تخفيض الجمارك علي bmw بداية من يناير 2015

**Ayman_saad** · 16-12-2014 02:18 PM

السلام عليكم ورحمة الله وبركاته

تخفيضات علي جمارك السيارات الأوربي وطبعا bmw في المقدمة ، وإلي حضراتكم الخبر :

علم اليوم السابع من مصادر مطلعة داخل مصلحة الجمارك المصرية أنه مع بدء تطبيق قرار تخفيض القيمة الجمركية على السيارات الأوروبية من شهر يناير المقبل، ستصبح 30% بدلا من 40% من قيمة السيارة والتى تصل لـ1500 سى سى. وأضافت المصادر أن السيارات من 1600 إلى 2000 سى سى ستنخفض من 60% إلى 50% وفوق 2000 سى سى ستصل لـ70% بدلا من 80% من قيمة السيارة، موضحا أن الاتفاقية تقضى بوصول القيمة الجمركية ل صفر بحلول عام 2020. وقالت المصادر إن على رأس السيارات التى ستخضع لقرار التخفيض هى "بى إم دبليو ومرسيدس وفولكس فاجن وأوبل وسيتروين وفولفو وفيات وكرايسلر وسيات وبيجو". كانت الحكومة المصرية السابقة، برئاسة الدكتور هشام قنديل، قد أصدرت قرارًا بوقف تطبيق اتفاقية الشراكة الأوروبية لمدة عام، يبدأ من يناير 2013، وينتهى نهاية ديسمبر 2014، وذلك لحماية الصناعة المحلية، ومصانع التجميع بمصر. وتقضى اتفاقية الشراكة الأوروبية، بعمل تخفيضات جمركية سنوية 10%، حتى تصل إلى الصفر بحلول عام 2019 .

أنا شايف أنها خطوة رائعة ومفيدة لجميع الأطراف ولكن عندي أحساس أن ألي هيكون أكثر أستفادة من
التخفيضات دي هما المغتربين ، في مصر جشع الشركات هيخلي الناس ماتحسش بالتخفيض في أسعار
السيارات ولكن المغترب هتبقي بالنسبة له صفقة ممتازة .

**ahmediz2000** · 17-12-2014 11:37 PM

طب ياريت

**AHMEDJUDDY** · 18-12-2014 01:12 PM

مفيش حاجه بترخص في العزيزه مصر
اي حاجه سعرها بيثبت او بيزيد لكن حاجه ترخص ....
اشك في هذا بل اجزم ان الاسعار هتزيد من اي بند تااااااااااني
ده كفايه الدولار اللي وصل 7.70 جنيه سوق سوداء
وتقولي الحكومه هترخص الاسعار .. يبقي انت اكيد مش من مصر

**Ayman_saad** · 18-12-2014 02:01 PM

المشاركة الأصلية كتبت بواسطة ahmediz2000

طب ياريت

نتمني من الله

**Ayman_saad** · 18-12-2014 02:03 PM

المشاركة الأصلية كتبت بواسطة ahmedjuddy

مفيش حاجه بترخص في العزيزه مصر
اي حاجه سعرها بيثبت او بيزيد لكن حاجه ترخص ....
اشك في هذا بل اجزم ان الاسعار هتزيد من اي بند تااااااااااني
ده كفايه الدولار اللي وصل 7.70 جنيه سوق سوداء
وتقولي الحكومه هترخص الاسعار .. يبقي انت اكيد مش من مصر

هو السؤال المفروض يبقي ( أنت أكيد مش ( في ) مصر ) ،

وعلشان كده أنا قولت ألي هيستفيد من التخفيض ده هما المغتربين ألي زي حالتنا ،

وفعلا الدولار بقي كارثة وبقينا مش عارفين أحنا بنطلع لقدام ولا بنرجع لورا ؟!!!!!!

**sherif4004** · 18-12-2014 02:57 PM

المهم يطبق في أي حاجه السعر العالمي في المصروفات والواردات ونبقي زى دول العالم الحر

**م أحمد** · 18-12-2014 09:11 PM

الاتفاقية اساسا المفروض انها مطبقة من 2010 ؛ ال 100 % على ال 10 سنين و تنتهى ب 2019 ؛ و التخفيضات قائمة بالفعل

اومال ايه اللى حاصل ؟!!!!!!!!!!!

تقرير الجهاز المركزى للمحاسبات السنة اللى فاتت قال ان اصحاب التوكيلات دخل جيوبهم 800 مليون جنيه من عدم تطبيقها على الارض

وطبعا دول اصحاب التوكيلات الاوروبية الحرامية

و الجماعة الهاشتاجات اصحاب التوكيلات الكورية واليابانية و الذى منه ساكتين وراضيين على الرغم من عدم استفادتهم بصورة مادية مباشرة من عدم تطبيق القرار لان لو سعر الاوروبى نزل هيبيعو تكاتك

**Ayman_saad** · 19-12-2014 03:13 PM

المشاركة الأصلية كتبت بواسطة sherif4004

المهم يطبق في أي حاجه السعر العالمي في المصروفات والواردات ونبقي زى دول العالم الحر

لا أظن أننا نبقي زي دول العالم الحر ،
يارب يكون هناك أستفاده من موضوع الجمارك ده

**Ayman_saad** · 19-12-2014 03:15 PM

المشاركة الأصلية كتبت بواسطة م أحمد

الاتفاقية اساسا المفروض انها مطبقة من 2010 ؛ ال 100 % على ال 10 سنين و تنتهى ب 2019 ؛ و التخفيضات قائمة بالفعل

اومال ايه اللى حاصل ؟!!!!!!!!!!!

تقرير الجهاز المركزى للمحاسبات السنة اللى فاتت قال ان اصحاب التوكيلات دخل جيوبهم 800 مليون جنيه من عدم تطبيقها على الارض

وطبعا دول اصحاب التوكيلات الاوروبية الحرامية

و الجماعة الهاشتاجات اصحاب التوكيلات الكورية واليابانية و الذى منه ساكتين وراضيين على الرغم من عدم استفادتهم بصورة مادية مباشرة من عدم تطبيق القرار لان لو سعر الاوروبى نزل هيبيعو تكاتك

طيب ومش فيه حاجه أسمها هيئة الرقابة علي الأسعار ،
ومش فيه حاجة أسمها وزارة التمون ،
يعني هنفضل طول عمرنا في المرار ده !!!!!!

**8HaSSaN8** · 20-12-2014 02:33 AM

طيب انا كنت ناوى اشترى بى ام الشهر دة استنى لى بداية السنة و لا اعمل اية؟
خصوصا ان شركة بى ام دبليو عملة تقسيط حلو و هينتهى على اخر الشهر دة فا عاوز اعرف ازا كانت العربية سعرها هينزل و لا يفضل زى ما هوة