الموضوع: تخفيض الجمارك علي bmw بداية من يناير 2015

المشاركة الأصلية كتبت بواسطة 8hassan8

طيب انا كنت ناوى اشترى بى ام الشهر دة استنى لى بداية السنة و لا اعمل اية؟
خصوصا ان شركة بى ام دبليو عملة تقسيط حلو و هينتهى على اخر الشهر دة فا عاوز اعرف ازا كانت العربية سعرها هينزل و لا يفضل زى ما هوة

ممكن حضرتك تشرحلنا اية هو العرض بتاع التقسيط دة لانى ناوى اشترى بس مستنى موضوع اول السنة دة

يا جماعة انا جالي اخبار ان ال 316i 2015 هتزيد ةى 20 الي 30 الف خلال الاسبوع الي جاي او الي بعده بالكتير اوي :((((((((((((((((

أيه ،،،،، يعني هتبقي ب ٣٧٦ تقريبا !!!!!!!!!!
مش عايزين خصومات علي الجمارك ،
أحنا غلطانيين أننا أتكلمنا في التخفيض بس بلاش زياده ،
هو ليه أحنا في مصر ماشيين بعكس الدنيا كلها ليه ؟!!!!!

المشاركة الأصلية كتبت بواسطة ayman_saad

أيه ،،،،، يعني هتبقي ب ٣٧٦ تقريبا !!!!!!!!!!
مش عايزين خصومات علي الجمارك ،
أحنا غلطانيين أننا أتكلمنا في التخفيض بس بلاش زياده ،
هو ليه أحنا في مصر ماشيين بعكس الدنيا كلها ليه ؟!!!!!

استاذ ايمن .. اخبارك ايه .. ها نزلت مصر ولا لسه علشان نعرف اخبار الجمارك هيعملوا ايه معاك

المشاركة الأصلية كتبت بواسطة ahmediz2000

استاذ ايمن .. اخبارك ايه .. ها نزلت مصر ولا لسه علشان نعرف اخبار الجمارك هيعملوا ايه معاك

أهلا وسهلا أستاذ أحمد
والله الحمدلله أنا أستلمت وبأذن الله العربيه هتسافر يوم الأربعاء ،
وكلمت واحد مخلص في السويس عن طريق ناس دلوني عليه ،
أول الأمور ماتستقر والعربيه تدخل السويس ونخلص الجمارك لحد ماتوصل أسكندرية هعمل تقرير شامل كل
شئ من أول ما أشتريت لحد مارخصت و طبعا هذكر أسم المخلص وأرقام تليفوناته علشان الكل يستفاد بأذن الله ،
أدعولي أن الجمارك تطلع زي ما أنا حططها في دماغي بالظبط ،
علي فكره
العربيه هنا مختلفه تماما جزئيا وكليا عن ألي في مصر ، تعرف حضرتك حتي لو هتقف علي في الأخر أكتر من مصر
فأنا هكون مبسوط لأن وبكل ثقه العربيه البي أم في السعودية غير ألي في مصر نهائيا ،
صفقه ناجحة بأذن الله بكل المقاييس

المشاركة الأصلية كتبت بواسطة ayman_saad

أهلا وسهلا أستاذ أحمد
والله الحمدلله أنا أستلمت وبأذن الله العربيه هتسافر يوم الأربعاء ،
وكلمت واحد مخلص في السويس عن طريق ناس دلوني عليه ،
أول الأمور ماتستقر والعربيه تدخل السويس ونخلص الجمارك لحد ماتوصل أسكندرية هعمل تقرير شامل كل
شئ من أول ما أشتريت لحد مارخصت و طبعا هذكر أسم المخلص وأرقام تليفوناته علشان الكل يستفاد بأذن الله ،
أدعولي أن الجمارك تطلع زي ما أنا حططها في دماغي بالظبط ،
علي فكره
العربيه هنا مختلفه تماما جزئيا وكليا عن ألي في مصر ، تعرف حضرتك حتي لو هتقف علي في الأخر أكتر من مصر
فأنا هكون مبسوط لأن وبكل ثقه العربيه البي أم في السعودية غير ألي في مصر نهائيا ،
صفقه ناجحة بأذن الله بكل المقاييس

ربنا يباركلك فيها ويحسن جماركها :) .. انا حجزت خلاص ومستنيها توصل .. مستني تقريرك بفارغ الصبر :))

المشاركة الأصلية كتبت بواسطة Ahmed A.Maksoud

كالعادة مع أول كل سنة نفس السؤال

الأتفاقية مطبقة من 2010......ال 10% اللى بيقلوا هما من قيمة الجمارك اللى على العربية

جمارك العربية لحد 1600 سي سي بتبقى 40%

يعني 10% من 40% = 4% من سعر العربية

كمثال على كده

عربية سعرها برة مصر 1000 ألف جم
بتحط جمارك 40% يعني 40 ألف
و 15% ضريبة مبيعات يعني 15 ألف
و 3% رسم تنمية يعني 3 ألاف
تقف فى الأخر ب 158 ألف جم

طيب بعد تطبيق الأتفاقية ؟

عربية سعرها برة مصر 1000 ألف جم
بتحط جمارك 40% يعني 40 ألف نشيل منهم 10% يعني 36 ألف
و 15% ضريبة مبيعات يعني 15 ألف
و 3% رسم تنمية يعني 3 ألاف
تقف فى الأخر ب 154 ألف جم

طيب ليه مش بنشوف فرق السعر ده ؟

شوف سعر الدولار في يناير 2014 كان كام و دلوقتي بقى كام
هتلاقي أن زيادة سعر الدولار غطت على ال 10% اللى قلت من الجمارك.

و مرحباً بيك فى مصر.

و بالمناسبة الشرايح اللى مكتوبة فى المقال فوق مش مظبوطة

يعني حتى 1599 سي سي شريحة ( بنقول عليها 1600)
1600 لحد 2000 سي سي شريحة (يعني أى حاجة 1800 أو 2000 سي سي)
أعلى من 2000 شريحة أو أكتر مش فاكر.

الجمارك على الشريحة التانية (1800 أو 2000 سي سي) بتوصل ل 185% من سعر العربية ( جمارك+ ضريبة مبيعات+ رسم تنمية)

مبدئياً المفروض أحنا مالناش دعوه بسعر الدولار لسبب بسيط :
وهو أن الوكلاء والتجار بيستوردوا العربيات من أوروبا باليورو وليس بالدولار ، واليورو اليومين دول مضروب ،
تاني حاجة ألي أنا فهمته من حكاية الجمارك دي بالنسبة للعربية الـ 1600 cc بدل ماتوجع دماغك بالـ 40%
والـ 4% والنسب دي كلها ، خد المبلغ ثمن العربية وأضربه في 66% هيطلع لك جمارك السيارة الفعلية ،
يعني تقريباً البي أم الفئة التالته 316 بتتحسب في الجمارك 21500 يورو ، أضرب المبلغ ده في سعر اليورو
اليوم مثلاً ( 8.5 ) جنيه ، يعني تقريباً جماركها هتبقي في حدود 120 ألف جنيه ، وخلاص علي كده
الكلام ده بالنسبة طبعاً للي هيشتري عربية من الخارج .