الموضوع: استشارة في سخان الغاز

يعني لو زودت ضغط الميا هل كده هيشتغل عادي اصل لما بزود ضغط الميا السخان مش بيشتغل

المشاركة الأصلية كتبت بواسطة أبو آسر

السخان الغاز ده اختراع فاشل لكل واحد عنده ضغط المية مش مظبوط زي حالاتي
أنا كان عندي الكهربا برده مريحني جدا ولما باظ جبت أوليمبيك 10 لتر زيك ودلوقتي بشغله على أقل ضغط مية بالعافية وكل شوية الحرارة طالعة نازلة وبدل ما كنت باخد دش في 10 دقايق ممكن أقعد دلوقتي 20 دقيقة نصهم بيضيع في تظبيط المية ! حاجة تقرف بجد

هو الحمدلله مش بيفصل وهو علي ضغط ميا قليل بس المشكلة مش عارف مش حاسس انه ممتع زي السخان الكهرباء

المشاركة الأصلية كتبت بواسطة طارق _عبد السلام

على ماتتعود عليه هتحس انه افضل بكتير لكن لانك اقتنيت اوليمبك حظك بئى لان اغلب من اشتروه اشتكوا منه

عندى الغاز راكب فى الحمام وعندى الكهرباء فى المطبخ كنت عامله احتياطى لاى سبب او عطل

لم استخدم الكهرباء غير مره واحده او اتنين فى الشتاء الماضى وكان تيار الهواء شديد جدا وبيدخل من مدخنه السخان وبيطفيه. فاستعملت الكهرباء

لكن بجد السخان الغاز نعمه يكفى انك بتفتح تلاقى المياه السخنه حاضره وبظبطه على اقل درجه حراره

ووضع صيفا وشتا بعمله على وضع صيف بيخلى المياه السخنه نازله فاتره بدرجه مقبوله جدا ولااحتاج لتظبيط المياه مع مياه بارده يعنى بفتح من الخلاط الساخن فقط

وبستخدم سخان غاز اريستون


وملحوظه لكل مقبل على شراء سخان غاز ان تتاكد وانت عند البائع ان السخان اصلا مجهز لغاز طبيعى

لان كل السخانات منها غاز طبيعى وغاز بوتجاز والبياع بيبيع اى حاجه لاى حد

هو ممكن لحد مااتعود عليه فعلا وفعلا احسن حاجة فيه انك تفتح في اي وقت تلاقي الميا سخنة علي طول
شكرا جدا ليك ياباشا

المشاركة الأصلية كتبت بواسطة ali ashraf

الفرق بين الغاز و الكهرباء ان الكهرباء لا يحتاج ضغط ماء عالى لأنه فى واقع الامر خزان ماء ساخن و من الآخر يتركب موتور ماء يتركب سخان كهرباء و تبيع الغاز

انا مركب موتور ميا والميا مش ضعيفة في الميا الساقعة خالص او لما بفتح اي حنفية لكن هو التعليق علي الميا السخنة