هحكيلكم الحكاية باختصار
انا اشتريت فليونس فول اوبش هنا فى السعودية موديل 2015 فى اوائل شهر 9 استلمتها
طبعا فى الخليج كان معروف ان الشكل مختلف عن مصر
فى منتصف شهر 10 فؤجئت ان موديل 2015 نزل فى الخليج نفس الشكل فى مصر
طبعا انا اضايقت جداااا و اعتبرت ما حدث استهبال لعدم ابلاغهم لى ان الشكل هيتغير

المهم ذهبت للوكيل هنا فى السعودية و طبعا و انا مضايق مما حدث الحقيقة الناس قابلتنى و امتصت الغضب الذى كنت فيه و لكن كل ما فعلوه هو الكلام و بس
مثل معلش احنا والله مكناش نعرف ان الشكل هيتغير خلاص بقى الخيرة فيما اختارها الله نصيبك كده
المهم خرجت من هناك بدون ان اقتنع بتلك المبررات و الاقاويل

فقررت وقتها ان اصعد الموضوع للاعلى منهم و قررت ان اراسل شركة رينو نفسها فى فرنسا
المهم ارسلت خطاب شديد اللهجة جدا لهم و اوضحت لهم ما حدث و قلت لهم اننى اعتبر ما حدث هو خداع لاننى اشتريت موديل السنة وليس السنة السابقة
المهم زيلت الرساله بأستهجان قوى منى لهم

ما حدث كألتى

بعد مرور اسبوعين وجدت رساله منهم على الايميل
نصها اعتذار و انهم قاموا بتحويل الرساله للوكيل المختص لاتخاذ اللازم
اليوم الثانى للرساله فؤجت باتصالات من الصباح الباكر وحتى العشاء من رينو السعودية
و كلام من عينة احنا تحت امر حضرتك احنا هنا لخدمتك اللى يريحك هنعمله
و اتصال من مدير المبيعات و دعانى لمقابلته
و اتصال اخر للتاكد انهم اتصلوا بى
و اتصال اخر للتاكد اننى راضى

المهم ذهبت للمدير فى الفرع و الحقيقة كان فى منتهى الاحترام و بعد كلام كتير و دردشه
المهم قاللى طلابتك ايه فى فرنسا نبهوا علينا انك لازم تكون راضى و اننا نراضيك باى شكل
ايه طلاباتك قلت لهم اريد ما يوجد فى الشكل الجديد من ليدات
قال لى سوف اراسل فرنسا و اعرض عليهم طلبك و بمجرد الرد هكلمك

اليوم التالى اتصال اخر من رينو للتاكد من اننى لست غاضب

المهم بعد اسبوعين
اتصل بى مدير المبيعات حيث انه جائه الرد من فرنسا
بما يلى
انهم يعرضون عليا صيانه مجانية فى مقابل اننى اكون راضى عنهم حيث ان تكلفة تغيير شكل السيارة و تركيب الشكل الجديد لها عالية جدا
لذا هم يعرضون عليا صيانه مجانية كأعتذار منهم لى عما حدث
حيث سيقومون بعمل اربع صيانات للسيارة بشكل مجانى تمام كتعويض لى

الخلاصة ان انا هعمل اربع صيانات مجانية للسيارة كتعويض و اعتذار منهم عما حدث

اسف طولت عليكم بس حبيت انقل التجربة كاملة لعل اى شخص يحتاج لها فى اى وقت

و اسف للاطالة مرة اخرى