يغني من الاخر سعر المتر هيبقي بكام لو شقة 150 متر وهدفع اد ايه ف الاول وبعد كدة ايه وسعر الشقة الاجمالي هيبقي بكام ارجو الرد بسرعه
عرض للطباعة
يغني من الاخر سعر المتر هيبقي بكام لو شقة 150 متر وهدفع اد ايه ف الاول وبعد كدة ايه وسعر الشقة الاجمالي هيبقي بكام ارجو الرد بسرعه
لا طبعا هيجوزونا بالعافية :11_5_14[1]:
الجزء ده بتملاه لو متزوج و ترفق صورة بطاقة زوجتك او صورة بطاقتك اللي مكتوب فيها اسم الزوجة بتغني عشان مش مسموح لزوجتك انها تقدم و انت تقدم واحد فيكوا بس ولا مسموح للاولاد القصر تحت 21 سنة انك تقدم باسمهم انما مش شرط تكون متزوج طبعا انا مش متجوز و قدمت :tumb:
صافي مساحة الغرف هتكون 114.23 متر مربع بنسبة تحميل 24%
السعر هيكون 637500
هتدفع مقدم حجز 45000
لما ترسي عليك ان شاءالله في خلال شهر من تاريخ اجراء القرعة هتدفع 0.2×637500-45000= 82500
بعد 3 شهور من تاريخ اجراء القرعة تبتدي تدفع الاقساط اول سنة هتدفع 10000 كل 3 شهور باجمالي 40 الف في اول سنة
بعد اما اول سنة تخلص هتدفع قسط ربع سنوي كل 3 شهور باجمالي 16 قسط (637500-40000-(0.2×637500 ))÷16 = 29375 قسط ربع سنوي (كل 3 شهور) لمدة 4 سنين
لو فيه حاجة مش واضحة قولي و متقلقش مفيش تعب ولا حاجة
طب مساحة الصافى للشقة ١٤٠ متر ( دور متكرر ) تطلع كام ؟؟
انا قدمت امبارح في بدر...وتقريبا مفيش غيري اللي قدم هناك :)
هيبنولي عماره مخصوص :)
هههه الف مبروك
يا سيدي يا سيدي حد يطول :biggrin2:
متقلقش كله هيتحجز بس احنا شعب يعشق الطوابير :D البنوك كانت بتنش في الاول استنوا لقبل ما باب الحجز يقفل بيومين و كله جري بقي عليهم طوابير
لحد امبارح عدد الحاجزين كان 35500 اعتقد عدد الحاجزين الكلي مش هيقل عن 40000 و بدر مايتقلقش منها ده هما 1488 شقة مش زي اكتوبر مثلا 12 الف و شوية فدي مش عارف هيعملوا ايه لو متحجزتش كلها
هانت هانت علي يوم الاحد ان شاء الله هنبتدي نعرف كل حاجة
بص الحكومة محدش يقدر يتنبأ بافعالها :D الصراحة مش شايف مبرر لده و كل تصريحات المسؤلين بتتكلم عن انه اخر يوم انهاردة بس وارد جدا عملوها كتير مش هتبقي اول مرة
[url=http://newcairotoday.blogspot.com/2014/12/118-10-10.html?m=1]القاهرة الجديدة اليوم: 118 % نسبة عدد الحاجزين لعدد الوحدات بـ
حددت وزارة الإسكان، ممثلة فى هيئة المجتمعات العمرانية الجديدة، النصف الثانى من شهر يناير المقبل، لإجراء القرعة العلنية لعدد 41 ألف 564 حاجزا فى مشروع الإسكان المتوسط "دار مصر"، على أن يتم الإعلان عن المرحلة الثانية للمشروع خلال أسابيع قليلة وطرحها فى الربع الأول من العام المقبل. وقال الدكتور مصطفى مدبولى، وزير الإسكان والمرافق والمجتمعات العمرانية، فى تصريحات صحفية، إنه سيتم إجراء القرعة، عقب الإنتهاء من تسجيل بيانات المتقدمين بالكامل لكل مدينة، وذلك خلال النصف الثانى من يناير المقبل، مؤكدا أن العمل بدأ فى بعض مواقع المشروع، وسيتم طرح باقى المراحل تباعا .
وأضاف الوزير :" سيتم طرح المرحلة الثانية بمدن جديدة، وبعض مدن المرحلة الأولى، خلال الربع الثانى من العام المقبل".
وأشار المهندس خالد عباس، مساعد الوزير للشئون الفنية، إلى أن مدينة القاهرة الجديدة، جاءت على رأس المدن بالنسبة لأعداد المتقدمين، حيث تقدم لها 24 ألف و199 حاجزا ، يتنافسون على 7032 وحدة، وفى المركز الثانى جاءت مدينة دمياط الجديدة بعدد 5569 حاجزا لـ 2616 وحدة، ثم العبور بعدد 3746 حاجزا لعدد 1416 وحدة، فمدينة الشروق بعدد 3291 حاجزا لعدد 1608 وحدات.
وأوضح عباس أن هناك مدن لم يتم تغطية وحداتها بالكامل، وسيتم طرحها خلال المراحل المقبلة، منها 6 أكتوبر حيث وصل عدد الحاجزين بها إلى 2940 حاجزا لعدد 12024 وحدة، والعاشر من رمضان بعدد 1570 حاجزا لعدد 2688 وحدة، والسادات 134 حاجزا لعدد 1128 وحدة ، وأخيرا بدر بعدد 115 حاجزا لعدد 1488 وحدة.
وأعلن عباس أن أجمالي مقدمات الحجز وصلت الي مليار و 646 مليون و640 ألف جنية .
29 ديسمبر 2014
واظن ان معظم المقدمين فى القاهرة الجديدة فى منطقة القرنفل نموذج b مساحات 130و140 ادوار متكررة والله أعلم
حد عنده فكره عن الاراضي اللي قالوا هتنزل في يناير ؟؟
مش شرط بس رايي زيك بش حتي لو كده فهي معوضة بعضها لان عدد الوحدات في الدوار المتكررة 130/140 اكتر بكتيير جدا من عدد الوحدات في الارضي هي بس المشكلة ان العدد اللي قدم في القاهرة الجديدة فوق 3 اضعاف الوحدات لازم يشوفوا حل يزودوا الوحدات او اللي مجالوش فعلا ياخد في المرحلة التانية من غير قرعة زي ما قال الوزير .. ربنا يسهل و نعرف كل الحاجة الايام الجاية
مفيش اي جديد عنها بس الاكيد انها هتبقي اراضي مميزة زي اللي كانوا منزلينها من كام شهر مش اراضي اجتماعي بتبقي في حدود 600 متر ل 1000 متر في اماكن كويسة بس مبتبقاش مدعومة يعني الارض بتعدي المليون و في بعض الاماكن زي القاهرة الجديدة و اكتوبر كانت الارض معدية المليون ونص
كل اللي حجزوا في التجمع والشروق هينزلهم شقق في المرحلة الاولي
النهاردة الوزير طلع تصريح انهم هيزودوا عدد المرحلة الاولي لكل اللي حجزوا ومش هتكون قرعة
لأ حضرتك فاهم غلط هما مزودوش الى هترسى عليه القرعة خلاص الى مرستش عليه هياخود فى المرحلة التانية بس كلام مش منطقى لان الى حاجز حوالى 25 الف على 7 الاف وحدات يعنى حوالى 18 مش هترسى عليهم القرعة هل هيعرف يوفرلهم كلهم شقق فى المرحلة التانية مظنش واكيد مش هتبقى نفس الموقع الاول الى هو حلو ممكن تبقى منطقة تانية اققل منها والله اعلم ايه الى هيحصل
لأ يافندم انا فاهم صح وعارف الخبر اللي حضرتك بتقول عليه ....دا خبر جديد الوزير قاله اول امبارح
اقتباس:
وأشار الوزير إلى أنه سيتم تنفيذ 13512 وحدة فى القاهرة الجديدة، بزيادة 6480 وحدة عن الوحدات المقررة، ويتنافس عليها نحو 24 ألف حاجزا، بينما سيتم تنفيذ 5856 وحدة فى مدينة دمياط الجديدة، بدلا من 2616 وحدة، بزيادة 3240 وحدة، وهو ما يعنى تغطية أعداد الحاجزين بالكامل، وسيتم مضاعفة الوحدات فى مدينة الشروق لتصل إلى 2639 وحدة، بدلا من 1607 وحدات، وسيتم تنفيذ 2139 وحدة فى مدينة العبور بدلا من1400 وحدة.
مظبوط الكلام .. الشروق و العبور و القاهرة الجديدة و دمياط الجديدة زودوا مساحة الارض و زودوا عدد الشقق دمياط الجديدة و السادات و بدر و اكتوبر و العاشر هياخدوا كلهم شقق الشروق و العبور هتبقي قرعة بس عدد اللي مش هياخدوا في المرحلة دي قليل القاهرة الجديدة بعد ما ضاعف عدد الوحدات هيتبقي حوالي 11 الف كل اللي هيتبقوا من المرحلة الاولي هياخدوا في التانية في نفس المدينة لو سابوا القلوس في البنك من غير قرعة .. هي استجابة كويسة و مرونة من الوزارة لطلبات الناس علي غير المعتاد من الحكومة فا ربنا يوفق الجميع مبروك للي ضمن شقة وربنا يوفق اللي هيدخلوا قرعة :Copy of majd(4):
دول اخر تصريحين علي موقع الهيئة مهمين جدا للحاجزين http://www.newcities.gov.eg/dispNews.aspx?ID=1147
http://www.newcities.gov.eg/dispNews.aspx?ID=1150
موضوع زيادة الشقق بالعدد الكبير ده في كل المدن لو هيبقى على حساب المساحات او الخدمات او نضافة و مستوى الشقق نفسها و الكمباوند يبقى بلاش منه أفضل
معتقدش حد هيبقى مبسوط بانه يطلع في القرعة و تبقى الشقة في الآخر اي كلام
نفسي الحكومة مرة تفكر صح بدل حوار تكديس الناس فوق بعضها ده.
فعلا الخبر مكنش نزل لسه ولسا نازل بس فعلا الاعداد زادت كده اكيد على حساب تغيير المساحات والتصميمات مش هتبقا زى الاول والله اعلم هتبقى ازاى ولكن المفروض متختلفش عن الى كانت فى كراسة الشروط نظرا لانه بمثابة عقد يعنى متغيرش التصميمات وتكدس المساحات وتقلل المساحات الخضراء او تلزق الدنيا فى بعضها والله اعلم بقا هتتم ازاى او الماستر بلان الجديدة هتبقى عاملة ازاى
البيان واضح و صريح اضافة مساحات جديدة من الاراضي ملاصقة للارض الاصلية هي دي اللي هيتبني عليها الشقق الزيادة و في القاهرة الجديدة هيبني علي المساحة اللي كانت مخصصة للمرحلة التانية يعني مفرقتش حاجة كده كده كانت هتتبني بالعكس كده فرصة الحاجزين زادت و مفيش اي تاثير علي المساحات الخضراء او البلان او الخدمات
مفيش اي تغيير في اي شئ لا مساحات خضراء و لا مساحات داخلية ولا بلان ولا خدمات ولا اي حاجة كل اللي هيتم انه كان عنده ارض فاضية مثلا 100 فدان كان هيخصص 50 منهم للمشروع بعد لما لقي الاقبال شديد هيزود الارض ل 80 فدان مثلا انما الزيادة مش علي نفس مساحة الارض ولا هيغير الموقع هي اراضي فاضية ملاصقة للموقع الاصلي هتتضاف للمشروع و ده واضح في البيان الرسمي و طبعا احسنلنا في القاهرة الجديدة 24 الف كانوا بيتنافسو علي 7000 شقة لما زود بقي بيتنافسوا علي 13500 شقة ارحم شوية
لا ليه مفيش اي تعارض 24 الف كانوا بيتنافسوا علي 7000 شقة هو خلاها 13500 شقة و اللي مش هيكسب في القرعة ليه شقة في المرحلة التانية عادي مفيش تعارض و الاراضي في القاهرة الجديدة كتيير يعني الوضع كالاتي لو مجالكش في الاولي وغايز شقة في التانية تسيب فلوسك في البنك و لما المرحلة التانية تنزل هتروح البنك تسحب كراسة شروط المرحلة التانية بدون رسوم و تقدم في نفس المدينة اللي كنت مقدم فيها ( مش شرط نفس الارض يعني مثلا ممكن المرحلة التانية تكون في اللوتس ، الاندلس ، ... الخ لو الاراضي في الشرباتلي كانت خلصت في الاولي ) و هتاخد شقة من غير قرعة ده كلام المسؤولين في الايام اللي فاتت .. خلينا نستني نشوف اللي هيتم بالظبط القرعة باقي عليها ايام حسب كلامهم في اخر يناير ..
ياريتني ماسألت :Copy of majd(4): هههههه
بس ياللا خللي اصحاب الفيلل يعيشوا :shine[1]:
قرعة المرحله الاولي حتتعمل امتي؟