك ..
بص موضوع الاوفر ده هيكون حسب التراضي بينكم يعني ملهاش مقياس ممكن يقولك 5 الاف زيادة و ممكن يقولك 50 الف زيادة اسمع منه هو عايز كام و اتفاوض
هو فين استاد المقاولين العرب اللي حيتعمل فيه القرعه
كل حاجزي أكتوبر رسيت القرعة عليهم و الهجوم كان على الأدوار المتكررة لدرجة ان نموذج a كان الفرق بين عدد الشقق في الأدوار المتكررة و الحاجزين 4 أو 5 شقق زيادة بس!!
واحد امبارح كان بيكلمني عن المشروع القومي للإسكان الاجتماعي وبيقول انهم منزلين شقق أول الشهر الجاي، حد عنده فكرة؟
انا اسمع برضه عن اراضى قرعة الشهر الجاى حد عنده فكرة عن سعر المتر المتوقع للتجمع والمساحات الى هتنزل
اية اللى هيتم بعد اجراء القرعة ....يعنى انا شفت اسمى ضمن كشف القرعة
حد عندة فكرة اعمل اية ؟ وﻻ استنى لغاية لما يبعاتولى
اراضي الاسكان الاجتماعي نازلة اخر مارس او اول ابريل ودي القرعة السادسة