الدهان بالاسبراى

**Osama_soliman** · 02-11-2008 11:48 AM

وانا باركن حكيت بسور او عمود حديد

المهم الرفرف اتجرح وجزء من الباب

هل استخدام علب الاسبراى من نفس لون العربية فى مشكلة

العربية اوبل كورسا أزرق ميتاليك

ارجو الافادة

**wessam_star** · 05-11-2008 02:55 PM

اولا السلام عليكم :
لا يا باشا لان لون الاسبراى ممكن ميكونش نفس درجه لون العربيه ودا بعد كدا هيبقى شكله وحش جدا لانك هتلاقى العربيه كانها فيها بقعه يا اما فاتحه او غامقه حسب لون الاسبراى زى ما قولتلك فوق اللى هوا اصلا مش نفس درجه لون العربيه ..
وممكن تجيب اى حاجه من بره بس تبقى مسطحه وترش حبه من الاسبراى وتسيبه ينشف خالص وقارنه بلون العربيه لو لقيته هوا هوا تماما لا افتح ولا اغمق يبقى اتوكل على الله غير كدا منصحكش
ومستنين راى الخبراء فى الموضوع دا

بس خلى بالك عربيتك ميتالك دا اللى خايف منه حتى لو اللون طلع هوا هوا

**Osama_soliman** · 06-11-2008 01:15 PM

اشكرك يا wesam على سرعة استجابك

وانا إن شاء الله اليوم (علشان بس يوم اجازة) سوف اقوم برش الجزء اللى فيه المشكلة

وربنا يكرم

واشكرك مرة اخرى

**human** · 06-11-2008 01:42 PM

و رش فى منطقه خاليه من الاتربه
و ياريت حد من الاعضاء يشرحل الطريقه الصح للرش

**badblood** · 06-11-2008 01:45 PM

بويه العربيات ليها مكونات اضافية عشان ثبات البويه على العربيه واللمعه مكان
مثلا اللمعة محتاجه ورنيش بعد ماتخلص البويه
والبويه كمان لازم تترش في فرن تحت درجه حرارة معينه
والاضافات زي المثبت والثينر

**wael_adel31** · 06-11-2008 01:57 PM

لو الخدوش صغيرة ممكن تروح لمحل بويات (عربيات طبعا) وتجيب منه أققل كمية 50 جرام من نفس لون العربية وها طبعا هيشوق الرقم بتاع اللون ويقارنه بلون العربية ويحط اضافات والكلام بتعهم ده وهيديك العلبة باللون وتخليها معاك احتياطى لأى ظروف,المهم ممكن تجيب قطنة وتيل طرها وتديه مسحة خفيفة جدا بس تأكد ام حط كل المكونات على البوية يعنى(بوية-شوية مثبت-ورنيش)
وممكن تخليه يعملهاك ده كله لو الخدوش بسيط .
وبالتوفيق

**wael_adel31** · 06-11-2008 02:01 PM

صحيح الأول ممكن تجرب ال بولش أو ال كمبوند ده بيشيل أى اثار بتاعت الحكات دى وبيشيل الألوان اللى بتتكون من الحكات دى وبتستخدمه عن طريق تغمس قطنى منه وتحطها على المكان المخدوش وتسيبه دقيقتين وبعدين تبداء تفركها بنفس القطنة لحد ملون الخدش يروح وبعدين تمسحها بفوطة ناشفة عشان تلمع.
وال بولش ده بيتباع عند أغلب بتوع قطع الغيار ومهم وجوده فى العربية