هى ليه الفورد موستانج ما بتنزلش مصر

**youssefmustang** · 30-11-2008 02:17 PM

العربية دى ملهاش حل يا اخونا اتعرفت على واحد عربى عندنا فى المعهد بتاعنا فى الهرم وكانت معاه الواد ده كويتى اصلا فكان ورايا فى اللجنة فى الامتحانات طبعا عشان عرب وكده وفلوس ما بيجوش غير اخر شهر فى الدراسة وطبعا بيدفع 66000 جنيه فى السنة فا ماشية معاهم كوسة المهم الواد مش عارف حاجة فى الامتحان رحت مغششه بعض الاسئلة المراقب المحترم راح قالى انت بتغششه ليه قوم اديله ورقة الاجابة بتعتاك وراح ناقلنى جنبه (تقريبا الواد كان مظبطه فلوس) الواد خد منى ورقة الاجابة وقعد يحرت من الاجابة قولت عنب رحت مطلع البرشام واشتغلنا مع بعض والمراقب يقولنا بسرعة ياض انت وهو قبل ما حد يجى من بره ... المهم خلصنا ونزلنا الواد قابلنى وقعد يشكر فيا يجى ساعة المهم قالى اوصلك معايا قولتلو شكرا همشى مع اصحابى قعد يحلف والله ما تمشى على رجليك قالى تعالى رحت معاه الاقيه بيفتح الفورد موستانج انا جسمى قشعر منها قولتلو دى بتاعتك قالى اه قلتلو ربنا يستر المهم ركبت العربية من هنا ومحستش بالدنيا العربية نازل معها 2 تيربو وموتور 5400 سى سى بقوة 850 حصان العربية 6 غيار الواد بيحرق الغيار الاول جاب 60 كيلو والتانى جاب 95 وشغل التكييف على 2 انا اتجمد بصراحة ونازل معاها عدة صوت بنت حراااااام 10 سماعات فى العربية يبطلعو صوت عمرى ما سمعتو ونازل معاها Gps المهم الراجل وصلنى وقالى ابقى ذاكر كويس عشان المادة التانية ....
بصراحة يا جدعان المفروض العربية دى تنزل مصر بسعر كويس العربية دى احسن من الجيب واحسن الجولف واحسن من البى ام دبليو.
اخوكم يوسف

**ahmad--ezzat** · 01-12-2008 12:48 AM

ادينى نمرتو بسرعة هههههههههه
على فكرة عادى موضوع التانى 95
انا بجيب بالنوبيرا 100 على التانى وبتفصل

**wkisho2005** · 01-12-2008 01:02 AM

نمرتوا ايه دانا لو مكان يوسف كنت قتلت الواد واخدت العربية ههههههههه
او اقوله لو عايزني اغششك الامتحان الجاي اسوق العربية شوية بس بصراحة الواحد يخاف يسوقها احسن يحصلها حاجة ولا بتاع

ومبروك يااحمد باشا علي النوبيرا بس متقساش عليها كدا ياعم العربية لسة بتلين وربنا يباركلك فيها يارب

**ahmad--ezzat** · 01-12-2008 01:06 AM

كنت بجربها بس مش اكتر انا على بنقل عند 2 ونص

**youssefmustang** · 03-12-2008 05:33 PM

والله من ساعتها وانا كاره كل العربيات بالذات البى ام والمرسيدس فعلا اللى يركب الموستانج يكره اى عربية حتى لو بوجاتى

**Adham** · 26-12-2008 01:47 PM

لكذا سبب

اولهم السي سي العالي بتاعها بيخللي الجمارك عليها عالية قوي 500 خمسة و.... قول 700 % هههه

و استهلاك بنزين بجنان

و وكيل خدمتة مكلفة و قطع غيار مش متوفرة برة الوكيل بتاتا