مخالفات مرور على نمر مرتجعه

**thatha** · 17-12-2014 01:04 PM

الحمد لله من حوالي اسبوع رخصت عربيه زيرو و علقت عليها نمر. بالصدفه بجرب اشوف المخالفات الي عليهاعلى النت وانا واثق طبعا ان مفيش حاجة . لقيت عليها مخالفات!!!! جريت علي المرور و طلبت شهاده مخالفات و فعلا لقيت عليها مخالفات من سنه!!!!! قلتلهم ازاي!!!! انا معلق نمر من اسبوع و عربيه زيرو وانا اول مالك! المهم جبت . بيان لوحات . و اكتشفت ان النمر الي عندي مرتجعه!!. كانت على عربيه تانيه. المهم الموضوع اتحل و حتتحول المخالفات دي على الرقم القومي بتاع صاحب النمر القديم. سؤالي بقى حد يعرف ازاي النمر بيعاد استخدامها تاني و ايه شروط كده. كمان انا قلقان ليكون فيه احكام او مخالفات تانيه على النمر. و لاا كده انا تمام؟
شكرا على المشاركه .

**Anaslbda** · 17-12-2014 02:21 PM

ولاا كده انا تمام؟

انت كده تمام.

**NourElmansy** · 17-12-2014 02:35 PM

لسه كنت امبارح في مرور ابيس بالاسكندرية بطلع شهادة مخالفات لسيارة والدتي ( موديل 2015 )

فوجئت بوجود مخالفتين عكس اتجاه بتاريخ يناير 2012 !!! دخلت لوكيل النيابة و قولتله المخالفات قبل ما العربية تتصنع ازاي

عملت تظلم و المخالفات اتعمل لها ( اسقاط مخالفة ) و اخدت براءة ذمة

ابتسم انت في مصر

**خالد دياب** · 17-12-2014 02:54 PM

مقدرشي اقولك غير اننا في بلاد العجائب ازاي النمره ترجع للمرور من غير ما المرور يكشف عليها ويصفى اللي عليها مع صاحب النمره قبل ما يرجعها وياريت تقولنا كشف عليها فين وانشاء الله انت كده تمام

**عبده المصرى** · 17-12-2014 03:09 PM

المشاركة الأصلية كتبت بواسطة nourelmansy

لسه كنت امبارح في مرور ابيس بالاسكندرية بطلع شهادة مخالفات لسيارة والدتي ( موديل 2015 )

فوجئت بوجود مخالفتين عكس اتجاه بتاريخ يناير 2012 !!! دخلت لوكيل النيابة و قولتله المخالفات قبل ما العربية تتصنع ازاي

عملت تظلم و المخالفات اتعمل لها ( اسقاط مخالفة ) و اخدت براءة ذمة

ابتسم انت في مصر

بعد أذنك اخى ممكن اعرف قيمة مخالفة السير عكس الاتجاه عام 2012 مع جزيل الشكر

**Abo_Mazen** · 17-12-2014 03:17 PM

النمر إتكهنت أو إتعملها إرتجاع قبل المخلفه ما تتسجل على الكمبيوتر...نزلت على الكمبيوتر ..جيت حضرتك تستعلم لقيتها ..تم حل المشكله ..بس خلاص

**thatha** · 17-12-2014 03:57 PM

متشكر جدا ياجماعه على الردود, الحمدلله . بس الحق يتقال انا مالفيتش كتير و الناس كانوا محترمين جدا. و حالولي المشكله فساعه تقريبا ووصلوا لصاحب النمر.

**ainshouka** · 17-12-2014 06:15 PM

لما كنت بعمل نقل ملكية وانا ثالث يد واعرف الاتنين اللى كانوا قبلى عليها
لما جيت اطلعلها شهاده مخالفات لقيت عليها مخالفه ركن صف تانى
المخالفه بنمر واسم شخص مختلف تماما ومعرفوش
ومتسجله فى 2011
وهما فى المرور عندهم بيانات العربية متغيرتش من 2008
طب منين الاسم دا ........منعرفش
روح مرور بين السرايات طب روح الدراسه طب روح شبرا طب ارجع تانى العجوزه
والموضوع طلع ان مرور الوايلى ربط نمر العربية دى بعربيتى لا نمرهم واحده بس واحده كانت32 وبتاعتى 23
وكل عام وانت بخير

**hossam_elwani** · 18-12-2014 12:57 AM

المشاركة الأصلية كتبت بواسطة nourelmansy

لسه كنت امبارح في مرور ابيس بالاسكندرية بطلع شهادة مخالفات لسيارة والدتي ( موديل 2015 )

فوجئت بوجود مخالفتين عكس اتجاه بتاريخ يناير 2012 !!! دخلت لوكيل النيابة و قولتله المخالفات قبل ما العربية تتصنع ازاي

عملت تظلم و المخالفات اتعمل لها ( اسقاط مخالفة ) و اخدت براءة ذمة

ابتسم انت في مصر

قبل ما العربيه تتصنع !!! اه يادولة النصب العلنى