الموضوع: الاخوة الافاضل بتوع مصلحتهم

يااستاذ احمد صدقنى محدش بيبعد عن المنتدى الا لظروف خارجه ن ارداته و كمان انا واحد من الناس عملت زيك حصلت ليا مشكلة و كتبتتها و مستنى اروحو احاول حلها عشان اكتب النتيجة زى المشكلى الى حصلتلك قبل كده و استنيت لما حصلت النتيجة و قولتها لينا

بس انا اناشد استاذة البرتون و عمادء البرتون على نايل مموتورز خدمه لوجه الله

ياريت لو سمحتوا لو حد سال عن العربية حد منكوا احكولوا عن قطع الغيار اسعارها ايه لان الموضوع ده اتقال ادامى ان بتوع نايل متورز لما تسالهم عن عربية مقارنة مع البرتون كله بيكلم عن الاداء و القوة محدش بيجب سيرة قطع الغيار الغالية بدون مبرر و سوء التوكيل الى ابتدى يتصلح بفضل الله و بمجهود الاعضاء الاافاضل
انا حبيت الفت نظركم عشان المشاركة الى انتوا طالبينها تبقى بجد مش كلام و ندافع عن العربية بدون حيادية

انا ليه رأي تاني ياستاذ احمد
وهو اننا بنجاوب عىل الاسئله من واقع التجربه الشخصيه
وماتزعلش نفسك انت اكيد عارف مواضيعي ومشاركاتي ومع ذلك سايب استفسار من 4 ايام وماحدش عبرني برد واحد ومع ذلك مازعلتش وعادي جدا
فانت احتسبها لوجه الله وكمان لانك ممكن تتحط في موقف زيه وتلاقي اللي يقف جمبك وانت من الاعضاء المشهوره هنا واكييييييد الاداره مقدره ده

المشاركة الأصلية كتبت بواسطة ahmedsiyam

السلام عليكم

الاخوة الافاضل الكرام انا لاحظت ان فى اعضاء كتير يدخلوا على المنتدى و قسم زيى بروتون مثلا يقعد يسال فينا و يستجوبنا لانه متخوف من العربية و عنده حق الكلام كتير عليها بس هو عمل الصح و سأل الناس اللى راكباها يقوم يرد عليه اخوة افاضل تانين مالهمش علاقة بالعربية من اساسه و لا ركبوها حتى و يقعدوا يفتوا و احنا مالكى العربية الاساسين نقعد نرد و نحاول ننفى الكلام الفارغ العارى من الصحة لانه بمنتهى البساطة موش عن تجربة ونقعد نفهم الاخ صاحب السؤال الكلام المظبوط و اللى نابع من تجربتانا احنا
وفى الاخر نلاقى الاخ صاحب الاسئلة اللى قعد يسألنا 100 سؤال و سؤال اشترى العربية فعلا و يقول انه استلم فعلا و باركولى بقى و شوية التقييمات اللى فى الاول الخايبة اللى هى اصلا موش حكم صحيح على العربية سواء حلوة او وحشة و بعد كده لا حس و لا خبر عن العضو الفاضل و مصلحته انتهت و قاعد مقضيها بالعربية و شكرا على كده

يا جماعة لا انا و لا الاخوة الافاضل اللى بيردوا معايا فاضيين و لا عندنا الوقت اللى موش عارفين نعمل بيه ايه
انا واحد من الناس بادخل نايل موتورز هو يدوبك قسم بروتون القى عليه نظرة سريعة و اخرج لانى مشغول فى شغلى او فى امور الحياة العادية انما باحاول اوجد وقت و لو صغير من باب الالتزام مع الناس اللى كانت بتساعدنى فى اتخاذ قرار شراء العربية دى و انى ابقى موجود معاهم انقل خبرتى و تجربتى بمنتهى الامانة عن العربية و بدون تحيز

انا اسف اذا كنت طولت عليكم بس كان لازم المقدمة دى علشان يتفهم الغرض عنوان الموضوع

ياريت يكون من الاخوة الافاضل شوية التزام و يبقوا متواجدين و لو بوقت بسيط جدا يشاركونا تجربتهم و نستفيد من خبرتهم برضه بالعربية
لو تتفرجوا على الجروب الخاص بنادى الجين 2 الموجود على الفيس بوك الناس عاملة توبكس عن المشاكل و كيفية معالجتها و متعاونين مع بعض الى حد ما

معلش طولت عليكم انما انا بصراحة مابحبش موضوع المصلحة ده و احب الاحساس بالمسؤلية وباقدره جدا و من هذا المنطلق فتحت الموضوع ده علشان الناس تبقى واخدة فى اعتبارها اننا خصصنا وقت ليهم يا ريت هم كمان يبقوا يخصصوا وقت لباقى الاخوة لنقل تجربتهم علشان الفائدة تعم
اشكركم جميعا

بأمانة حضرتك عندك حق مليون المية .وأنا واحد من الناس اللى ياما إستفاد من حضرتك . وأنا عن نفسى مش ممكن حد يستفيد منى بحاجه لحد دلوقتى غير معاناتى مع مسئولين البيع فى عز العرب خصوصآ فرع السابع هما والبنوك المعينة اللى بتتعامل معاهم .

المشاركة الأصلية كتبت بواسطة hafez35

مصلحة ايه يا عم الحاج الكلام دة ليس له اساس من الصحة ويا سيدى اذا كان على النصيحة خليها معاك زى كاتم العلم هى مش اختراع الذرة

مين الأخ ؟
آولا أحب أرد على حضرتك إن سعتك كنت زى وزى ناس كتير أوى كنا لما بنحتاج حاجه أو حد يشاركنا كانت الناس دى أول ناس بترد عليا وأفتكر لحضرتك موضوع بإسم
( شاركونى إختيار لون الواجا )وكمان أغلب ردودك بتكون ردود إستفساريه
كنت أتمنى إن يكون فهمك وردك للموضوع بصورة أنضج من كده

انا على فكره متابع المواضيع والاحداث وبعض الاحيان اطرح بعض الاسئله ولاكن مشاركه فعليه لسه لانى حاجز الواجا 2009 ولسه مستلمتهاش

المشاركة الأصلية كتبت بواسطة ussamalh

بس انا اناشد استاذة البرتون و عمادء البرتون على نايل مموتورز خدمه لوجه الله

ياريت لو سمحتوا لو حد سال عن العربية حد منكوا احكولوا عن قطع الغيار اسعارها ايه لان الموضوع ده اتقال ادامى ان بتوع نايل متورز لما تسالهم عن عربية مقارنة مع البرتون كله بيكلم عن الاداء و القوة محدش بيجب سيرة قطع الغيار الغالية بدون مبرر و سوء التوكيل الى ابتدى يتصلح بفضل الله و بمجهود الاعضاء الاافاضل
انا حبيت الفت نظركم عشان المشاركة الى انتوا طالبينها تبقى بجد مش كلام و ندافع عن العربية بدون حيادية

ياراجل حرام عليك


ياريت حضرتك تبص على توقيعى و تدخل تشوف المواضيع ديه

الموضوع الى انا قولتله مش محتاج منك و الله حرام عليك
لان انا كنت بنقل رسالة عن لسان اخرين و اللهم انى بلغت فالهم فاشهد
و كمان الينك الى حضرتك حطيته بيتكلم عن الواجا و انا بتكلم الجين 2 و كمان واحد محطوط بتاريخ 29/10 و التانى 30/9 و الاتنين بيتكلموا عن الواجا يعنى مش محطوطين من فترة كبيرة
انا حبيتك اوضحلك رسالة من الناس مش منى عشان امانة نقل الكلام
اسامة

يا استاذ اسامه ماتزعلش منى انا مش قصدى اهاجمك .

بس انا مستغرب الناس الى بتقول الكلام ده ..... عرفو منين ان اسعار قطع الغيار غاليه اذا ماكانوش دخلو على القسم ده و عرفو ان الاسعار غاليه !!!!
و الناس ديه ليه ماتشاركش معانا .
+ 80 % من الجين 2 الى ماشيه فى شوارعنا لسه فى الضمان و ملاك الجين 2 ملحقولش يحتاجو للتوكيل فى قطع غيار اساسيه بره الضمان و على هذا الاساس مش كتير من الناس عندهم علم بأسعار قطع غيار الجين 2 " الى انا متأكد انهم حيتصدمو لما يسمعوها " .... و غير ان فى ناس كتير شارياها قسط و مأمنين عليها فا فى حالات الحوادث محدش بيتكلف حاجه فى التصليح .
* النقطه التانيه - الموضوع ده مش بيتكلم على جين 2 تحديدا ... بيتكلم على الناس الى بتيجى تستفسر عن اى معلومه فى قسم بروتون و تمشى , و مش بنشوفهم تانى , و حضرتك مش كاتب جين 2 حضرتك كاتب (( ياريت لو سمحتوا لو حد سال عن العربية حد منكوا احكولوا عن قطع الغيار اسعارها ))
محددتش انهى عربيه !! . و انا رديت على الكلام الى حضرتك نقاله من الناس علاشان تتأكد بنفسك ان فى مواضيع بتتكلم على الاسعار و الصيانات .

****

فى نقطه ياريت الناس الى معاها جين 2 تبتدى تعملها ياريت كل واحد رايح يعمل صيانه فى التوكيل يسأل على اسعار 3 او 4 قطع غيار .... اى قطع غيار و يكتب اسعارها ..... لو كل واحد عمل كده حتعملو قايمه باسعار قطع الغيار ل الجين 2 .


مُهاب