الموضوع: تقسيط اسلامى؟؟؟؟

المشاركة الأصلية كتبت بواسطة magdy_c_c

ممكن شراء العربية ما يكونش فيه اضطرار لحد زى حضرتك ، و ممكن يكون ضرورى جدا ً لناس تانية مش كل الناس ظروفها واحدة ، و بعدين مش من المنطقى انى أقول لها ابعدى عن المكان الفلانى
و قسطى مع البنك العلانى !
انا كلامى كان واضح من البداية هى بتسأل عن تقسيط اسلامى فى البنوك المصرية ، و انا وضحت ان مافيش حاجة اسمها تقسيط اسلامى و تقسيط ربوى طالما الموضوع كله بيتم تحت مظلة أى بنك فى مصر فكله فى النهاية بيتبع لائحة البنك المركزى المصرى اللى نسبة العائد فيه ثابتة
نجى بقى للنقطة المهمة و هى انى قلت لها استفت قلبك و اختارى الأنسب و الأسهل
مش عارف دى مزعلة حضرتك فى ايه ؟؟؟؟؟؟؟؟؟؟؟؟؟؟؟؟؟؟؟
و بعدين حضرتك ازاى ضفت لكلامى انها تتعامل بالربا ؟؟؟!!!
لو حضرتك ما فهمتش كلامى ياريت تلتزم الصمت
و على العموم ده جزء من اللى قلته
"ما فيش حاجة اسمها تقسيط ربوى و تقسيط اسلامى
الأصل فى البيع عموما ً طريقتين
الأولى : البيع نقدى و ده ما فيهوش أى مشكلة
الثانية : البيع المؤجل و هو ده اللى فيه كل المشاكل و كل الناس و الأئمة و العلماء قتلوا هذا الموضوع بحثا ً
و لكن على العموم ان كانت نسبة الفايدة أو المرابحة أو العائد على الأموال المسحوبة من البنك ( أى بنك تحت أى مسمى ) تجلب الضرر على حضرتك ، فهنا فقط أقول لحضرتك stop و ما تكمليش أما اذا كنت مضطرة فعلا ً اختارى الأسهل و الأنسب و استفت قلبك بعيدا ً عن أى كلام من أى حد "

بيتهيأ لى الكلام ده ليس فيه أى توجيه من أى نوع لأى مكان
يا راجل يا مؤمن ده أنا باقول لها استفت قلبك و ما تاخديش بالظاهر و لا اسلامى و لا غير اسلامى كله ضرر عليك ، يعنى حاولى تفكرى فى حلول تانية ( و دى بتبقى حاجات خاصة تستلف ، تعمل جمعية ، تستخير ربنا ، تتراجع عن الفكرة من أساسه .......الخ )

يا راااااااااااااجل يا طيب ده انا كلامى كله ان الموضوع فيه شبهة حرااااااااااااااااااااااا ام
و لا فيصل الاسلامى و لا البدنجانى طالما السلعة مش مملوكة للبنك و عليها تأمين و حظر و غرامات فى التأخير عن السداد يبقى ربا .
و الموضوع اللى انا وجهتها له بيأكد كلامى
http://www.nilemotors.net/nile/412977-a.html (حلال أم حرام)
هو حضرتك فهمت ازاى ؟؟؟
" و لا تقربوا الصلاة " ؟؟؟ يبقى ما نصليش؟؟؟
مش تركز فى الموضوع علشان تفهم السياق ؟

انا مش فاهم حضرتك فهمتها ازااااااااااااااااااااااى ؟؟؟؟!!!
و على العموم هات الموضوع من الأول يمكن تستفيد !

أنا قرأت الموضوع من الأول وانت مجبتش سيرة عن موضوع الربا نهائي!
العربية مش من حالات الاضطرار عند أي حد، لأن ببساطة انت ممكن تشتري عربية مستعملة..وبعدين الضرورة دي مش حاجة واسعة بنلعب فيها على مزاجنا، في فرق بين الضرورة والحاجة..اللي انت قصدك عليه اسمه "الحاجة" ودي لا تبيح المحظورات..إنما الضرورة دي حاجة ضيقة جداا زي أكل الميتة مثلا، حتى إن العلماء قالوا انه لو هيأكل الميتة، يأكل ما يقيم جسمه حتى لا يموت.
دي النقطة اللى كنت بتكلم عليها، أما كلام حضرتك بخصوص البنوك فأنا متفق معاه..
وبعدين مفيش داعي للعصبية..في ناس بتبقى عندها غيرة على الدين مش أكتر..عيب تقولي التزم الصمت..وحضرتك فهمت ازاي!!
البيان عند العالم بالأمر واجب مش بمزاجنا نتكلم يعني لإن الله كتب على أهل العلم لتبيننه للناس ولا تكتمونه: قال عز وجل "وإذ أخذ الله ميثاق الذين أوتوا الكتاب لتبيننه للناس ولا تكتمونه.."
لا تقلل من قدر الناس وعلمهم وأفهامهم فأنت على صفحات الإنترنت لا تعلم من يكتب ولم يكتب!